1910-yil - Samarqand va Toshkentga rus aktrisasi V. F. Komissarjevskaya truppasining gastrollari uyushtirildi
1910-yil - Toshkentning o’zida 24 ta jadid maktabi faoliyat ko’rsatib, ularda 1740 nafar bola o’qigan
1910-yil - Xiva xoni «Islohotlar loyihasi»ni qabul qildi
1911-1913-yillar - Sirdaryo magistral kanali bunyod etildi
1911-1917-yillar - Jadid teatrlarida 25 ta pyesa namoyish etildi
1911-yil - «Tarbiyai atfol» jamiyati 15 nafar talabani Turkiyaga o’qishga yubordi
1911-yil - O’rta Osiyoda yangi usul maktablari soni 63 taga, o’quvchilar soni 4106 nafarga yetdi
1911-yil - Turkiston o’lkasida o’zbeklar va boshqa tub joy xalqlar 6 mln kishini, ruslar ukrain va beloruslar bilan birga 400000 kishini tashkil etdi
1911-yil - Turkistonda 50 ga yaqin jadid maktablari yopib qo’yildi
1911-yil - Turkistonda birinchi o’zbek milliy teatri Samarqand shahrida Mahmudxo’ja Behbudiy rahbarligida tashkil etildi
1911-yil - Turkistonda dastlabki yozma milliy sahna asarlari yaratildi: Behbudiyning «Padarkush», A. Samadovning «Mahramlar», A.Fitratning «Bir farangi bilan buxorolik bir mudarrisning qilgan munozaralari» asarlari shular jumlasidandir
1911-yil - Turkistonda rus-tuzem maktablari soni 89 taga yetdi
1912-yil - «Tarbiyai atfol» jamiyati 30 nafar talabani Turkiyaga o’qishga yubordi
1912-yil - Hazorasp, Xonqadagi qo’zg’olonlar keskin tus oldi. Qo’zg’olonchilar Alieli va Toshhovuz o’rtasida Xiva xoni Asfandiyorxonning 1000 kishilik qo’shinini mag’lubiyatga uchratdi, lekin Podsho qo’shinlari qo’zg’olonchilarni tor-mor etdi
1912-yil - Shu yili ro’y bergan qo’zg’olon xalq norozilik chiqishlarida yangi omilni namoyon qildi, ya’ni qo’zg’olonchilar o’qotar aslahalar bilan qurollanib, urush olib borish taktikasini o’rganib olgan edilar
1913-1915-yillar - «Samarqand», Sadoi Turkiston», «Sadoi Farg’ona», «El bayrog’i», «Kengash», «Ulug’ Turkiston», «Turon» gazetalari, «Oyna» jurnali kabi ommaviy axborot vositalari paydo bo’ladi
Do'stlaringiz bilan baham: |
