Soraw hám tapsırmalar

G’a’ressizlik jillarinda belgilengen yubileyler
 1997-jıl — Xiywa hám Buxara qalalarınıń 2500 jıllıq yubileyi belgilendi.
 2002-jıl — Termiz qalasınıń 2500 jıllıq yubileyi belgilendi.
 2002-jıl — Shahrisabz qalasınıń 2700 jıllıǵı belgilendi.
 2003-jıl — Nókis qalasınıń 70 jıllıǵı belgilendi hám qala «Doslıq» ordeni menen sıylıqlandı.
 2006-jıl — Qarshi qalasınıń 2700 jıllıǵı belgilendi.
 2006-jıl — Xorezm Mamun akademiyasınıń 1000 jıllıǵı belgilendi.
 2007-jıl — Samarqand qalasınıń 2750 jıllıq yubileyi ótkerildi.
 2007-jıl — Marǵılan qalasınıń 2000 jıllıq yubileyi ótkerildi.
 2009-jıl — Ózbekstan Respublikası paytaxtı Tashkent qalasınıń 2200 jıllıǵına arnalǵan saltanatlı máresim ótkerildi.



Ruwxıylıqtıń úgit-násiyatlanıwı. Eldiń ruwxıy turmısın jáne de jaqsılawda 1994-jılı Prezident qararı menen shólkemlestirilgen «Ruwxıylıq hám aǵartıwshılıq» jámáátshilik Orayı úlken áhmiyetke iye boldı. Elimizde milliy ideyanıń úgit-násiyatlanıwı hám ruwxıyaǵartıwshılıq jumıslardıń nátiyjeliligin, olardıń ómirsheńligi hám tásirsheńligin arttırıw maqsetinde Ózbekstan Respublikası Prezidentiniń 2006-jılı 25-avgusttaǵı qararı menen Respublika Ruwxıylıq hám aǵartıwshılıq Keńes quramında eki oray — Respublikalıq Ruwxıylıq úgit-násiyatlaw orayı hám Milliy ideya hám ideologiya ilimiy-ámeliy orayı dúzildi. Bas ministr Keńes baslıǵı, hákimler wálayat aymaqlıq keńesleri baslıǵı etip belgilendi. Ruwxıy-aǵartıwshılıq jumısları sisteması zaman hám sharayat talabına muwapıq jetilistirildi. Búgingi kúnde dúnyadaǵı qıyın hám qáwipli jaǵday tarawda ámelge asırılǵan islerdi sın bahalap, onıń xızmetin zaman talapları tiykarında jetilistiriwdi talap etpekte. Sol sebepli Ózbekstan Respublikası Prezidentiniń 2017- jılı 28-iyuldegi «Ruwxıy-aǵartıwshılıq jumıslar nátiyjeliligin arttırıw hám tarawdı rawajlandırıwdı jańa basqıshqa kóteriw haqqında»ǵı qararı qabıllandı. Oǵan muwapıq, Respublikalıq Ruwxıylıq hám aǵartıwshılıq keńesiniń Respublikalıq Ruwxıylıq úgit-násiyatlaw orayı hám de Milliy ideya hám ideologiya ilimiy-ámeliy orayın birlestiriw jolı menen olardıń negizinde Respublikalıq Ruwxıylıq hám aǵartıwshılıq orayı qayta dúzildi. Ózbekstan Respublikası Prezidenti Respublikalıq Ruwxıylıq hám aǵartıwshılıq keńesine basshılıq etiwi belgilendi.