Soliq xavfini boshqarish, soliq xavfi mavjud soliq to‘lovchilarni (soliq agentlarini) aniqlash va soliq tekshiruvlarini tashkil etish va o‘tkazish to‘G‘risida

soliq hisobotidagi xatolar — soliq to‘lovchi tomonidan soliq hisobotida noto‘g‘ri ma’lumotlar yoki
ko‘rsatkichlar aks ettirilishi;
Oldingi
 tahrirga qarang.
soliq to‘g‘risidagi qonunchilik buzilishini videotasvirga olish — fuqarolar yoki soliq organlari mansabdor
shaxslari tomonidan videokamera va boshqa videoyozish qurilmalaridan foydalangan holda tasvirga olish yo‘li
bilan olingan soliq to‘g‘risidagi qonunchilik buzilishi holatlari haqidagi videomateriallar;
(3-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli
qarori 
tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
talabnoma — kameral soliq tekshiruvi yakuni bilan taqdim etilgan soliq hisobotida tafovutlar va (yoki)
xatolar aniqlanganda, soliq hisobotiga tuzatishlar kiritish zarurligi haqida ko‘rsatma mavjud bo‘lgan, soliq organi
tomonidan soliq to‘lovchiga yuboriladigan hujjat;
tafovutlarning asosnomasi — soliq to‘lovchi tomonidan taqdim etiladigan soliq organining talabnomasiga
javoban aniqlangan tafovutlarga asos bo‘ladigan tushuntirishlar va hujjatlar;
xronometraj ko‘zdan kechirish — ishlab chiqarishning (xizmatlar ko‘rsatishning) haqiqiy hajmlarini
aniqlashga doir soliq nazorati tadbiri.
1
1

---

xulosa — kameral soliq tekshiruvi doirasida amalga oshirilgan harakatlar, soliq tekshiruvini o‘tkazish uchun
asos bo‘lgan holatlarning soliq tekshiruvida tasdig‘ini topganligi yoki qisman tasdig‘ini topganligi yoxud
tasdig‘ini topmaganligi to‘g‘risidagi ma’lumotlarni o‘z ichiga olgan tekshiruvni o‘tkazgan mansabdor shaxs
tomonidan tekshiruv natijasi bo‘yicha tuziladigan hujjat.
4. Soliq tekshiruvlari doirasida hujjatlar almashish quyidagicha amalga oshiriladi:
soliq to‘lovchiga hujjatlar elektron shaklda soliq to‘lovchining shaxsiy kabinetiga yuboriladi. Yuborilgan
hujjatlar soliq to‘lovchi tomonidan o‘qib chiqilganidan keyin, biroq ushbu hujjat jo‘natilgan sanadan e’tiboran
uch kundan kechiktirmay olingan deb hisoblanadi;
soliq to‘lovchida soliq to‘lovchining shaxsiy kabineti mavjud bo‘lmasa, hujjatlar buyurtma xat qilib pochta
orqali yuboriladi va ular jo‘natilganidan so‘ng besh kundan keyin olingan deb hisoblanadi;
hujjatlar soliq to‘lovchiga yoki uning vakiliga shaxsan mazkur hujjatlar olingan sana ko‘rsatilgan holda imzo
qo‘ydirib topshirilishi mumkin.