Strategiyalıq marketing jobasınıń ulıwma dúzilisi

Strategiyalıq marketing jobasınıń ulıwma dúzilisi.
Strategiyalıq marketing procesi altı sheshiwshi másele menen baylanıslı. Bul sorawlarǵa juwap tabıw firmanıń maqsetleri hám soǵan uyqas túrde jobanıń dúzilisin belgilep beredi.

1. 
   Biz alıp baratırǵan biznes qanday kóriniste (yaǵnıy firma ushın tiykarǵı bazar qaysı ) hám firmanıń bul bazardaǵı strategiyalıq missiyasi qanday?
   
2. 
   Qanday tovar bazarları tiykarǵı bazardı quraydı jáne bul bazarlarda qanday poziciyalawdi tańlaw múmkin?
   
3. 
   Tovar bazarlarınıń obiektiv tartıwshılıǵı qanday hám olar menen baylanıslı qanday múmkinshilik hám qaterler bar?
   
4. 
   Firmanıń bazardaǵı tovarlarǵa salıstırǵanda parıq etiwshi tárepleri, onıń kúshli hám kúshsiz tárepleri hám básekili ústinligi nede?
   
5. 
   Qamtıp alıw hám rawajlanıw boyınsha qanday strategiyanı tańlaw kerek hám firma portfeline kiretuǵın tovar bazarlarında strategiyalıq mólshewler dárejesi qanday bolıwı kerek?
   
6. 
   Saylanǵan strategiyalıq maqsetler qanday etip operasion marketing kompleksine: tovar, satıw, baha hám kommunikasiyaǵa aylantırıladı?
   

1-súwret. Strategiyalıq joybarlaw procesi
Bazar strategiyalıq analiz etilip, altı sheshiwshi sorawǵa juwap tawılǵanshı,juwmaqlawshı basqıshda saylanǵan maqsetlerdi, olarǵa erisiw quralların, orınlanıwı kerek bolǵan arnawlı bir háreket programmaların hám, aqır-aqıbetde, hár iskerlik baǵdarı boyınsha hám ulıwma firma boyınsha dáslepki dáramat hám ǵárejetler dizimin muwapıqlastırıw kerek boladı.
Tiykarınan strategiyalıq marketing jobası finanslıq reja bolıp tabıladı, biraq ol finanslıq aǵıslardıń dárekleri hám maqsetleri haqqındaǵı maǵlıwmatlar menen bayıtılǵan boladı.Ámelde ol firmanıń jámi ekonomikalıq iskerligin belgilep beredi jáne onıń qalǵan barlıq funksiyalarına : IITKJ (ilimiy izertlew hám tájiriybe-konstruktirlik jumısları) tikkeley tásir kórsetedi.

• 
  -IITKJ bazar mútajlikleri jańa, jaqsılanǵan yamasa maslastırılǵan tovarlarǵa ótkeriliwi kerek;
  
• 
  -finanslıq aqshalar : marketing programması finanslıq sheklewlerdi hám resurlarning bar ekenligin esapqa alıwı kerek;
  
• 
  -islep shıǵarıw sawda kólemleri islep shıǵarıw múmkinshilikleri hám jetkizip beriw tezligi menen sheklengen;
  
• 
  -xızmetkerler: resursları : rejaning orınlanıwı maman hám tayarlıqtan ótken xızmetkerlerdiń ámeldegi bolıwın názerde tutadı.