Siz konstitusiyani bilasizmi

O'zbekiston Respublikasi Xalq ta'limi vazirligining buyrug'i


(18-yanvar 2001 yil 12-sonli Toshkent shahri)


Vazirlar Mahkamasinlng 2000 yil 11 dekabrdagi 472 sonli «Yo'l harakati qoidalarini tasdiqlash» to'g'risidagi
qarori haqida.
O'zbekiston Respublikasi Vazirlar Mahkamasining 2000 yil 11-dekabrdagi 472-sonli «Yo'l harakati qoidalarini tasdiqlash to'g'risida» gi qarori hamda respublika yo'l harakati xavfsizligini ta'minlash komissiyasi yig'ilishi bayoni ko'rsatmalarini ijro etish maqsadida buyuraman:

1. 
   O'zbekiston Respublikasi Vazirlar Mahkamasining 2000 yil 11-dekabrdagi 472-sonli «Yo'l harakati qoidalarini tasdiqlash to'g'risida» gi qarori ijro uchun qabul qilinsin.
   
2. 
   Respublika yo'l harakati xavfsizligini ta'minlash komissiyasining 2000 yil 19-dekabrdagi «O'zbekiston Respublikasi xududlarida 2000 yilning 11 oyida sodir etilgan yo'l-transporti hodisalari taxlili hamda ularni kamaytirish bo'yicha olib borilayotgan ishlarning ahvoli to'g'risida» gi yig'ilishi qaroriga asosan joylardagi hokimliklar tomonidan xayfsan berilgani ma'lumot uchun qabul qilinsin.
   
3. 
   Qoraqalpog'iston Respublika xalq ta'limi vaziri, viloyatlar xalq ta'limi boshqarmalari boshliqlariga:
   

-bir hafta muddat ichida Vazirlikka «Bolalar bilan bog'liq yo'l transport hodisalarini oldini olish bo'yicha 2001-2005 yilga mo'ljallangan dastur» loyihasiga mahalliy sharoitdan kelib chiqib, joylardagi hokimliklar va Davlat avtomobil nazorati boshqarmalari bilan kelishilgan holda taklif berilsin;
-2001-2002 o'quv yiliga qadar mahalliy xokimliklar ko'magida har bir shahar va tuman markazlarida kamida bittadan me'yoriy xujjatlar talablari asosida jihozlangan namunaviy avtoshaharchalar qurilishi ta'minlansin;
-maktablarda «Yo'l harakati qoidalari» mashg'ulotlarini o'tkazish uchun alohida, mahsus jihozlangan xonalar tashkil etilsin;
-maktablarda o'quv dasturlari, mavzular to'plamini mavjudligiga hamda ular asosida o'qitish ishlari tashkil etilishiga, o'quv mashg'ulotlarini hamda o'quvchilarning bilim saviyalarini sinash jarayonini kompyuterlashtirishga e'tibor kuchaytirilsin;
-ta'til kunlarida bolalar oromgohlarida, dam olish va ommaviy tadbirlar o'tkazish uchun joylarga olib borishda harakat xavfsizligini ta'minlash choralari ko'rilsin.

4. 
   Umumiy o'rta ta'lim Bosh boshqarmasi (A.Zokirov) ga Respublika ta'lim markazi (G.Alimova) ga:
   

-bir hafta muddat ichida «Bolalar bilan bog'liq bo'lgan yo'l transporti hodisalarini oldini olish bo'yicha 2001-2005 yilga mo'ljallangan dastur» loyihasini tayyorlash bo'yicha ishchi guruhi tuzilsin va unga tegishli vazirlik, idora va tashkilotlarning tajribali mutaxassislari jalb etilsin;
-I-VIII sinflarda o'qitilayotgan «Yo'l harakati qoidalari» talablari asosila may oyiga qadar qayta ishlab chiqilsin.

5. 
   Pedagogik ta'lim, fan va malaka oshirish boshqarmasi (A.Qosimov) hamda Kadrlar boshqarmasi (B.Shamsiyev) ga:
   

-2 oy muddatga pedagogika oliy o'quv yurtlarida «Yo'l harakati qoidalari» ni o'qituvchi-mutaxassislar tayyorlashni yo'lga qo'yish haqida asoslangan takliflar tayyorlansin va Vazirlar Mahkamasiga taqdim etilsin.

6. 
   Ta'lim jarayonini ta'minlash boshqarmasi (Z.Xolmatov) ga:
   

-bir oy muddat ichida ta'lim muassasalari o'quv xonalarining «Yo'l harakati qoidalari» ga asosan zamonaviy ko'rgazmali qurollar, plakatlar, albomlar, videotasmalar bilan ta'minlanishi, mashq o'tkazish maydonlarini talablar darajasida jihozlash bo'yicha chora-tadbirlar ishlab chiqilsin.

7. 
   Yangi taxrirdagi «Yo'l harakati qoidalari», «Ta'lim taraqqiyoti» axborotnomasida chop etilsin.
   
8. 
   Ushbu buyruqni nazorat qilish Umumiy o'rta ta'lim Bosh boshqarmasi (A.SH.Zokirov) zimmasiga yuklatilsin.
   

Vazir vazifasini

vaqtincha bajaruvchi: R.SH.Ahliddinov