Son va sanoq

Son va sanoq

Mavzu: 4 soni bilan tanishtirish va 4 soni ichida predmetlarni sanashni o’rgatish
Maqsad:

• 
  4 soni bilan tanishish va 4 soni ichida predmetlarni sanashni o’rgatish.
  
• 
  Nutqda «bitta», «ikkita», «uchta», «turtta», «bir», «ikki», «uch», «to’rt» so’zlarini ishlatishni mashq qildirish.
  

Kutilayotgan natija:

• 
  Bolalar 4 soni ichida sanashni o’rganadilar.
  

Kerakli jihozlar:

• 
  Turli o’yinchoqlar (3 ta va 4 tadan).
  
• 
  4 soni katta qilib yozilgan kartochka.
  
• 
  10-rasm (har bir bolaga).
  
• 
  Kichik guruhlarga bo’linish uchun 1, 2, 3, 4 sonlari.
  
• 
  Savatcha va o’yinchoqlar to’plami.
  

Faoliyatga tayyorgarlik:

• 
  Tarbiyachi Faoliyat oldidan stollarga har xil o’yinchoqlarni 3 tadan qo’yib chiqadi.
  

Faoliyatning borishi:

Tarbiyachi: Bolajonlar, stolim ustidagi o’yinchoqlarga e’tibor bering, o’yinchoqlar nechta? Keling, birgalikda sanaymiz. 1, 2, 3. Demak, o’yinchoqlar 3 ta ekan. Agar biz 3 ta o’yinchoqqa yana bitta o’yinchoqni qo’shsak, o’yinchoqlar 4 ta bo’ladi. Keling, endi sizning stolingiz ustida turgan o’yinchoqlarni sanaymiz. Bir, ikki, uch-o’yinchoqlar 3 ta ekan. Agar biz o’nga yana bitta o’yinchoq qo’shsak, o’yinchoqlar nechta bo’ladi? Stolingizdagi 3 ta o’yinchoqqa yana 1 ta o’yinchoq qo’shing. Endi birgalikda sanaymiz: 1, 2, 3, 4. Hammamiz birgalikda aytamiz, «o’yinchoqlar 4 ta bo’ldi». 4 ta o’yinchoqdan bittasini olib qo’ysak, o’yinchoqlar nechta qoladi? Sanab ko’ramiz: 1, 2, 3. To’g’ri, 3 ta qoladi. 3 ta o’yinchoqqa 1 ta o’yinchoq qo’shsak, hammasi nechta bo’ladi? To’g’ri, 4 ta bo’ladi.
Mana bu son, bolajonlar-4.
T
4
arbiyachi 4 soni katta qilib yozilgan kartochkani bolalarga yaxshi ko’rinadigan joyga ilib qo’yadi.


Tarbiyachi: Bolajonlar, 1 sonidan keyin 2 soni keladi, 2 sonidan keyin 3 soni keladi, 3 sonidan keyin 4 soni keladi. Demak, 1-2 dan oldingi son, 2-3 dan oldingi son, 3-4 dan oldingi son. 1 dan keyin 2, 2dan keyin 3, 3 dan keyin 4 soni. Sanashda hamma vaqt shunday tartibga amal qilinadi va bu 1 dan 4 gacha to’g’ri sanash deyiladi. Bolajonlar 3 sonidan oldingi va keyingi sonlarni ayting.