«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
148
Jamiyatning ma’naviy qiyofasi oilalarning qandayligiga bog‘liqligi azaliy haqiqat. 
Oiladagi keksalarning xizmatlarini qilish, ularning hurmatlarini joyiga qo‘yish, 
xushmuomalalik kabi fazilatlarning shakllanishida keksalarimizning o‘rni beqiyos. 
Oilaning ma’naviy-ahloqiy qiyofasi ajdodlarimizdan bizga o‘tgan bilim va tajriba, 
madaniy qadriyatlar asosida va yurtdoshlarimizning erishgan yutuqlari negizida paydo 
bo‘ladi. 
Hozirgi tahlikali, globallashuv jarayonida muqaddas islom dinimiz g‘oyalarini 
niqob qilib xalqimiz, ayniqsa yoshlarimizning dinga bo‘lgan qiziqishlari, e’tiqodlaridan 
o‘zlarining g‘arazli maqsadlarini amalga oshirishga bo‘lgan urinishlari bo‘lmoqda. 
Bunday vaziyatda bizlar albatta yoshi ulug‘larimiz va olimu ulamolarimizning yordami 
va tajribalariga tayangan holda amaliy maslahatlariga muhtojlik sezamiz. 
Yurtimizning kelajakda ma’naviy еtuk barkamol farzandlar tarbiyalash borasidagi 
vazifalari davlat darajasiga ko‘tarilishining asosi bor albatta. Bunda xalqimizning ming 
yillik tarixi, bugungi ma’naviy hayotimizning ham asosi bo‘lgan sof islom dinimiz bu 
yo‘ldan sobit qadam bilan yurishimizga yordam beradi. Chunki keksalari e’zozlanadigan 
yurt albatta yuksak marralarni egallaydi, negaki, ularning boy tajribalari, zakovati, 
hayotiy tajribalari bizlar uchun mayoqdir. Bu davlatimiz qudrati, mamlakatimiz 
kelajagi bilimli, dono va ma’naviy barkamol avlodlarga bog‘liq ekanligini chuqur 
anglagan holda harakat qilish lozimligini ko‘rsatadi. 
Xalqimizning asrlar davomida shakllangan yuksak ma’naviyati, an’ana va udumlari, 
ulug‘ bobokalonlarimizning o‘lmas merosidan oziqlanishimiz hayotiy zaruriyatdir. 
Davlatimiz tomonidan yuritilayotgan muhim vazifalardan yana biri, aholining barcha 
qatlamlarini yurtimizning tinchligiga, hotirjamligiga tahdid soluvchi vositalardan imkon 
qadar uzoqlashish, ularning zararli oqibatlarini yoshlarga еtkazishda keksalarimizning 
o‘rnini yuqori qo‘yish darkor.
Yuksak texnologiyalar shiddat bilan kirib kelayotgan bu davrimiz yoshlarda 
mas’uliyat, e’tibor, odamiylik kabi hissiyotlarni chegaralab qo‘ymoqda. Bularning 
o‘rnini internetdagi virtual aloqalar orqali amalga oshirsa bo‘ladi, degan fikrda yurgan 
ba’zi yoshlarimiz borligi achinarli holdir. Negaki, inson yoshi o‘tgan sari mehrga, 
e’tiborga, farzandlarining ko‘magiga muhtoj bo‘lishi tabiiy. Ayrim yoshlar bunday 
ko‘makka javob berishning oson va qulay usulini ham topishgan. Ya’ni telefon orqali 
muloqot qilish, kerakli mahsulotlarni xonadonlarga yеtkazib beruvchi tashkilotlardan 
foydalangan holda ota-onasiga mahsulot yеtkazib berishni so‘ramoqdalar (albatta, pul 
bilan). Lekin ota-ona bu narsalarni so‘rashdan maqsadi farzandi bilan biroz bo‘lsada 
suhbatlashish va diydoriga to‘yish ekanligini afsuski unutib qo‘ymoqdamiz. Ularning 

---