Sos o'zbekiston bolalar mahallalari faoliyati yuritish jarayoni mundarija

II. Faoliyatining asosiy maqsadi va yo'nalishlari⁷
5. Quyidagilar Uyushma faoliyatining asosiy maqsadi va yo'nalishlari hisoblanadi:
jamoat va davlat tuzilmalarining ota-onalar qarovisiz qolgan bolalarni jismoniy, intellektual va ma'naviy rivojlantirish uchun qulay sharoitlar yaratishga, ularni ijtimoiy muhofaza qilish va huquqiy qo'llab-quvvatlashni ta'minlashga yo'naltirilgan sa'y-harakatlarini muvofiqlashtirish;
(5-bandning ikkinchi xatboshisi O'zbekiston Respublikasi Vazirlar Mahkamasining 2011-yil 31-dekabrdagi 351-sonli qarori tahririda — O'R QHT, 2011-y., 52-son, 565-modda)
ota-onalar qarovisiz qolgan bolalarni tarbiyalashni hamda ularga yordam berishni ta'minlashga, ular uchun oilalardagi kabi hayot sharoitlari yaratishga yo'naltirilgan loyiha va dasturlarni amalga oshirishga moliyaviy yordam berish;
(5-bandning uchinchi xatboshisi O'zbekiston Respublikasi Vazirlar Mahkamasining 2011-yil 31-dekabrdagi 351-sonli qarori tahririda — O'R QHT, 2011-y., 52-son, 565-modda)
barcha bolalarga, ayniqsa ota-onalar qarovisiz qolgan bolalarga, shuningdek ota-onalar qarovisiz qolgan bolalarni tarbiyalayotgan onalarga yordam berish;
(5-bandning to'rtinchi xatboshisi O'zbekiston Respublikasi Vazirlar Mahkamasining 2011-yil 31-dekabrdagi 351-sonli qarori tahririda — O'R QHT, 2011-y., 52-son, 565-modda)
O'zbekiston Respublikasida SOS — bolalar mahallalari hamda bolalar bog'chalari, maktablar, o'quv, sport va dam olish markazlari, klinikalar va shu kabi ular bilan uzviy bog'liq insonparvarlik SOS — loyihalarni qurishni hamda asbob-anjomlar bilan to'liq jihozlashni tashkil etish;
"SOS — Kinderdorf Interneshnl” bilan hamkorlik qilish;
SOS — bolalar mahallalari hamda SOS — loyihalar uchun tarbiyachi onalar va xodimlar tanlash va ular uchun pedagogik hamda boshqa zarur tayyorgarlikni tashkil etish;
davlat, jamoat va xususiy tuzilmalarni Uyushma faoliyatiga faol jalb etish;
Oldingi tahrirga qarang.
ota-onalar qarovisiz qolgan bolalar uchun insonparvarlik dasturlarini, hamda German Gmaynerning pedagogik g'oyalarini, shuningdek ota-onalar qarovisiz qolish ehtimoli bo'lgan bolalar uchun oilani mustahkamlash dasturlarini ommalashtirish va qo'llab-quvvatlash uchun maqolalar, axborot materiallarini nashr qilish, ko'rgazmalar, seminarlar uyushtirish, ommaviy axborot vositalari bilan ishlarni tashkil etish.
(5-bandning to'qqizinchi xatboshisi O'zbekiston Respublikasi Vazirlar Mahkamasining 2011-yil 31-dekabrdagi 351-sonli qarori tahririda — O'R QHT, 2011-y., 52-son, 565-modda)