Грунт қурилиш материаллари
|
Маҳаллий қурилиш материаллари бўлмаган ва тупроқ иншоотлар (тўкма, сув ёрдамида қуриладиган тўғонлар, дамбалар, йўллар ва ш.ў.) ни барпо қилиш учун мўлжалланган грунт материаллари.
|
Маҳаллий қурилиш материаллари
|
Бетон, керамзит, қурилиш эритмалари, силикат ва гил ғишт ва ш.ў. бошқа маҳсулотлар ишлаб чиқариш учун яроқли туб қоятош, йирик чақиқ, қумли ва гилли тоғ жинсларидан иборат грунтлар.
|
Техноген грунтлар
|
Инсоннинг муҳандислик –хўжалик фаолияти натижасида ўзгарган, бир жойдан иккинчи жойга кўчирилган ёки ҳосил бўлган грунтлар.
|
Чўкувчан грунт
|
Дисперс чўкинди минерал грунтлар (кўпинча лёссимон грунтлар)нинг чангли-гилли туркумига кирувчи, сув ёки бошқа суюқлик билан намланиш жараёнида ташқи босим ва ўз оғирлиги таъсирида, ёки фақат ўз оғирлиги таъсирида деформацияга учрайдиган ва нисбий чўкиш деформацияси - esl ≥ 0.01 бўладиган грунтлар.
|
|
|
|
|
|
|
Грунт шароитларининг чўкувчанлик бўйича типи
|
ҚМҚ 2.02.01 талабларига кўра чўкувчан грунтлар тарқалган районларда чўкувчанлик бўйича грунт шароитларининг типига кўра участкалар ажратилади.
Грунтларнинг ўз оғирлиги таъсирида, улар намланганда, чўкиш миқдорига кўра қуйидаги грунт шароитлари ажратилади:
I тип — грунтларнинг чўкиши асосан ташқи босим таъсирида содир бўлади, ўз оғирлиги таъсирида эса чўкиш умуман содир бўлмайди, ёки содир бўлганда ҳам унинг миқдори 5 сантиметрдан ошмайди;
II тип — грунтларнинг чўкиши ташқи босим таъсиридан ташқари, ўз оғирлиги таъсирида ҳам содир бўлади, ва унинг миқдори 5 сантиметр ёки ундан ортиқ бўлади.
|
|
