Statistika hisoboti

301- satrda Respublika budjet mablag‘lari hisobidan moliyalashtiriladigan investitsiyalar aks ettiriladi: Davlat Investitsiya dasturiga kiritilgan obyektlar; budjet tashkilotlari va muassasalari (oliy o‘quv yurtlari, maktablar, shifoxonalar va boshqalar) tomonidan uskuna va inventarlar harid qilish.
302- satrda mahalliy budjet mablag‘lari hisobidan o‘zlashtirilgan investitsiyalar aks ettiriladi, bunga mahalliy organ boshqarmalari qabul qilgan normativ hujjatlar asos bo‘ladi.
303- satrda “Tashkilotning o‘z mablag‘lari, (chet el investorining reinvestitsiyalaridan tashqari)” asosiy vositalarni investitsiyalashga qaratilgan mablag‘lar ko‘rsatiladi. (foyda; asosiy vositalarni to‘liq tiklash uchun ketgan amortizatsiya harajatlari; rezerv (qo‘shimcha) fond mablag‘lari; tashkilot zimmasidagi soliqlar; o‘zbek ta’sischilarining ustav fondga qo‘yilmalari tashkilot qurilishida qo‘shgan ulushidan kelgan mablag‘lar;)
304 va 305 satrlarda “chet el investorlari mablag‘lari, ularning reinvestitsiyalarini qo‘shgan holda” xalqaro tashkilotlar, davlatlar, kompaniyalar, chet el investorlari qo‘yilmalari ko‘rinishidagi mablag‘lari aks ettiriladi. 306-307 satrda 304 va 305 satrdan bevosita investorlar tomonidan kiritilgan to‘g‘ridan-to‘g‘ri investitsiyalar aks ettiriladi, bevosita investorlar – bu huquqiy yoki jismoniy shaxs bo‘lib, tashkilotning to‘liq yoki ustav kapitalining 10 foizidan ko‘prog‘iga ega bo‘lib, tashkilot boshqaruvida qatnashish huquqini beradi.
Markazlashgan maqsadli fondlar hisobidan o‘zlashtirilgan investitsiyalar 309- satrda- Suv ta’minoti va kanalizatsiya
tizimlarini rivojlantirish jamg‘armasi, 310 satrda - Tiklanish va taraqqiyot jamg‘armasi ko‘rsatiladi.
312-satrda rezident banklar kreditlarini o‘zlashtirilishi hisobidan bo‘lgan investitsiyalar, ular bilan lizing bitimlarini qo‘shgan holda ko‘rsatiladi.
313-314 satrlarda chet el kreditlari, shu jumladan: O’zbekiston Respublikasi kafolati bilan (315-316 satrlar); kafolatlanmagan - tashkilot chet ellik boshqaruvchisidan olingan, savdo, bank (chet el banklari va boshqa moliyaviy tashkilotlardan olingan), norezident tashkilotlar bilan lizing shartnomalari va boshqa (317-318 satrlar) aks ettiriladi.
319 satrda boshqa tashkilotlar (bankdan tashqari) qarz mablag‘lari, shuningdek qaytarib berish sharti bilan olingan markazlashmagan investitsiya fondlari, O‘zbekiston Respublikasi rezidenti bo‘lgan lizing kompaniyalari va boshqa tashkilotlar bilan lizing shartnomalari hisobiga amalga oshirilgan investitsiyalar ko‘rsatildi.
2-§ bo‘sh satrlariga asosiy kapitalga investitsiyalarning qayta ishlab chiqarish tarkibi ma’lumotlari Ma‘muriy-hududiy tuzilmalarni (obyektlarni) belgilash tizimi idoraviy statistik tasniflagichiga (MHOBT) muvofiq hududlar kesimida ko‘rsatiladi.