Silikat materiallar va kamѐb nodir metallar texnologiyasi

Ish joyida mehnat muxafazasi texnika xavfsizligi
Texnik qurilmalarning joylashishi ishlab chiqarish jaraѐnlarining

amaldagi umumiy xavfsizlik talablariga, texnologik loyihalash me’ѐrlariga va qoidalariga muvofiq ulardan foydalanish xavfsizligini, xizmat ko‘rsatish va ta’mirlash qulayligini ta’minlashi kerak.

Tashkilotning ishlab chiqarish binolarida quyidagilar ko‘zda tutilgan

bo‘lishi kerak:

a) boshqaruv shitlariga xizmat ko‘rsatish fronti bo‘ylab kengligi kamida 2 m

bo‘lgan maydonchalar (doimiy ish o‘rinlari bo‘lganda);

b) texnik qurilmalarga doimiy xizmat ko‘rsatiladigan joylarda kengligi

kamida 1,0 m bo‘lgan maydonchalar va vaqti-vaqti bilan xizmat ko‘rsatiladigan joylarda kengligi kamida 0,8 m bo‘lgan maydonchalar;

v) montaj va demontaj qilinadigan uskunalarni, montaj va ta’mirlash

ishlarini bajarish uchun zarur moslamalarni, asboblar va ѐrdamchi materiallarni joylashtirish uchun yetarli o‘lchamlardagi ta’mirlash (montaj qilish) maydonchalari.

Bunda ishchi o‘tish yo‘llari va maydonchalarning o‘lchamlarini qisqartirish, shuningdek asosiy va zaxira chiqish joylarini to‘sib qo‘yishga ruxsat etilmaydi.

Ish o‘rinlarining xavfsizligi GOST 12.2.061-81 «SSBT. Ishlab chiqarish

uskunasi. Ish o‘rinlariga qo‘yiladigan umumiy xavfsizlik talablari» va boshqa amaldagi tegishli standartlar talablariga javob berishi kerak.

Aspiratsiya tizimlari chang-gaz-havo aralashmalari ko‘rinishidagi xavfli va

zararli moddalar (gaz, bug‘, chang, aerozollar)ni ular hosil bo‘lgan joylardan chiqarib yuborilishini va ishlab chiqarish binolari ish hududi havosida bunday moddalarning miqdori GOST 12.1.005-88 «SSBT. Ish hududi havosiga qo‘yiladigan umumiy sanitariya-

gigiyena talablari», SanQM 0046-95 «Ish hududi havosida zararli moddalarning chegaraviy ruxsat berilgan konsentratsiyasi (CHRBK)»larda belgilangan chegaraviy ruxsat berilgan konsentratsiyalar (CHRBK) darajasidan oshmasligini ta’minlashi kerak.

Aspiratsiya tizimlarini o‘rnatish amaldagi qurilish me’ѐrlari va qoidalariga muvofiq bo‘lishi kerak.

Ishlab chiqarish xonalarida aspiratsiya tizimlarini o‘rnatmasdan havoni

xavfli va zararli moddalar bilan ifloslantirish manbalari bo‘lgan texnik qurilmalar va texnologik transport vositalaridan foydalanish taqiqlanadi.

Aspiratsiya uskunalari texnik qurilmalar ishga tushirilgunga qadar

yurgizilishi, ular to‘xtagandan keyin esa ish hududi havosida xavfli va zararli moddalar konsentratsiyasi CHRBKdan ortiq hosil bo‘lishiga yo‘l qo‘ymaydigan vaqt o‘tgandan so‘ng o‘chirilishi kerak.

Agar avtomatik tarzda ishga tushadigan aspiratsiya uskunalari bo‘lsa,

aspiratsiya uskunasi yaqinida bevosita qo‘shimcha ishga tushirish qurilmalari ko‘zda tutilgan bo‘lishi kerak.

Xavf tug‘diruvchi harakatlanadigan qismlarga ega barcha texnik qurilmalar

GOST 12.2.062-81 «SSBT. Ishlab chiqarish uskunasi. Himoya to‘siqlari» va tegishli amaldagi standartlar talablariga binoan to‘silgan bo‘lishi kerak. Istisno sifatida funksional vazifasiga ko‘ra to‘sish ruxsat etilmaydigan, shuningdek 2,5 m dan ortiq balandlikda joylashgan va xavf tug‘dirmaydigan harakatlanuvchi qismlar hisoblanadi.

To‘siqlar texnik qurilma bilan bir komplektda yetkazib berilishi ѐki loyihada ko‘zda tutilgan bo‘lishi kerak.

Texnik qurilmalarning to‘siqlari nosoz ѐki yechib olingan bo‘lsa ishlashi

taqiqlanadi.

Harakatlanuvchi qismlar to‘sig‘i turg‘un bo‘lishi kerak. Agar texnik ѐki

texnologik sabablarga ko‘ra turg‘un to‘siq o‘rnatishning imkoni bo‘lmasa, yechiladigan himoya va to‘siq konstruksiyalardan foydalanish ruxsat etiladi.

To‘siqlar yaxlit metall ѐki to‘rsimon ko‘rinishda yasaladi. To‘rsimon to‘siq

kataklarining o‘lchami ko‘pi bilan 20 x 20 mm bo‘lishi kerak.

Agar texnik qurilmalarning ijro organlari insonlar uchun xavf tug‘dirsa va to‘sish imkoni bo‘lmasa, texnik qurilmani ishga tushirilganligi to‘g‘risida ogohlantiruvchi signalizatsiya va uni to‘xtatish hamda elektr energiya manbalaridan uzish vositalari ko‘zda tutilishi kerak.

Texnik qurilmalarning ichiga joylashtirilmagan kontryuklar yuqorida

ko‘rsatilganday to‘silishi ѐki odamlarning xavfli hududga kirishiga yo‘l qo‘ymaydigan ѐpiq yo‘naltiruvchi qurilmalar (quduqlar, quvurlar, shaxtalar)da joylashtirilishi kerak.

Omborxonalar hududida yuk ortish va tushirish, shuningdek yukni joydan-

joyga ko‘chirish ishlari mexanizatsiyalashgan bo‘lishi va tashkilotning texnik rahbari tasdiqlagan texnologik yo‘riqnomalar bo‘yicha bajarilishi kerak.

Omborxonaga kirib kelgan tarkibni yukdan bo‘shatish ishlari u to‘liq

to‘xtagach, to‘xtash signallari bilan to‘silib, tormoz boshmoqlari o‘rnatilib va yuk ortish- tushirish ishlarini bajarish uchun mas’ul shaxsning ruxsati olingandan so‘ng bajarilishi kerak.

Qabul qilish qurilmalarining yuk tushirish maydonchasida va vagon

ag‘dargichlardan keyin bo‘sh vagonlarni qabul qilish yo‘llarida ta’mirlash ishlarini bajarish va eshiklarni ѐpish taqiqlanadi.

Vagon eshiklarini va platforma bortlarini, yukni o‘zi tushiradigan

vagonlarni eshik va lyuklarini ochish malakali ishchilar tomonidan maxsus moslamalar ѐrdamida bajarilishi kerak.

Ko‘rsatilgan qurilmalarni ochish paytida vagon yaqinida boshqa ishlab chiqarish xodimlarining bo‘lishi ruxsat etilmaydi.

Lyuklar ѐki zatvorlar ochiq bo‘lganda bunkerga yuk tushirish taqiqlanadi.

Bunkerlardan yuk tushirishda lyuklar ѐki zatvorlar ro‘parasida ishlab chiqarish xodimlarining bo‘lishi taqiqlanadi.

Vagonlardan bir vaqtning o‘zida qo‘lda va yuk ko‘tarish vositalari ѐrdamida

yuk tushirish, yuk ko‘tarish vositalari ѐrdamida yukni tushirish chog‘ida vagonlarda va avtomashinalarning kuzovida odamlarning bo‘lishi, shuningdek vagonlardan qo‘lda yuk tushirilaѐtgan joy ustidan kranlar bilan yukni ko‘tarib olib o‘tish ta’qiqlanadi.