Shu jihatdan ta`limning jiddiy nuqsoni-ta`lim boshqaruviga oid tajribalarning deyarli o’tkazilmayotganligini diqqatdan chetda qoldirib bo’lmaydi

Boshqarish sotsiologiyasi insonning ishlab chiqarish omillari bilan о’zaro aloqasi, jamoaning sotsial rivojlanishini rejalashtirish, mehnat jamoasini tarkib toptirish, xodimlarning tashabbusi va ijodiy faolligini oshirish kabi muhim muammolarni kо’pib chiqadi.Sotsiologik axborotlarni maxsus tadqiqotlar o‘tkazish yo‘li bilan olish mumkin. Bulardan eng muhimlari quyidagilardir:

• 
  Hujjatli usul, bunda zarur ma’lumotlar statistik to‘plamlardan, boshlang‘ich hisobga olish hujjatlaridan olinadi. Shaxsiy harakterdagi hujjatlardan foydalanish usuli - turli masalalar yuzasidan kishilarning o‘z qo‘llari bilan yozilgan narsalar: ariza, shikoyat, qarindosh-urug‘ va tanishlarga yozilgan xatlar, tarjimai hol, tushuntirish xatlari va hokazolar. Ilmiy konferensiyalar o‘tkazish usuli, bunday konferensiyalarni tayyorlash va uni o‘tkazishda, odatda, ayrim masalalar yuzasidan material to‘plovchi, amaliy tavsiyanomalar ishlab chiquvchi bir qancha xodimlar ishtirok etadi.
  
• 
  Anketali usul - oldindan tayyorlangan dastur bo‘yicha yozma ravishda savollar beriladi va yozma javoblar olinadi.
  
• 
  Intervyu olish usuli - bunda muammoni o‘rganish uchun xodim bilan bevosita suhbat o‘tkaziladi.
  
• 
  Kuzatish usuli - jamoa faoliyatini shaxsan kuzatish odamlar bilan uchrashish va muloqotda bo‘lib, ob’ektiv va batafsil axborot yig‘ish, shuningdek har bir jamoa rolini baholash imkonini beradi.
  
• 
  Sotsial eksperiment o‘tkazish usuli - bu usulda sun’iy ravishda ijtimoiy vaziyatni vujudga keltirish yo‘li bilan ijtimoiy hodisalar to‘g‘risidagi ilmiy xulosalar va mavjud bilimlar tekshirib ko‘riladi.
  

Boshqarish psixologiyasi kishilarning boshqarish faoliyatlari xususiyatlarini va natijalarini aniqlashga xizmat qiladigan hodisalarni о’rganadi. U kadrlarni tanlashda, ularni joy-joyiga qо’yishda, topshiriqlarni, funksiyalarni taqsimlashda, xodimlarni rag‘batlantirishda, intizomni mustahkamlashda va hakozolarda qо’llaniladi. (3-shakl)
Psixologiya insonning ruhiyatini о’rganuvchi fandir. Inson ruhiyatiga esa sezish, idrok qilish, tasavvur, tafakkur, taassuf jarayonlari, xotira, diqqat, e’tibor, iroda, shuningdek, inson shaxsining ruhiy xususiyatlari, chunonchi, qiziqish, qobiliyat, xarakter va mijoz kiradi.
Ijtimoiy psixologiya - bu kishilar va jamoa faoliyati psixologik va sotsial omillarning о’zaro aloqasi qonunlarini, turli sotsial guruhlar xususiyatlarini, jamoa muloqoti va о’zaro ta’sir kо’rsatish shakllarini о’rganadigan psixologiya fanining sohasi.Menejmentning ijtimoiy-psixologik usullari - bu ishlab chiqaruvchi va ayrim shaxslarga ularning ijtimoiy ehtiyojlari va psixologik xususiyatlariga ta’sir etish bilan boshqarish vositasidir. Menejmentning ijtimoiy-psixologik usullarini qо’llash korxonada yuz berayotgan ijtimoiy hodisalarni chuqur о’rganish, xodimlar nerv sistemasi kayfiyatiga ta’sir etuvchi psixologik (ruxiy) omillarni bilishni talab etadi.
Shaxs psixologiyasi oliy nerv faoliyati turlari va inson temperamenti, xarakteri, shaxsning irodasi, qobiliyati, hissiyoti, xotirasi, anglash va his etish qobiliyatini о’rganadi, mehnat psixologiyasi mehnat faoliyati, shu jumladan, rahbar va mutaxassislar (kasbiy xususiyat va qobiliyatlari, kadrlarni о‘qitish usullari, ish va dam olish tartibi, kadrlarni tanlash va baholash usullari, mehnat jarayonining psixologik jihatlari) faoliyatini о‘rganadi. Kishilarning fikrlash usulida о’zgarish yuz berishi va ular madaniy hamda bilim darajasining ortib borishi bilan ijtimoiy-psixologik usullarning ahamiyati ham ortib boradi. Bunday sharoitda shaxsning ehtiyoj va manfaatlari ma’naviy soha tomon о’zgarib boradi. О‘z mehnatidan qoniqishning muhim omili bо‘lib ishlab chiqaruvchilarning rahbar bilan о‘zaro yaxshi munosabati, ishlab chiqarishdagi qulay ijtimoiy-psixologik vaziyat xizmat qiladi.
Menejmentning ijtimoiy-psixologik usullari ishlab chiqarishda mavjud ijtimoiy mexanizmni (о’zaro munosabat tizimi, ijtimoiy ehtiyojlar) qо’llashga asoslanadi. Menejmentning ijtimoiy usullari ijtimoiy tartibga solish vositasida amalga oshiriladi. Ijtimoiy tartibga solish usullari turli guruhlar va shaxslar maqsadi va manfaatlarini aniqlash va rostlash yо’li bilan ijtimoiy munosabatlarni tartibga solish va uyg‘unlashtirish maqsadida qо’llaniladi.
Ular jumlasiga ijtimoiy tashkilotlar nizomlari, shartnomalar, о’zaro majburiyatlar, ishchilari tanlash, taqsimlash va ijtimoiy ehtiyojlarni qondirish tizimi kiradi. Ijtimoiy tartibga solish usullari inson omili faolligini oshirish, boshqaruvni demokratlashtirish maqsadida ham qо’llaniladi.Menejmentning psixologik usullari jamoada maqbul psixologik holat tashkil etish yо’li bilan kishilar о’rtasidagi munosabatlarni tartibga solishga qaratilgandir. Psixologik usullarga kichik guruh va jamoalarni tashkil etish, mehnatni insoniylashtirish, malakali kadrlar tanlash, ularni о’qitish va hakazolar kiradi.Kichik guruh va jamoalarni tashkil etish usulini qо’llash kichik guruhdagi ishchilar о’rtasidagi maqbul miqdoriy-sifat nisbatini aniqlash imkonini beradi. Mehnat faoliyatini insoniylashtirish deganda ranglar, musiqaning ruxiy ta’siridan foydalanish, bir xil, о’zgarmas mehnatni bartaraf etish, ijodiy yondoshuvni kengaytirish tushuniladi. Kasbiy tanlashning mohiyati - kishilarning ruxiy xususiyatlarini ular bajaruvchilariga eng mos bо’ladigan qilib tanlashdan iborat.Shaxsning ruxiy xususiyatlari jumlasiga uning qiziqish va mayllari, qobiliyati, temperament va xarakteri kiradi. Shu sababli rahbar shaxsga rahbarlik qilganda о’z oldiga inson ruxiy xususiyatlari shakllanishi va rivojlanishini о’rganish, uning qiziqish va qobiliyati, temperament va fe’lini bilish vazifasini qо’yishi kerak.
Shaxsning ruxiy xususiyatlarini inson faoliyatida ajratib tushunib bо’lmaydi, chunki kishi qobiliyati va fe’li xususiyatlari uning faoliyati hamda xulqida namoyon bо’ladi. Inson hayoti va ommaviy faoliyati uning ruxiy holatini shakllantiradi. Insonning qanday hayot kechirishi, nima bilan shug‘ullanishini bilmay uning qanday vujudga kelganligi, u yoki bu narsaga qobiliyati rivojlanganligi, fe’li shakllanganligini anglab bо’lmaydi.Inson, avvalo, о’zini ijodiy shaxs sifatida baholaydi. Ishchi mehnatga bunday nuqtai nazardan qaramaydi: moddiy ehtiyojlar birlamchi bо‘lib, ular qoniqqandan sо‘ng nisbatan yuksak insoniy ehtiyojlar ilgari suriladi. Inson faoliyati ma’lum rag‘batlantiruvchi omillarga asoslangan bо‘lib, ma’lum maqsadga erishishga qaratilgandir. Rag‘batlantiruvchi omil - maqsad munosabati inson faoliyati о’zagidir. Umumiy ma’noda rag‘batlantiruvchi omil - bu insonni faoliyat yuritish uchun undovchi omil bо’lib, maqsad esa inson uni amalga oshirishi natijasida erishishni xohlagan narsadir. Rag‘batlantiruvchi omil kishi xulqining ichki kuchidir. Psixologiyada uzoq va qisqa rag‘batlantiruvchi omil ajratiladi. Agar inson faoliyatini rag‘batlantiruvchi omil va о‘z oldiga qо‘ygan maqsad yaqin kelajakka mо‘ljallangan bо‘lsa, u qisqa muddatli, agar ular uzoq istiqbolni qamrab olsa, uzoq muddatli deyiladi. Rag‘batlantiruvchi omil darajasi bilan insonning mehnatga, yutuq va muvaffaqiyasizlikka nisbatan bо’lgan munosabati uzviy bog‘liqdir. Faqat uzoq muddatli rag‘batlantiruvchi omil mehnatga ijodiy munosabatda bо’lish manbaidir.
Rahbarga xos bо’lgan muhim xususiyat kishilar faoliyatini rag‘batlantiruvchi omillarni yaxshi bilish, har bir kishini u yoki bu vazifani bajarishga qiziqtira olishdir. Bu, ayniqsa, u yoki bu korxonaga ishga kirib, ularni kelajakda nima kutishini bilish lozim bо’lgan yoshlar bilan ishlashda muhimdir. Rahbar ishini kim, qachon, qaysi skripkani chalishi, qaysi asbobda musiqa chalishini о’rgangan, kim notо’g‘ri chalishi mumkinligini, kimni qaysi yerga qо’yish kerakligini bilishi lozim bо’lgan dirijyor mehnati bilan solishtirish mumkin.Kishi ruhiy xususiyatlarining u bajaradigan ish talablariga mos kelmasligi, о’z kasbidan qoniqmaslik uni о’zgartirishga harakat qilishga, xato qilish ehtimoli ortishiga va natijada mehnat unumdorligi pasayishiga olib keladi. Aksincha, agar inson о’z qobiliyatini tо’liq namoyon qila oluvchi ish bilan band bо’lsa, u о’z mehnatidan mamnun bо’ladi, kasbni tez egallaydi va mehnat unumdorligi yuqori bо’ladi.Inson uchun faqat moddiy rag‘bat muhim deb hisoblash notо’g‘ri. Unga juda kо’p narsa - umumiy ishda о’z xissasi borligini his etish, о’zini mehnat orqali namoyon etish, о’z malakasi bilan g‘ururlanish, о’rtoqlari hurmatiga sazovor bо’lish va hakazolar ham muhimdir. Kо’pchilik kishilar shaxsiy farovonlikka boshqalar hisobiga erishilgan shaxsiy muvaffaqiyat orqali emas, mamlakat iqtisodiyoti mehnati hisobiga erishish lozimligini ta’kidlaydilar. Izlanishlar mehnatga nisbatan munosabatga ta’sir etuvchi rag‘batlantiruvchi omillar quyidagi tartibda taqsimlanishini kо’rsatdi: mehnat mohiyati, ish haqi, yuqori lavozimga ega bо’lish imkoniyati, ishning qiziqarliligi, mehnatni tashkil etish, ma’muriyatning ishchiga nisbatan munosabati.
Ijtimoiy-ruxiy usullarnnng asosiy maqsadi jamoalarda sog‘lom ijtimoiy-ruhiy muhitni yaratishdir. Bu usul ijtimoiy-ma'naviy vaziyatga ta'sir etish yo‘li bilan kishilarning fe'l-atvori, ruhiyatini hisobga olib ularning ijtimoiy (sotsial) talablarini qondirish orqali boshqarishni bildiradi.Boshqacha qilib aytganda, ijtimoiy-ruhiy usullar bu ishlab chiqarish jamoalarini, ulardagi "psixologik vaziyatni", har bir xodimning shaxsiy xususiyatlarini o‘rganishga asoslangan usullardir.
Boshqarishning ijtimoiy-ruhiy usullari quyidagi muammolarni hal etishga qaratilgan:
1. Kishilarning ijtimoiy-ruxiy xususiyatlari, chunonchi, qobiliyatlari, mijozlari, harakatlari va hokazolarni hisobga olgan holda mehnat jamoalarini tashkil toptirish. Buning natijasida jamoani rivojlantirish, ishlab chiqarish samaradorligini oshirish maqsadida hamkorlikda ishlash uchun qulay shart-sharoitlar yaratiladi.
2. Ijtimoiy yurish-turish me'yorlarini o‘rnatish va rivojlantirshga yaxshi va na’munali an'analarni qo‘llab-quvvatlash va milliy urf-odatlarni joriy etish hamda jamoa ongini o‘stirishga yordam beradi.
3. Ijtimoiy rivojlantirishni va kishilarniig intilishini, tashabbusini rag‘batlantirish, umumiy ta'lim darajasini oshirish, madaniy, ma'naviy va ma'rifiy o‘sish, malaka oshirish, estetik ravnaq va mehnatga ijodiy munosabatni ta'minlaydi.
4. Kishilarning madaniy va ijtimoiy-maishiy ehgiyojlarini qondirish, chunonchi, uy-joylar, bolalar bog‘chalari, klublar, profilaktoriylar, sport inshootlari va hokazolarni ko‘rishga sharoit tug‘diradi.
5. Mehnat jamoalarida talabchanlik, o‘zaro yordam, intizomni buzuvchilarga murosasizlikdan iborat sog‘lom ijtimoiy-psixologik muhitni vujudga keltirish va uni qo‘llab-quvvatlashga sharoit tug‘diradi.
6. Odamlarning o‘z mehnatidan, tanlagan mutaxassisligi va kasbidan qoniqishlari uchun, ishlab chiqarish samaradorligi va ish sifatini oshirish uchun shart-sharoitlarini vujudga keltiradi.
Bu muammolarning yechimi boshqarishning yanada uyushqoq samarali bo‘lishini talab qiladi.
Amaliy boshqarishda sotsial-ruhiy metodlardan samarali foydalanish uchun boshqarish ob'ektining holati to‘g‘risida keng axborotga ega bo‘lish kerak. Bunday axborot olish uchun jamoada bevosita sotsiologik tadqiqotlar o‘tkazish lozim.
Ijtimoiy tadqiqotlar juda xilma-xil axborotlar olish imkonini beradi, chunonchi:

1. 
   jamoa a'zolarining mehnatga va rahbarlarga munosabati;
   
2. 
   boshqarish usullarining bir-biri bilan o‘zaro munosabati;
   
3. 
   jamoaning extiyojlari va qiziqishlari;
   
4. 
   xodimlar shaxsiyati;
   
5. 
   xodimlar qo‘nimsizligi sabablari;
   
6. 
   xodimlarning ishlab chiqarishdagi faolligi;
   
7. 
   jamoa a'zolarining ma'naviy va jismoniy ravnaqi.
   

Qayd qilingan ijtimoiy tadqiqotlarning ham ijobiy jihatlari, ham kamchiliklari bor. Shuni hisobga olgan holda, u yoki bu usulni voqealikni real aks ettirishi va ko‘proq samara berishiga qarab tanlash lozim. Tajribalar esa bu usullarni ma'lum darajada birga qo‘shib qo‘llanishi maqsadga muvofiq ekanligini ko‘rsatadi, xodimlarning tashabbusi va ijodiy faolligini oshirish kabi muhim muammolarni ko‘rib chiqadi.Mehnat jamoalaridagi sotsial-ruxiy vaziyat yuzaga kelgan nizolar soni bilan belgilanadi.
Nizo - bu rahbar, ishchi va boshqa xodimlar orasida muayyan masalalarni hal qilishda tomonlarning bir-biri bilan bir yechimga kela olmaganligini bildiradi. Jamoa a'zolari orasidagi nizolar, asosan ishlab chiqarishning qoniqarsiz tashkil qilinganligi, jamoa a'zolarining ruhiy holatlari hisobga olinmaganligi, zarur ish sharoitining yaratilmaganligi va boshqa sabablar natijasida vujudga keladi.Mehnat jamoalari orasida nizo chiqaruvchi ayrim shaxslar bo‘lishi ehtimoldan uzoq emas. Bunday shaxslar ish paytida foydali mehnat bilan shug‘ullanish o‘rniga, o‘zlarining o‘rinsiz e'tirozlarini gapirib ham o‘zlarini, ham boshqalarni ishdan chalg‘itib, ishlashga halaqit beradi.
Bunday nosog‘lom vaziyat jamoa a'zolarining kayfiyatiga salbiy ta'sir qiladi, ularni asabiylashtiradi, natijada sotsial-ruhiy vaziyat yomonlashdi. Bu esa o‘z-o‘zidan ishga salbiy ta'sir ko‘rsatadi. Boshqaruvning ijtimoiy-psixologik usullari ishlab chiqarishda mavjud ijtimoiy mеxanizmni (o‘zaro munosabat tizimi, ijtimoiy extiyojlar) qo‘llashga asoslanadi. Boshqaruvning ijtimoiy usullari ijtimoiy tartibga solish vositasida amalga oshiriladi. Ijtimoiy tartibga solish usullari turli guruxlar va shaxslar maqsadi va manfaatlarini aniqlash va rostlash yo‘li bilan ijtimoiy munosabatlarni tartibga solish va uyg‘unlashtirish maqsadida qo‘llaniladi. Ular jumlasiga ijtimoiy tashkilotlar nizomlari, shartnomalar, o‘zaro majburiyatlar, ishchilarni tanlash, taqsimlash va ijtimoiy extiyojlarni qondirish tizimi kiradi. Ijtimoiy tartibga solish usullari inson omili faolligini oshirish, boshqaruvni dеmokratlashtirish maqsadida xam qo‘llaniladi. Boshqaruvning psixologik usullari jamoada maqbul psixologik xolat tashkil etish yo‘li bilan kishilar o‘rtasidagi munosabatlarni tartibga solishga qaratilgandir. Psixologik usullarga kichik gurux va jamoalarni tashkil etish, mеhnatni insoniylashtirish, malakali kadrlar tanlash va ularni o‘qitish va x.k.lar kiradi. Kichik gurux va jamoalarni tashkil etish usulini qo‘llash kichik guruxdagi ishchilar o‘rtasidagi maqbul miqdoriy-sifat nisbatini aniqlash imkonini bеradi. Mеhnat faoliyatini insoniylashtirish dеganda ranglar, musiqaning ruxiy ta'siridan foydalanish, bir xil, o‘zgarmas mеhnatni bartaraf etish, ijodiy yondashuvni kеngaytirish tushuniladi. Kasbiy tanlashning moxiyati - kishilarning ruxiy xususiyatlari ular bajaruvchi ishlariga eng mos bo‘ladigan qilib tanlashdan iborat. Shaxsning ruxiy xususiyatlari jumlasiga uning qiziqish va mayllari, qobiliyati, tеmpеramеnt va xaraktеri kiradi. Shu sababli, raxbar shaxsga raxbarlik qilganda o‘z oldiga inson ruxiy xususiyatlari shakllanishi va rivojlanishini o‘rganishi, uning qiziqish va qobiliyati, tеmpеramеnt va fе'lini bilish vazifasini qo‘yishi kеrak⁷
Xulosa.
Shunday qilib, boshqaruvning iqtisodiy usullari juda kеng imkoniyatlarga ega bo’lib, ular moxirona va o’z vaqtida tashkiliy-farmoyish, ijtimoiy-psixologik va xuquqiy usullar bilan ko’shib olib borilgan taqdirda yaxshi natijalarga erishish mumkin.Fanda boshqaruv tushunchasi tizimning o‘z hayot faoliyatini ta’minlash jarayoni sifatida tushuniladi. Bunday tizimlar qatoriga biologik, texnik, ijtimoiy tuzilmalar kiradi. Boshqaruv tuzilma sifatida: boshqaruvchi va boshqariluvchi bo‘laklarga ajratiladi.Boshqaruvning ijtimoiy-psixologik usullari boshqaruvga jamoadagi ijtimoiy-psixologik jarayonlar, xodimlar salomatligi va jamoadagi yaxshi axloqiy-psixologik muhitni saqlab qolish, qonunlar va me’yoriy hujjatlar talablariga rioya qilish sifatida qo‘yilgan maqsadlarga erishish uchun qaratilgan.Yuqoridagi ma’lumotlardan kelib chiqgan holda, quyidagilarni ijtimoiy-psixologik jarayonlarni boshqarish ob’ektlari hisoblashimiz mumkin:

• 
  xodimlarning shaxsiy ta’riflari hamda ularning ruhiy va ruhiy-fiziologik xususiyatlari;
  

• 
  mehnatni va ish joylarini tashkil etish usullari;
  
• 
  xodimlarni tanlash, joy-joyiga qo‘yish, tayyorlash va qayta tayyorlash tizimi;
  
• 
  axborot ta’minoti va undan foydalanish;
  
• 
  xodimlarni rag‘batlantirish tizimi;
  
• 
  jamoadagi axloqiy-psixologik muhit;
  
• 
  xodimlarning ijtimoiy-maishiy sharoitlari.
  

Jamoada qulay axloqiy-psixologik muhitni ta’minlanishi ijtimoiy-psixologik usullarning muhim vazifasi hisoblanadi. Quyidagilar esa uning muhim alomatlaridir;

• 
  rahbarlarning qo‘l ostidagilarga bosimi yo‘qligi;
  
• 
  jamoa a’zolarining o‘z vazifalari va ishlari holati haqida yetarlicha
  

xabardorligi;

• 
  jamoa a’zolari va jamoatchilikning o‘zaro talabchanligi;
  
• 
  jamoaning har bir a’zosi tomonidan tashkilot (bo‘linma)dagi ishlar holati
  

uchun javobgarlikni o‘ziga olishi;

• 
  jamoaga tegishli ekanlikdan qanoatlanish;
  
• 
  do‘stona va ishga doir tanqid;
  
• 
  masalalarni muhokama qilishda fikrlarning erkin bildirilishi;
  
• 
  jamoada uzoqqa cho‘zilib ketgan, vazifaviy nizolarning yo‘qligi;
  
• 
  o‘zaro yordamning yuqori darajasi va boshqalar.
  

Jamoada qulay axloqiy-psixologik muhitni ta’minlash uchun rahbarlarning maxsus bilimi va ko‘nikmalari talab qilinadi. Maxsus tadbirlar sifatida quyidagilardan foydalanish kerak: xodimlarni ilmiy asoslangan holda tanlash, menejerlarni o‘qitish va davriy ravishda attestatsiyadan o‘tkazish, mehnat jamoalarini xodimlarni psixologik birga bo‘la olishlarini hisobga olish bilan shakllantirish, jamoa a’zolarida o‘zaro tushunish va hamkorlik ko‘nikmalarini ishlab chiqishga yordam beruvchi ijtimoiy-psixologik usullar, rahbarlikning tegishli uslubi. Jamoani shakllantirish va shaxslararo munosabatlarni tadqiqot qilishda sotsiomatritsalar va sotsiogrammalarni tuzish tavsiya etiladi.U guruh a’zolarining bir-birlariga munosabatlari va jamoaning jipsligi darajasini belgilash, etakchini aniqlash hamda xodimlarning sotsiomatrik mavqei va engiltakligini aniqlashga imkon beradi.Ta’kidlash joizki, amaliyotda boshqaruv usullari tizimi doimo o‘zgarib turadi. Masalan, ma’muriy-buyruqbozlik tizimidan bozor tizimiga o‘tishda boshqaruvning iqtisodiy usullari rivojlangan. Bundan tashqari, ijtimoiy hayot va iqtisodiyotning demokratlashishi natijasida insoniy omillarning roli o‘sganligi bois, ijtimoiy-psixologik omillarga ko‘proq e’tibor qaratila boshlangan.Biroq, amaliyotda foydalaniladigan boshqaruv usullari, qoidaga ko‘ra, majmuaviy bo‘ladilar, ya’ni ular bir vaqtda iqtisodiy manfaat, ma’naviy va moddiy rag‘batlantirish, ijtimoiy-psixologik omillarni hisobga oladilar. Bunda ayrim usullar aniq vaziyatlarda bir-birlarini to‘ldirgan-day bo‘lib, har xil omillarning boshqaruv ob’ektiga ta’sirini majmuaviy belgilashga imkon beradi. Bunday sharoitlarda turli darajadagi menejerlar boshqaruvning majmuaviy usullarini egallagan bo‘lishlari, tanlovni to‘g‘ri bajarishlari va xuddi ushbu aniq sharoitlarda samaraliroq bo‘lgan usullarni qo‘llashlari kerak.