Soraw hám tapsırmalar

Muzıka hám ayaq oyın kórkem óneri. Ǵárezsizlik jıllarında muzıka tarawında túpkilikli burılıs dástúriy nama sazlardan kewli tolıw hám tásirleniwde kórindi. Bunıń ushın eń dáslep, xalıqqa jaqınlasıw, el arasında júriw, xalıq talantlıların izlep tabıw zárúr edi. Usı maqsette 1992-jılı birqansha kórik-tańlawlar ótkerildi. Solardan Tashkent qalasında mart ayında milliy nama atqarıwshılarınıń «Asrlarga tengdosh navolar», aprel ayında belgili kórkem óner sheberleri shıǵarmaları atqarıwshılarınıń «Boqiy ovozlar», Xorezm wálayatında may ayında folklor jámáátleriniń, iyun ayında Qoqan qalasında laqqıshılıq (askiya), qızıqshı hám masqarapazlardıń hám avgust ayında Tashkent qalasında lapar, yalla atqarıwshılarınıń kórik-tańlawları shólkemlestirildi. Olar birneshe onlaǵan talantlılardı júzege shıǵardı. Bul sıyaqlı ilajlar, festivallardıń ótkeriliwi dástúrge aylanıp, xalıqaralıq kólemde materiallıq emes mádeniy miyrastı asıraw boyınsha alıp barılıp atırǵan háreketler menen birlesip ketti. Ǵárezsizlik dáwirinde professional muzıka hám ayaq oyındı rawajlandırıw jumıslarına da úlken itibar qaratıldı. 1996-jılı «Ózbeknavo» gastrol-koncert birlespesi shólkemlestirildi. Ózbekstan Respublikası Prezidenti pármanı
m enen 1997-jılı Mukarrama Turǵunbaeva
atındaǵı «Ózbekraqs» milliy ayaq oyın bir-
lespesi hám de Tashkent mámleketlik milliy
ayaq oyın hám xoreografiya joqarı mektebi
dúzildi. 2001- jılı «Ózbeknavo» estrada bir-
l
«Sharq taronalari» xalıqaralıq muzıka festivalınıń ashılıw saltanatı
espesi, Milliy estrada kórkem ónerin rawaj-
landırıw hám muwapıqlastırıw Keńesi jumıs
basladı. Ǵárezsizlik jıllarında jańadan
kórik-tańlawlar, festivallar júzege keldi. 1995-jılı Ministrler Kabineti «Ózbekstan—Watanım meniń» atlı kóriktańlaw ótkeriw boyınsha qarar qabılladı. 1996-jıl marttan baslap ótkerilip kiyatırǵan «Ózbekstan—Watanım meniń» atlı kórik-tańlawı ǵárezsizlikti, Watandı ańlaw, onı ulıǵlaw jolındaǵı áhmiyetli qádem boldı. Sonıń ushın da, 1996-jılı 27-avgust kúni arnawlı párman qabıl etildi. Onda hár jılı avgust ayınıń 3-ekshembisi, «Ózbekstan— Watanım meniń» qosıq bayramı kúni dep járiyalandı. Tańlaw ǵárezsizlikti jırlawshı júzlegen qosıqlar jaratılıwına túrtki boldı. Ministrler Kabinetiniń 1997-jıldaǵı qararı menen hár eki jılda bir mártebe Samarqand qalasında «Sharq taronalari» xalıqaralıq muzıka festivalı ótkerile baslandı. Birinshi festivalda dúnyanıń 31 elinen wákiller qatnastı. Festivaldıń regionallıq qamtıwı da kem-kemnen keńeyip barmaqta. 2015-jılı X festivalda 66 mámleketten wákiller qatnastı. 1998-jılı elimizde birinshi márte simfoniyalıq muzıka festivalı ótkerildi. Bul festivalda dúnyanıń 20 ǵa jaqın ellerinen atqarıwshılar qatnastı. Ǵárezsizlik jılları muzıka kórkem ónerin akademiyalıq, dástúriy hám zamanagóy baǵdarlarında rawajlanıwına zárúr shárt-sharayatlar jaratıw qatarında onıń bilimlendiriwine de itibar berildi. 2002-jılı Tashkent mámleketlik konservatoriyası Ózbekstan mámleketlik konservatoriyasına aylandırıldı. Konservatoriyanıń jańa imaratı qurıldı. Prezidenttiń qararı menen qabıllanǵan Balalar muzıka hám kórkem óner mektepleriniń materiallıq-texnikalıq bazasın bekkemlew hám olardıń xızmetin jáne de jaqsılaw boyınsha mámleketlik baǵdarlaması da áhmiyetli orın tutıp, onıń sheńberinde 2009—2014-jılları aymaqlarda 278 muzıka hám kórkem óner mektebi paydalanıwǵa tapsırıldı. «Nihol», «Zulfiya» atındaǵı mámleketlik sıylıqlarınıń shólkemlestiriliwi, «Kamalak juldızları» respublikalıq balalar dóretiwshiligi festivalı, «Sozlar navosi» jas muzıka atqarıwshıları hám basqa kóriktańlawlar ótkerilip kiyatırǵanı jańa talantlılardı júzege shıǵarıw hám qollap-quwatlaw maqsetlerine xızmet etedi. YuNESKO tárepinen insaniyattıń materiallıq emes mádeniy miyrası diziminen Shashmaqam (2008), Baysın mádeniy ortalıǵı (2008), Nawrız (2009), Úlken qosıq (Katta ashula) (2009), Askiya (laqqıshılıq) (2014) orın aldı. 2017-jılı Prezident qararı menen Ózbek milliy maqam kórkem óneri orayı shólkemlestirildi. 2018-jıldan baslap Shahrisabz qalasında hár eki jılda bir márte Xalıqaralıq maqam kórkem óneri festivalın ótkeriw belgilendi.