Шаҳарсозлик нормалари ва қоидалари

Фойдаланилган адабиёт рўйхатида ҳисобот тузилиши учун фойдаланил-ган фонд материаллари ва нашр этилган адабиёт келтирилади.
Эслатмалар:

1. 
   Ҳисоботнинг тузилишини (бўлим ва қисмлар сони ва номини) изланишлар вазифасига ва ҳудуднинг муҳандислик геологик шароитига боғлиқ равишда ўзгартиришга, ҳамда, ҳисобот ўрнига хулоса тузилганда, айрим бўлимларни қўшиб юборишга рухсат берилади.
   
2. 
   Табиий-геологик ва муҳандислик геологик жараёнлар бўлими, бу жараёнлар фаол ривожланган ва лойиҳа ечимларига ҳал қилувчи таъсир кўрсатган тақдирда, алоҳида ажратиб ёзилади.
   
3. 
   Ҳисоботнинг гидрогеологик шароитлар бўлимида гидрогеологик шароитлар лойиҳа ечимларига ҳал қилувчи таъсир кўрсатганда ва шунга тегишли ишлар олиб борилганда, гидрогеологик тадқиқодларни бажариш усуллари бобини ҳам ажратиб алоҳида ёзилади.
   
4. 
   Изланишлар жараёнида ностандарт ва нормалардан ташқари усуллар кенг қўлланилганда «Ишларни олиб бориш усуллари» алоҳида боб сифатида ажратиб ёзилиши керак.
   
5. 
   Буюртмачи берган техник топшириқда грунт қурилиш материалларни ёки ер ости сувлари асосида сув таъминоти манбаларини излаш талаблари қўйилган бўлса, у ҳолда бу изланишлар натижалари алоҳида бўлимларда келтирилиши керак.
   
6. 
   Ўрганилаётган ҳудудда (башоратларни ҳам ҳисобга олганда) лойиҳаланаётган объект ва геологик муҳит ўзаро таъсир доирасида:
   

сувли горизонтлар, ўзига хос хусусиятли грунтлар, хавфли табиий- геологик ва муҳандислик геологик жараёнлар мавжуд бўлмаса техник ҳисоботда тегишли бўлимлар келтирилмайди.
8.6. Лойиҳадан аввалги ҳужжатларни ишлаб чиқиш учун тузилган техник ҳисобот (хулоса)нинг матний иловалари қуйидагиларни ўз ичига олиши керак:
- буюртмачи техник топшириғидан кўчирма;
- ишларни амалга ошириш учун берилган рухсатномадан кўчирма;
- лаборатория шароитида аниқланган грунтлар хусусиятларининг кўрсат-кичлари ва ер ости сувлари кимёвий таркибининг умумлаштирилган жадвалла-ри (уларни статистик жиҳатдан қайта ишлаш натижалари билан);
- грунтларни геофизик усуллар билан ва дала шароитида ўрганиш, ста-ционар кузатувлар ва бошқа ишлар натижаларининг жадваллари;
- кузатув нуқталарининг тавсифи (ёки уларининг бошқа шакллардаги натижалари);
- ковламаларнинг, зондлаш нуқталарининг, геофизик тадқиқодлар ўтка-зилган нуқталарнинг координатлари ва баландлик белгиларининг каталоглари ва зарурат туғилганда, бошқа материаллар.
8.7. Лойиҳадан аввалги ҳужжатларни ишлаб чиқиш учун тузилган техник ҳисобот (хулоса) таркибида қуйидаги график шаклидаги иловалар бўлиши керак:
- фактик материаллар харитаси (майдонча, трасса, ҳудудлар ва уларнинг вариантлари бўйича), муҳандислик геологик шароитлар ва майдонча (трасса) ёки улар вариантларининг инженер геологик районлаштириш хариталари;
- гидрогеологик шароитлар хариталари (сувли горизонтларнинг тарқалган-лиги, гидроизогипс, ер ости сувлари чуқурлиги, гидрокимёвий, сув ўтказмас қатламлар чуқурлиги, сув ўтказувчанлик, ҳудуддан фойдаланиш ва техноген босимлар, гидрогеологик, туб тоғ жинслари қатламининг тепа қисми, сейсмик районлаштириш ва б.).
- табиий - геологик ва муҳандислик геологик жараёнлардан туғиладиган хавф ва уни инобатга олмасдан таваккал қилиш хариталари;
- чизғий иншоотлар учун олиб борилган изланишларда трасса йўлларининг инженер геологик шароитлар харитаси ўрнига, трассанинг ўқи бўйлаб ва унга кўндаланг ўтказилган профиллар ёки инженер геологик кесмалар илова қилиниши мумкин;
- мавжуд геологик, гидрогеологик ва бошқа хариталардан кўчирмалар;
- инженер геологик ва зарурат туғилганда, гидрогеологик кесмалар;
- геологик-литологик колонкалар ёки тоғ ковламаларининг ёзма тавсифи;
- зондлаш графиклари, грунтларнинг лаборатория ва дала шароитларидаги тадқиқодлар натижаларини қайта ишлаш материаллари, тажриба фильтрация ишлари натижаларини қайта ишлаш (ишлов бериш), геофизик харита ва кесимлар, стационар кузатувлар графиклари ва бошқалар.
Тоғ ковламаларининг турлари, чуқурлиги ва улардан фойдаланиш шартлари R иловада келтирилган.
Инженер геологик районлаштириш харитасига ажратилган таксономик бирликлар тавсифлари жадвали (экспликация) илова қилиниши керак.
Техник ҳисоботга график илованинг шартли белгилари ГОСТ 21.302 талабларига биноан тузилиши керак.
8.8. Корхона, бино ва иншоотлар лойиҳасини ишлаб чиқиш учун муҳан-дислик геологик изланишларга буюртмачининг техник топшириғида 4.16 банд-га қўшимча қуйидагилар бўлиши керак:
- лойиҳаланаётган иншоотлар характери ва ўлчамлари;
- қўлланилиши тахмин қилинган пойдевор турлари;
- иншоотдан пойдеворга тушадиган оғирлик;
- бино ва иншоотлар пойдеворлари ва ер ости қисмларининг жойлашиш чуқурлиги;
- лойиҳаланаётган объект билан геологик муҳитнинг тахмин қилинган ўзаро таъсир доираси;
- объектни қуриш ва ундан фойдаланиш даврида муҳандислик геологик шароитларнинг ўзгариш эҳтимолини ҳосил қилувчи омиллар ва изланишлар дастурини тузиш, шу жумладан изланишлар олиб бориладиган майдон ва уларнинг чуқурлигини аниқлаш учун зарур бўлган маълумотлар.
Техник топшириқнинг шакли ва мазмуни О иловада келтирилган.
8.9. Корхона, бино ва иншоотлар лойиҳасини ишлаб чиқиш учун тузилади-ган техник ҳисобот матнида 8.5 бандга қўшимча қуйидаги маълумотлар кел-тирилиши керак.
Геологик тузилиш бўлимида аниқланган инженер геологик элементлар ГОСТ 25100 талабларига кўра ва уларнинг лойиҳаланаётган объект билан геологик муҳитнинг ўзаро таъсир доирасида ётиш шароитига кўра: қалинлиги, минерал ва литологик таркиби, структура-текстурали хусусиятлари, ер юзида ва чуқурлик бўйича ўзгарувчанлигининг таърифлари келтирилиши керак.