Soraw hám tapsırmalar

TEMA: Mádeniyat hám kórken óner tarawınıń rawajlanıwı. Xalıq aralıq kórik tańlawlardıń ótkeriliwi. Milliy sport túrleriniń rawajlandırılıwı.
Soraw hám tapsırmalar:
1. G’a’ressizlik jillarinda Tariyxıy esteliktiń tikleniwi
2. Ǵárezsizliktiń dáslepki jıllarında qaysı alımlardıń yubileyleri belgilendi?
3. Ózbek xalqınıń qádiriyatları hám dástúrlerin qayta tiklew boyınsha qanday qararlar qabıl etildi?
4. 2007-jılı Tashkenttiń Islam mádeniyatı paytaxtı dep atalıw sebeplerin sanawǵa háreket etiń.
5. Tariyxıy shaxslarǵa búgingi kúndegi itibar boyınsha maǵlıwmatlar tiykarında tómendegi kesteni toltırıń
6.G’a’ressizlik jillarinan son’ milliy sportti rawajlandiriw


Tariyxıy esteliktiń tikleniwi. Ózbekstan suveren mámleket sıpatında jámiyetlik-siyasiy turmısta ruwxıy jańalanıw procesin ámelge asırmastan ǵárezsizlikti hár tárepleme bekkemlep bolmaytuǵının turmıstıń ózi kórsetti. Sonıń ushın da, elimiz basshılıǵı ǵárezsizliktiń dáslepki waqıtlarınan-aq bul boyınsha zárúr sharalar kórdi. 1991-jılı Alisher Nawayı tuwılǵanınıń 550 jıllıǵı keń belgilendi. Alisher Nawayı atındaǵı Mámleketlik sıylıǵı shólkemlestirildi. Ádebiyat insitutına Alisher Nawayı atı berildi. Nawayı esteligi Tashkenttiń Komsomol kóli dep atalǵan dem alıw baǵına ornatıldı hám bul baǵ Alisher Nawayı atındaǵı Ózbekstan milliy baǵı dep atalatuǵın boldı. 1994-jıldı húkimet qararı menen elimizde Ulıǵbek jılı dep járiyalanıwı onıń 600 jıllıǵın Ózbekstanda hám jer júzilik kólemde, máselen, YuNESKO rezidenciyası Parijde keń túrde belgileniwi de ullı alımlar qaldırǵan miyras ulıwma insanıylıq qádirayatqa aylanǵanlıǵınıń kórinisi bolıp esaplanadı. 1996-jılı Amir Temurdıń 660 jıllıǵı da keń kólemde belgilendi. Prezident «1996-jıldı Amir Temur jılı» dep atawı haqqında párman qabılladı. «Temur tuzikleri» birneshe tilde basılıp shıqtı. Sol dáwir tariyxıy-mádeniy estelikleri tiklenip, jazba ádebiyatlar ilimiy aylanısqa kirgizildi. Tashkentte babamızdıń dúnyalıq ullılıǵına hám dańqına sáykes keletuǵın Temuriyler tariyxı mámleketlik muzeyi qurıldı.