Soliq xavfini boshqarish, soliq xavfi mavjud soliq to‘lovchilarni (soliq agentlarini) aniqlash va soliq tekshiruvlarini tashkil etish va o‘tkazish to‘G‘risida

4-§. Nazorat kassa texnikasi va hisob-kitob terminallari qo‘llanilishini tekshirish

77. Nazorat-kassa texnikasi va hisob-kitob terminallari qo‘llanilishini tekshirish bevosita soliq to‘lovchi savdo yoki xizmatlar amalga

oshirilayotgan joyda o‘tkaziladi.

Nazorat-kassa  texnikasi  va  hisob-kitob  terminallari  qo‘llanilishini  tekshirish  nazorat  xaridini  amalga  oshirish  yo‘li  bilan  ham

o‘tkazilishi mumkin.

78.  Nazorat-kassa  texnikasi  va  (yoki)  hisob-kitob  terminallari  qo‘llanilishi  nazoratini  amalga  oshirishda,  jumladan,  quyidagilar

tekshiriladi:

soliq  to‘lovchi  tomonidan  foydalanilayotgan  nazorat-kassa  texnikasi  va  hisob-kitob  terminali  tegishli  qonun  hujjatlari  talablariga

muvofiqligi;

xaridorlarga nazorat-kassa texnikasi cheki yoki unga tenglashtirilgan boshqa hujjatlar berilishi;

bank kartalari orqali to‘lovlar qabul qilinishi, xaridorlarga hisob-kitob terminallari cheki va nazorat-kassa texnikasi cheki berilishi;

sotilayotgan tovarlar narxini hamda ko‘rsatilayotgan haqini naqd pul mablag‘lari yoki bank kartalar bo‘yicha to‘lash shakliga qarab

ularni sun’iy ravishda oshirish yoki pasaytirish masalalari.

79. Nazorat xaridini amalga oshirishda quyidagi shaxslar jalb qilinishi mumkin:

soliqqa oid huquqbuzarlik sodir etilganligi to‘g‘risida murojaat qilgan jismoniy shaxs (yuridik shaxsning vakili);

“xolis xaridor” xizmatini ko‘rsatuvchi yuridik shaxs ishchi-xodimlari;

O‘zbekiston  Respublikasi  Davlat  soliq  qo‘mitasi  tomonidan  belgilangan  tartibda  fuqarolik  tusidagi  shartnomalar  asosida  soliq

organlari tomonidan jalb qilingan jismoniy shaxslar;

Iste’molchilar huquqlarini himoya qilish jamiyatlari federatsiyasi vakillari.

Sayyor  soliq  tekshiruvini  o‘tkazishda  nazorat-kassa  texnikasi  va  hisob-kitob  terminallari  qo‘llanilishi  bo‘yicha  ko‘rsatma  berish

uchun tovar yoki xizmatni xarid qilgan, tekshiruv natijasidan manfaatdor bo‘lmagan har qanday mustaqil voyaga yetgan va soliq nazoratini

amalga oshirish uchun ahamiyatga ega holatlar o‘ziga ma’lum bo‘lgan shaxslar jalb qilinishi mumkin.

80.  Sayyor  soliq  tekshiruvida  soliq  organlarining  tekshiruvchi  mansabdor  shaxslari  tomonidan  nazorat  xaridi  jarayonini

videotasvirga olish uchun videotasvirga olish moslamalaridan majburiy foydalanish sharti bilan mustaqil ravishda nazorat xaridi amalga

oshirilishi mumkin.

81.  Nazorat  xaridini  amalga  oshirgan  shaxslar  sotib  olingan  tovarlarni  nazorat  xaridi  yakunlanishi  bilan  soliq  organining  sayyor

soliq tekshiruvini o‘tkazuvchi mansabdor shaxslariga topshirishi shart.

82. O‘tkazilgan nazorat xaridi natijasi bo‘yicha ushbu Nizomga 9-ilovaga muvofiq  shaklda  bayonnoma  rasmiylashtiriladi  va  sayyor

soliq tekshiruvini o‘tkazuvchi mansabdor shaxs, nazorat xaridini amalga oshirgan shaxs va tekshirilayotgan shaxs tomonidan imzolanadi.

Nazorat  xaridini  o‘tkazish  bayonnomasining  bir  nusxasi  soliq  to‘lovchiga  bayonnoma  nusxasini  olganligini  tasdiqlovchi  imzo

qo‘ydirgan  holda  beriladi.  Bunda  soliq  to‘lovchi  nazorat  xaridini  o‘tkazish  bayonnomasiga  imzo  chekishdan  va  (yoki)  uning  nusxasini

olishdan bosh tortgan hollarda, sayyor soliq tekshiruvini o‘tkazuvchi mansabdor shaxs tomonidan bayonnomaga bu haqida tegishli yozuv

kiritiladi.

83. Nazorat xaridini o‘tkazishda naqd pul mablag‘lari va bank plastik kartalaridagi mablag‘lardan ham foydalanish mumkin.

Nazorat  xaridini  o‘tkazishda  foydalanish  uchun  naqd  pul  mablag‘lari  Davlat  soliq  qo‘mitasining  Moddiy  yordam,  ijtimoiy  himoya,

soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari hisobidan ajratiladi.

Sayyor soliq tekshiruvini o‘tkazuvchi mansabdor shaxs nazorat xaridini o‘tkazish uchun naqd pul mablag‘larini tegishli soliq organi

kassasidan oladi.

---

Naqd  pul  mablag‘larini  sayyor  tekshiruvini  o‘tkazish  uchun  mansabdor  shaxsga  berishda  ularning  qiymati,  banknota  seriyasi  va

raqamlari  alohida  varaqda  qayd  etilib,  chiqim  kassa  orderiga  ilova  qilinadi.  Mazkur  varaq  nusxasi  sayyor  soliq  tekshiruvini  o‘tkazuvchi

mansabdor shaxsga beriladi.

84.  Nazorat  xaridi  o‘tkazilib  va  o‘zaro  hisob-kitoblar  yakunlangach  nazorat  xaridini  o‘tkazishda  foydalanilgan  pul  mablag‘lari

tekshirilgan  soliq  to‘lovchi  (uning  vakili)  tomonidan  sayyor  soliq  tekshiruvini  o‘tkazuvchi  mansabdor  shaxsga  qaytariladi,  xarid  qilingan

tovarlar soliq to‘lovchiga (uning vakili) qaytarib berilishi shart, bundan qaytarish imkoni bo‘lmagan hamda qonun hujjatlariga muvofiq olib

qo‘yilishi lozim bo‘lgan nazorat xaridi predmetlari mustasno.

Sayyor soliq tekshiruvi yakunlangandan so‘ng nazorat xaridini o‘tkazishda foydalanish uchun olingan naqd pul mablag‘lari bir kun

ichida tegishli soliq organi kassasiga to‘liq hajmda topshiriladi. Pul mablag‘larining qiymati, banknota seriyasi va raqamlari yozilgan varaq

nusxasi kirim kassa orderiga ilova qilinadi.

85. Soliq organlariga nazorat-kassa texnikasi yoki hisob-kitob terminallarini qo‘llash bilan bog‘liq soliq to‘g‘risidagi qonun hujjatlari

buzilishi  haqida  jismoniy  shaxslardan  tushgan  murojaatlarga  videoyozuvlar  ilova  qilinganda  nazorat  xaridini  amalga  oshirish  talab

qilinmaydi.

Jismoniy  shaxslardan  tushgan  videoyozuvlar  ilova  qilingan  murojaatlarni  ko‘rib  chiqish  natijalari  soliq  organi  tomonidan  sayyor

soliq tekshiruvi natijasi bo‘yicha tuziladigan dalolatnomada aks ettiriladi, bunda ushbu Nizomning 82-bandida ko‘rsatib o‘tilgan bayonnoma

tuzilmaydi.

86.  Jismoniy  shaxslar  tomonidan  soliq  organlariga  taqdim  qilingan  soliq  to‘lovchilar  tomonidan  soliq  to‘g‘risidagi  qonun  hujjatlari

buzilishi to‘g‘risidagi videoyozuvlar quyidagi talablarga mos bo‘lishi kerak:

videofaylning namoyish etish imkoniyati 720×480 pikseldan kam bo‘lmasligi;

videoyozuv davomiyligi 30 sekunddan kam bo‘lmasligi va 10 daqiqadan oshmasligi;

videoyozuv ma’lumotlarida sana va vaqt ko‘rsatilishi.

Soliq  organlari  jismoniy  shaxslar  tomonidan  amalga  oshirilgan  videotasvirlarni  soliqqa  oid  huquqbuzarliklar  holati  aniqlangan

kundan boshlab o‘n kundan kechiktirmay ko‘rib chiqish uchun qabul qiladi.

O‘zgartirish  kiritilgan  videoyozuvlar  ko‘rib  chiqish  uchun  qabul  qilinmaydi,  bevosita  soliq  to‘g‘risidagi  qonun  hujjatlari  buzilishi

holatlarini aks ettirish yuzasidan hajmini qisqartirish maqsadida ajratib olingan hollar bundan mustasno.

87. Sayyor soliq tekshiruvi jarayonida soliq to‘lovchining kassasida mavjud naqd pul qoldig‘i sanoqdan o‘tkaziladi va ushbu Nizomga

10-ilovaga muvofiq shaklda naqd pul qoldig‘ini sanoqdan o‘tkazish dalolatnomasi tuziladi.

Soliq to‘lovchining kassasidagi naqd pul qoldig‘i summasini nazorat-kassa texnikasida aks ettirilgan pul tushumlari summasi bilan

solishtirish natijalari sayyor soliq tekshiruvi dalolatnomasiga kiritiladi.

88. Soliq to‘lovchi tomonidan boshqa soliq to‘lovchiga tegishli nazorat-kassa texnikasi yoki hisob-kitob terminallaridan foydalanish

holati aniqlangan taqdirda, sayyor soliq tekshiruvi dalolatnomasida ularning rusumi va zavod raqami to‘g‘risidagi ma’lumot aks ettiriladi,

shuningdek, xarid cheki ilova qilinadi.

89.  Texnik  talablarga  javob  bermaydigan  nazorat-kassa  texnikasi  mavjudligi  aniqlangan  taqdirda,  sayyor  soliq  tekshiruvini

o‘tkazuvchi mansabdor shaxs tomonidan belgilangan tartibda bayonnoma tuziladi va ushbu nazorat-kassa texnikasi ekspertizadan o‘tkazish

uchun vaqtincha olib qo‘yiladi.