Siz konstitusiyani bilasizmi

O'zbekiston Respublikasi Vazirlar Mahkamasining qarori asosida «Yo'l harakati qoidalarini» tasdiqlash to'g'risida

O'zbekiston Respublikasi hududida harakatlanish havsizligini ta'minlash, yo'l transport xodisalarining oldini olish va bu borada yagona davlat siyosatini yuritish, yo'l harakati qoidalarini xalqaro «Yo'l harakati haqidagi» Konvensiya talablariga muvofiqlashtirish maqsadida hamda «Yo'l harakati xavfsizligi to'g'risida»gi O'zbekiston Respublikasi Qonunining 5-moddasiga asosan Vazirlar Mahkamasi qaror qiladi:

1. 
   Yo'l harakati qoidalari ilovaga muvofiq tasdiqlansin va 2001 yil 1-martdan e'tiboran amalga kiritilsin.
   
2. 
   O'zbekiston Respublikasi Adliya vazirligi, Ichki ishlar vazioligi yo'l harakati xavfsizligini ta'minlashga oid normativ – huquqiy xujjatlarning Qoidalar talablariga muvofiqlashtirilishini ta'minlasinlar.
   
3. 
   Vazirliklar, davlat qumitalari, korporasiyalar, uyushmalar va boshqa tashkilot va muassasalar, viloyatlar hokimliklari Yo'l harakati qoidalari amalga kiritilishi munosabati bilan yo'l harakatining tashkil etilishini o'zgartirish bilan bog'liq bo'lgan barcha ishlarni amalga oshirish chora-tadbirlarini belgilasinlar.
   
4. 
   O'zbekiston Respublikasi Xalq ta'lim vazirligi. Ichki ishlar vazirligi bilan birgalikda maktabgacha bolalar muassasalari tarbiyalanuvchilariga, maktab o'quvchilariga Yo'l harakati qoidalarini o'qitish dasturini 3 oy muddatda qayta ishlab chiqsin va tasdiqlasin.
   
5. 
   O'zbekiston avtomobil transporti davlat – aksionerlik korporasiyasi, O'zbekiston Respublikasi Xalq ta'lim vazirligi mudofaga yordam beruvchi «Vatanparvar» tashkilotining Markaziy kengashi Ichki ishlar vazirligi bilan birgalikda 3 oy muddatda haydovchilarni tayyorlash va ularning malakasini oshirish o'quv dasturlarining ushbu Qoidalar asosida qayta ishlab chiqilishini ta'minlasinlar.
   
6. 
   O'zbekiston Milliy axborot agentligi, «O'zteleradio» kompaniyasi va boshqa ommaviy axborot vositalari ushbu qoidalarni aholi o'rtasida keng targ'ib qilish ishlarini amalga oshirsinlar.
   
7. 
   O'zbekiston Respublikasi Adliya vazirligi 1 oy muddatda Yo'l harakati qoidalarini nashr etilishini ta'minlasin.
   
8. 
   Mazkur qarorni bajarilishini nazorat qilish O'zbekiston Respublikasi Prezidentining Davlat maslahatchisi O'.T.Komilov va O'zbekiston Respublikasi Bosh vazirining o'rinbosari, A.N.Isayev zimmasiga yuklansin.
   

O'zbekiston Respublikasining Bosh vaziri O'.Sultonov

11 dekabr 2000 yil №472 Toshkent shahri.