Шифохонагача бўлган босқичда тиббий ёрдам кўрсатиш тамойиллари

ШИФОХОНАГАЧА БЎЛГАН БОСҚИЧДА ТИББИЙ ЁРДАМ КЎРСАТИШ ТАМОЙИЛЛАРИ .
Қон йўқотиш сезиларли даражада бўлса , қуйидагиларни ёдда тутмоқ лозим: гемодинамика бузилиши оқибатида юракнинг қисқарувчанлиги ортганлиги , ўпка вентиляциясининг кучайганлиги , қонда гидремия ва қайта тақсимланиш рўй бериб , тери ва шиллиқ қаватларнинг оқариши , оёқ – қўлларнинг совуши , нафас ва пульснинг тезлашуви , артериал босимнинг тушиб кетиши (диостоликка нисбатан систолик босимнинг кўпроқ тушиши ) , диуриезнинг камайиши ёки умуман тўҳташи кузатилади . Бу даврда эритроцитлар миқдори , қоннинг гемоглабинга тўйиниши , гемотокрит кўрсаткичлари кам ахборот беради .
Тиббиёт ҳамшираси қон йўқотган ҳар қандай бемор шошилинч ёрдам кўрсатилишига муҳтож эканлигини ёдда тутиши лозим . Қуйидаги жадвалда турли даражада қон йўқотган ҳолатларда кузатиладиган белгилар келтирилган .

Даражаси	Клиник белгилар	Қон йўқотишнинг % ва миқдори
Норма	Белгилар йўқ , қон босими меъёрида	10%; 450-500 мл
I- даража	Бироз тахикардия , қон босими бирмунча паст , веноз гипотония , яққол намоён бўлмаган олигурия , оёқ- қўлларнинг совуши .	15-20 %; 700-1.300 мл
II- даража	Томир уруши бир дақиқада 120-140 та , систолик босим 100 мм симоб устунидан паст , веноз гипотония , тери ва шиллиқ пардаларнинг оқариши , ҳансираш , оқариш негизида ционоз , совуқ тер босиши , олигурия (бир соатда 20 мл дан кам), бесаранжомлик .	25-45 % ; 1.300-1.800 мл
III- даража	12 соатдан ортиқ гипотония , томир уриши 140 дан ортиқ , қон босими 60 мм симоб устунидан паст ёки аниқланмайди , ҳушсиз , тери ва шиллиқ пардалари жуда ҳам оқарган , оёқ қўлларининг совуши , олигоанурия	50 % дан ортиқ ; 2.000-2.500 мл

Қон йўқотиш оқибатида гемодинамикаси ўзгарган беморларга шифохонагача бўлган даврда ёрдам кўрсатиш тамойиллари .
Бемор горизонтал ҳолатда ётқизилади , гиповалемияда эса бош қисми пастроқ туширилади .Қон кетишини тўхтатиш: боғлам , жгут , қон кетаётган соҳага музли халтача қўйиш ва зудлик билан беморни шифохонага юбориш чора – тадбирларини кўриш .
Ҳамширалар учун телеграм канали.
Фойдаланилган адабиёт : Ҳамширалар фаолиятида профилактика китоби