Soraw hám tapsırmalar

Tashkenttegi Amir Temur esteligi

Shahrisabz. Amir Temur esteligi

Tashkent. Temuriyler tariyxı mámleketlik muzeyi

Húkimettiń arnawlı qararına muwapıq, 1999-jılı dekabrde Xorezmde Muhammed Rizo Erniyazbek ulı Ogahiy tuwılǵanınıń 190 jıllıǵı, Nókiste Ájiniyaz Qosıbay ulınıń 175 jıllıǵı, 1998-jılı oktyabrde Ferǵanada Ahmed al-Ferǵaniy tuwılǵanınıń 1200 jıllıǵı belgilendi. Islam áleminiń záberdes alımları bolǵan Imam Ismayıl Buxariydiń 1225 jıllıǵı, Imam Abu Iso Termiziydiń 1200 jıllıǵı, Mahmud Zamaxshariydiń 920 jıllıǵı, Najmiddin Kubronıń 850 jıllıǵı, Bahauaddin Naqshbandiydiń 675 jıllıǵı, Xoja Ahror Valiydiń 600 jıllıǵı hám basqa alımlardıń yubileyleri keń belgilendi. 1993-jılı Tashkentte, 1996-jılı Samarqand hám Shahrisabzda Amir Temur esteligi ashıldı. Sol jılı Samarqand hám Shahrisabz qalaları «Amir Temur» ordeni menen sıylıqlandı

I nsan esteligi máńgi. Elimiz Prezidenti Shavkat Mirziyoevtiń itibarı menen el-jurtqa miyneti sińgen insanlardı húrmetlew dástúri dawam ettirilmekte. 2017 — 2018-jılları bul boyınsha úlken jumıslar ámelge
asırıldı. Tashkent, Samarqand hám Qarshida Islam
Karimov, Namangan wálayatında Ishoqxon Ibrat,
Xorezm wálayatında Kamiljan Ataniyazov,
Qaraqalpaqstanda Ibrayım Yusupov, Ferǵanada
Erkin Vohidov, Qashqadáryada Abdulla Oripov,
Andijanda Muhammed Yusuf esteliklerin mángi-
lestiriw boyınsha ilajlar ótkerildi. Olardıń atı menen
atalatuǵın oraylar, dóretiwshilik mektepler shólkem-
lestirildi. Jizzax qalasında Hamid Olimjan hám Zulfiya esteligine arnalǵan estelik kompleksi ashıldı. Elimiz rawajlanıwı jolında pidákerlik xızmet etken, milliy ádebiyatımız hám mádeniyatımızdıń rawajlanıwına úlken úles qosqan ataqlı mámleketlik ǵayratker, belgili jazıwshı Sharaf Rashidov tuwılǵanınıń 100 jıllıǵı belgileniwi xalqımızdı quwandırdı. Ózbekstan Prezidentiniń 2017-jılı 27-marttaǵı «Belgili mámleketlik isker hám jazıwshı Sharaf Rashidov tuwılǵanınıń 100 jıllıǵın belgilew haqqında»ǵı qararı tiykarında 2017-jılı 6-noyabr — Sharaf Rashidov tuwılǵan kúni Jizzaxta saltanatlı ilajlar bolıp ótti. Jizzax qalasındaǵı ilajda Ózbekstan Respublikası Prezidenti Shavkat Mirziyoev qatnasıp, sóz sóyledi. Ózbekstan Respublikası Prezidentiniń 2017- jıl yanvardaǵı «Ózbekstan Respublikasınıń Birinshi Prezidenti Islam Abduǵanievich Karimovtıń esteligin máńgilestiriw haqqında»ǵı qararına muwapıq, Islam Karimov estelikleri Ózbekstan paytaxtı Tashkent qalasına, Islam Karimov tuwılıp ósken Samarqand qalasına hám Islam Karimov birinshi basshı bolıp islegen Qashqadárya wálayatınıń Qarshi qalasında ornatıldı. Bunnan tısqarı, Samarqand qalasında Islam Karimov jerlengen aymaqta estelik kompleksi payda etildi. Islam Karimov kóp jıllar dawamında xızmet alıp barǵan Tashkent qalasındaǵı Aqsaray rezidenciyasında Islam Karimov atındaǵı ilimiy-aǵartıwshılıq estelik kompleksi shólkemlestirildi. Bir qatar kósheler hám iri obyektlerge Islam Karimov atı berildi. Prezident pármanı menen 2018-jılı 30-yanvarda Islam Karimov tuwılǵanınıń 80 jıllıǵı keń belgilendi, 24-martta bolsa Samarqantta xalıqaralıq konferenciya ótkerildi.
Respublika basshılıǵına Islam Karimov kelgennen keyin, Sharaf Rashidov shaxsına aytılǵan barlıq jalalar toqtadı. Onıń pák atı aqlandı. 1992-jılı Sharaf Rashidov tuwılǵanınıń 75 jıllıǵı keń belgilendi. 2016-jılı Prezident Shavkat Mirziyoev baslaması menen Jizzax rayonına Sharaf Rashidov atı berildi.
M illiy úrp-ádetler, qádiriyatlar hám dástúrlerdiń tikleniwi. Ǵárezsizlik sharapatı menen xalqımızdıń milliy-ruwxıy miyrasın tiklew hám jańalaw, xalqımız sanasına jetkiziw hám turmısqa sińdiriw áhmiyetli wazıypalardan biri sıpatında kún tártibine qoyıldi. Xalqımızdıń eski qádiriyatı, súyikli bayramı esaplanatuǵın «Nawrız» bayramınıń xalqımızǵa qaytıp beriliwi mámleket tariyxında úlken waqıya boldı. 1991-jıldan baslap mámlekette Prezident pármanına muwapıq, 21-mart — Nawrız ulıwma xalıqlıq bayramı sıpatında belgilenetuǵın boldı. Áyyemgi xalıq bayramı — Nawrızdıń tikleniwin respublikamızdıń pútkil xalqı maqullap, kóterińki ruwxta kútip aldı hám házirde de ullı bayram sıpatında belgilenbekte. Ózbekstan ele sovetler qaramaǵında turǵan awır kúnlerde Islam Karimov xalıq qálewine qulaq salıp, umıtılmas tariyxıy hújjetke qoli. qoydı. 1990-jılı 2-iyun kúni «Musılmanlardıń Saud Arabstanına haj saparı haqqında»ǵı pármanın járiyaladı. Elimizde Islam dini ámellerinen ónimli paydalanıw, onıń bay ruwxıy hám mádeniy qádiriyat sıpatındaǵı imkaniyatların keńeyttiriw ilajları kórildi. Sonıń ishinde, 1990-jılı musılmanlardıń Haj zıyaratına barıwına kepillik beretuǵın Prezidenttiń arnawlı pármanı qabıllandı. 1992-jılı 27-martta Ózbekstan Prezidentiniń «Oraza hayıtın demalıs kúni dep járiyalaw haqqında»ǵı
pármanına muwapıq musılmanlar turmısındaǵı
qutlı sáneler — Qurban hám Ramazan hayıtı kún-
lerin turaqlı túrde bayramlaw hám olardıń dem-
alıs kúnleri dep járiyalanıwı da xalqımız ushın
quwanıshlı waqıya boldı. Ǵárezsizlik sharapatı
menen «Islom nuri» hápteligi, «Hidoyat» jurnalı
dúnyaǵa keldi, kóplegen diniy-ádep ikramlılıq ádebiyatlar basılıp shıǵa baslandı. Solardan, Imam Buxariydiń tórt jildten ibarat, Imam Termiziydiń bir jildli hádis kitapları, basqa alımlardıń bir qatar shıǵarmaları júz mıńlap nusqalarda basılıp shıqtı. Qurani Karim segiz márte, jámi bir million nusqada basılıp shıqtı. Bul muqaddes kitap elimizde dáslepki ret 1992-jılı Alauddin Mansur tárepinen ózbek tiline awdarma islendi hám úsh márte, jámi 300 mıń nusqada baspadan shıǵarıldı.
2004-jılı bolsa Tashkent Islam universitetinde Quranı Karimniń shayx Abdulaziz Mansur awdarmasında túsindirmeli basılımı tayarlandı hám baspadan shıqtı. Ózbekstan musılmanları erkinlik hám qolaylı imkaniyatlarǵa iye bolmaqta. Olar tikkeley húkimet járdeminde hár jılı muqaddes haj hám umra ámellerin orınlaw imkaniyatına eristi. Eger sovet dáwirinde elimiz puqaralarınan 3 — 4 adam haj saparın ótegen bolsa, 2016-jılǵa shekem hár jılı 5000 nan aslam puqaralarımız hajı bolıp qaytadı. Prezident Shavkat Mirziyoev baslaması menen xalıq sanınıń hám sońǵı jıllarda haj zıyaratına barıw tilegin bildirgenler sanınıń artıp baratırǵanlıǵı itibarǵa alınıp, 2017-jıldan ózbekstanlı puqaralar ushın haj kvotası sanı 5200den 7200 adamǵa kóbeyttirildi. Mánawiy-ruwxıy pákleniw, qádiriyatlardıń tikleniwi bir kúnde bolatuǵın procces emes, al ol bizden turaqlı túrde izshillik penen jumıs alıp barıwımızdı talap etedi. «Imam Abu Mansur al-Moturidiydiń 1130 jıllıǵın belgilew haqqında»ǵı, «Burhaniddin al-Marǵinoniy tuwılǵanınıń hijriy sáne boyınsha 910 jıllıǵın belgilew haqqında»ǵı Ózbekstan Respublikası Ministrler Kabinetiniń qararları pikirimizdiń anıq dálili boladı. 2003-jılı bolsa Abduxalıq Ǵijduwaniydiń 900 jıllıǵı keń belgilendi.