Shunday qilib

Pul bozoridagi muvozanat. Bozor iqtisodiyotida pul bir qancha funksiyalarni bajaradi:
- almashuv vositasi. Ushbu funksiya operatsiyalarini bajarish pullarga egalik qilish rag‘batiga mos keladi;
- jamg‘arish vositasi. Pul harid quvvatini hozirgi davrdan kelguvsi davrga ko‘chirishi maqsadida foydalanilishi mumkin bo‘lgan aktivdir. Ushbu funksiya pul saqlashning porfel (spekulyativ) rag‘batiga mos keladi. Shu asnoda bu rolni bajaradigan pulga talab, pul bo‘yicha foyda normasi bilan alternativ aktivlar daromadlariga taqqoslanib bog‘langan;
- hisob birligi. Tovar, xizmat va aktivlarning narxlari odatda pul birliklarida ifodalanadi. (masalan, so‘m, rubl, dollar yoki yevrolarda).
Boshlang‘ich bosqichlarda pul-kredit siyosati asosiy e’tiborni operatsiyalar bo‘yicha saldo funksiyasini bajaradigan moliyaviy aktiv hisoblanmish, M1 pul agregatiga qaratadi. Biroq, likvidlik darajasi bo‘yicha pullardan farq qiladigan moliyaviy aktivlar pul xaraktristkalariga mos kela boshlagan sari, pul-kredit siyosatini shakllantirish maqsadida kengroq pul agregatlaridan foydalanish maqsadga muvofiq bo‘ladi.
Miqdor nazariyasi va pulga talab. Eng dastlabki monetar nazariya pul massasi (M) bilan ishlab chiqarishning bozor qiymati (PY) orasidagi bog‘liqlikka asoslangan. Miqdor tenglamasida real pul massasi proporsionallik koeffitsientidan (k) foydalanib real ishlab chiqarishga tenglashtiriladi.
Shunday qilib,
“k” o‘zgarmas deb olinganda, yuqoridagi ifoda pulning miqdor nazariyasi deb yuritiladi. Bu nazariya pul massasi bilan mamlakat iqtisodiyotidagi to‘la bandlik sharoitida (ya’ni, Y belgilab qo‘yilgan) mavjud bo‘lgan narx narajasi (R) bilan to‘g‘ridan to‘g‘ri bog‘liqlikni o‘rnatadi. Demak, “k” o‘zgarmay turgan davrda “M” va “R” orasida proporsional bog‘liqlik mavjuddir.
Natijada tenglamani quyidagicha yozish mumkin:


M*V = P*Y . (5.11)

Bu yerda V = 1/k (proporsionallik koeffitsienti) daramodlarni doiraviy aylanishida pulning aylanish tezligini ifodalaydi va pul daromadlarini (ya’ni, YaIM ni) pul massasiga nisbati tarzida aniqlanadi. Boshqacha aytganda, u nominal oqimni moliyalashtirish uchun ma’lum davr ichida pul zahiralari necha marta aylanishini ko‘rsatadi. Pul aylanish tezligi monetar iqtisodiy nazariyada eng ko‘p o‘rganilgan o‘zgaruvchi hisoblanadi. U iqtisodiy siyosatni ishlab chiqadigan va olib boradigan shaxslar uchun juda muhim va foydali konsepsiyadir. Agar “V” ni aniq oldindan bashorat qilish imkoniyati bo‘lsa, u holda maqsadga muvofiq real o‘sish va inflyatsiya sur’atlarini ta’minlashi mumkin bo‘lgan muomaladagi pul massasi miqdoriga erishish mumkin bo‘ladi. “V”ni yanada chuqurroq o‘rganish, uning naqadar nominal daromadlar bilan pul zahiralari orasidagi mexanik aloqani ifodalashini ko‘rish mumkin. Ushbu konsepsiya pulga talab bilan kuchli aloqadadir. Pul aylanish tezligi va pulga talab o‘zaro teskari bog‘langan. Ular bitta hodisani turli usullarda ifodalanishidir. (5.11) tenglamani qo‘shimcha o‘sish sur’atlari orqali ifodalasak:

Pul aylanish tezligi o‘zgarmas holatida ∆V/V=0 bo‘lib, (5.12) tenglama miqdor nazariyasining (5.11) qayta ishlangan izohiga aylanib qoladi. Bu tenglama pul massasining foizlardagi qo‘shimcha o‘sishi, narxlarning foizlardagi qo‘shimcha o‘sishi (ya’ni, inflyatsiya sur’ati) bilan YaIMning real o‘sishi yig‘indisiga tengligini ifodalaydi. Pulni daromadlarning doiraviy aylanishidagi aylanish tezligi tushunchasi, umumiy operatsiyalar hajmini pul massasiga bo‘lib aniqlanadigan operatsiyalardagi pul aylanish tezligi tushunchasi bilan bir xildir. Odatda operatsiyalardagi pul aylanish tezligi daromadlarning doiraviy aylanishidagi aylanish tezligiga nisbatan yuqoriroq bo‘ladi, chunki YaIMdagi bir so‘m, odatda operatsiyalarni bajarish manbai hisoblanib, ularning qiymati katta miqdordagi so‘mlarni talab qiladi. Operatsiyalardagi pul aylanish tezligini hisoblash, daromadlarning doiraviy aylanishi orqali pul aylanish tezligini hisoblashga nisbatan ancha mushkul.
Pul aylanish tezligi doimiy bo‘lgan holatlarda narxlarning doimiy darajasini saqlab turish uchun pul massasining o‘zgarish sur’atlari real YaIMning o‘zgarish sur’atlariga teng bo‘lishi lozim.

Pul aylanish tezligi doimiy bo‘lgan holatda pul massasi o‘sishining real daromadlar o‘sishidan yuqori darajada bo‘lishi inflyatsiyaga olib keladi.

Ko‘pchilik bozor iqtisodiyotiga o‘tayotgan mamlakatlarda, ayniqsa o‘tish jarayonining boshlang‘ich bosqichlarida, inflyatsining asosiy sababi monetar siyosat hisoblanadi. Shu davrlarda olib borilgan ilmiy-tadqiqot tekshiruvlarida sobiq ittifoqning barcha mamlakatlarida yuqori darajada sodir bo‘lgan inflyatsiyaning asosiy sababchisi pul-kredit ekspansiyasining sur’atlari yuqori darajada bo‘lganligi aniqlangan.
Yuqoridagi xulosa pul aylanish tezligining doimiy holatda bo‘lgan deb ehtimol qilib olingan. Lekin, u doimiy bo‘lmaydi. Pul aylanish tezligi inflyatsiya darajasi va foiz stavkalarining oshib borishi bilan tezlashib borsa, daromadlarning o‘zgarishiga sal bo‘shroq javob beradi. Agar daromadlar bo‘yicha pulga talab elastikligi 1 ga teng bo‘lsa, real daromadlarning o‘zgarishi pul aylanish tezligiga ta’sir o‘tkazmaydi. Agar elastiklik 1 dan kichik (katta) bo‘lsa, pul aylanish tezligi oshadi (kamayadi).
Pulga talab. Eng avvalo real va nominal pul qoldiqlarini bir biridan ajratish zarur. Pulga nominal talab – konkret pul belgilarining, masalan so‘m yoki dollarning, ma’lum belgilangan miqdoriga talabdir. Pulga real talab yoki real pul qoldiqlariga talab – ushbu pullarga sotib olinishi mumkin bo‘lgan tovarlar miqdorida ifodalangan talabdir. Shuning uchun real pul qoldiqlariga talab (M/R) umumiy narx indekslari bilan deflyatsiya qilingan real ko‘rinishdagi pul miqdorini ifodalaydi. Pulga talab real pul qoldiqlariga talabni ifodalaydi, chunki kishilar pulni unga nima sotib olish mumkinligiga qarab saqlaydilar.
Iqtisodiy adabiyotlarda har qanday aktivlarga talab funksiyasi singari, real pul qoldiqlari ham uning narxi funksiyasidir degan qarashlar quvvatlanadi. Narxlar aktivlar, daromadlar, farovonlik va nimalar kutilayotganligiga bog‘liqdir. Soddaroq ko‘rinishda real pul qoldiqlariga talab daromadlar bilan ijobiy va pullarni saqlashning alternativ harajatlari bilan salbiy bog‘liqlikdadir.
Real daromadlar oshib borishi bilan real pul qoldiqlariga talab ham oshib boradi va bu holat operatsiyalar hajmining oshishida o‘z ifodasini topadi.
Pul qoldiqlarining saqlash harajatlarini boshqa mulk shakllari bilan taqqoslash mulkni alternativ saqlash shakllariga bog‘liq bo‘ladi. Shuning uchun moliya sohasi rivojlangan mamlakatlar iqtisodchilari boshqa aktivlarga nisbatan pulni alternativ saqlash harajatlari sifatida nominal foiz stavkasi ko‘rsatkichidan foydalanadilar. Real pul qoldiqlarini alternativ saqlash harajatlarining taxminiy miqdori sifatida kutilayotgan inflyatsiya darajasini ham qo‘llash mumkin. Giperinflyatsiya sharoitlarida pulni saqlashning alternativ harajatlari juda yuqori bo‘lib, pulga talab keskin kamayib ketadi.
Pul multiplikotri konsepsiyasi. PKBI balansida ko‘rilganidek, zahira pullarining dastlabki o‘sishi kelguvsi davrda bank tizimi tomonidan olib boriladigan pul-kredit ekspansiyasiga asos hisoblanadi. PKBI tomonidan zahira pullarining ko‘paytirilishi, keyinchalik PDB tomonidan ulardagi deponirlashgan resurslarning ko‘payishi hisobiga yana zahira pullari miqdorini oshiradi. Buning sababi – har bir so‘m deponirlashgan summadan ma’lum qismi (belgilangan zahira me’yoriga ko‘ra) PDB tomonidan zahira shaklida saqlanishi lozimligidir. Qolgan mablag‘lar, odatda kredit sifatida mijozlarga beriladi va natijada depozitlar hosil bo‘ladi. Depozitlar esa o‘z navbatida yangi ssudalar berilishi uchun asos bo‘ladi. Bu jarayonning oxirgi bosqichida yaratilgan depozitlarning summasi dastlabki zahira pullar o‘sishi summasining “ko‘p martalab” summasi hisoblanadi.
Zahiralarni qisman qoplash tizimida banklar ssudalarni berish uchun zahira sifatida o‘z depozitlarining bir qismini saqlagan holda aholining depozitlaridan foydalanishadi.
Pul muomalasi jarayoni uchun oddiy model PKBI jamg‘aradigan zahira pullariga (RM) asoslangan bo‘ladi. Zahira pullariga talab naqd pullar (CY) sifatida foydalanish uchun aholi tomonidan va zahira sifatida foydalanish uchun tijorat banklari tomonidan bo‘ladi.

Demak,