16-лаборатория иши.
КИСЛОТАЛАРНИНГ МЕТАЛЛ ОКСИДЛАРИ
БИЛАН ЎЗАРО ТАЪСИРИ
Кутилаётган натижа:
Билим: Кислотларнинг металл оксидлари билан ўзаро таъсирлашуви ёдда тутадилар
Кўникма: Кислотларнинг металл оксидлари билан таъсирлашув реакцияларини бажаради ва тенгламаларини ёзади.
Малака: Кислоталарнинг металл оксидлари билан реакциясини характерлайди
1.Иккита пробирка олинг. Пробиркаларга, темир (III)-оксид дан тенг миқдорда солинг. 1-пробиркага хлорид кислота, 2-пробиркага сульфат кислота эритмаларидан 1-2 мл дан қуйинг. Пробиркадаги ўзгаришларни кузатинг. Агар ўзгариш сезилмаса, спирт лампаси алангасида бироз қиздиринг. Темир (III)-оксид батамом эриб кетса, ундан яна қўшинг ва эритишга ҳаракат қилинг.
2. Реакция тугагандан сўнг, ҳосил бўлган эритмалардан шиша пластикаларга бир неча томчи томизинг ва қиздиринг. Сув буғлангач пластинка устида нима қолади?
3. Юқоридаги тажрибани магний оксиди билан ҳам такрорланг.
Барча тажрибаларда содир бўлган реакция тенгламаларини ёзинг.
17-лаборатория иши.
НАТРИЙ, КАЛЬЦИЙ ВА Темир (III)-ГИДРОКСИДЛАРИНИНГ ХОССАЛАРИ БИЛАН ТАНИШИШ
Кутилаётган натижа:
Билим: Натрий, кальций ва темир(III)-гидроксидларининг хоссаларини ҳақида билимга эга бўладилар.
Кўникма: Натрий, кальций ва темир(III)-гидроксидларининг хоссаларини ифодаловчи реакцияларини бажаради ва тенгламаларини ёзади.
Малака: Натрий, кальций ва темир(III)-гидроксидларининг реакциясини характерлайди
1.Сизга берилган пробиркалардаги натрий, кальций ва темир (III)-гидроксидларининг ташқи кўринишини кўздан кечиринг.
2.Уларни сувда эришини текшириб кўринг. Бунинг учун пробиркалардаги асослар натижалари устига 3-4 мл дан сув қуйинг. Пробиркадаги моддалар эридими? Лойқа эритмаларни филтланг.
3. Филтрларнинг ҳар бирини тенг икки қисмга бўлиб, бир қисмига лакмус эритмасидан, иккинчи қисмига эса фенолфталеин эритмасидан томизинг. Эритмаларнинг ранги ўзгаришини кузатинг.
12-лаборатория иши ва 15-лаборатория иши натижалари асосида қуйидаги жадвални тўлдиринг.
Do'stlaringiz bilan baham: |
