Superliga va pro liga reglamenti

 
 
 
 
 
 
 
 
 
 
 
 
 
 
 
 
 
 
 
 
 
 
 

---

6 
1-bob 
Umumiy qoidalar 
 
1.1. Mazkur Reglament Superliga va Pro liga musobaqalarini (keyingi o‘rinlarda — 
Musobaqa) o‘tkazish tartibini belgilaydi. 
1.2. O‘zPFL (keyingi o‘rinlarda — Liga) musobaqani O‘FA bilan imzolangan 
musobaqalarni o‘tkazish huquqini taqdim etuvchi shartnoma asosida tashkil qiladi. 
Musobaqa doirasidagi futbol uchrashuviga (keyingi o‘rinlarda — rasmiy uchrashuv yoki 
uchrashuv) hakam va nazoratchilar O‘zFHM bilan imzolangan shartnoma asosida jalb 
qilinadi.
1.3. Mavsum yakunida Liga tashkilot Ijroqo‘miga xarajatlar yuzasidan moliyaviy 
hisobot taqdim etadi. 
1.4. Mazkur Reglament ikki — o‘zbek va ingliz tillarida chop etilgan. Ikki til o‘rtasida 
ehtimoliy tafovut vujudga kelsa, u holda o‘zbek tilida yozilgan qismi ustuvor hisoblanadi.
2-bob 
Musobaqa o‘tkazishdan ko‘zlangan maqsad va vazifalar 
 
2.1. Musobaqalar: 
• O‘zbekiston milliy chempionatini professional darajada tashkil etish va bu orqali 
mamlakat futboli rivojiga hissa qo‘shish;
• musobaqa ishtirokchilari uchun yaxshi saviyadagi rasmiy uchrashuvlar tashkil 
qilish orqali, futbol klublarida to‘p surayotgan futbolchilar mahorat darajasini 
oshirishga erishish; 
• O‘zbekiston terma jamoalariga nomzod futbolchilar sonini ko‘paytirish hamda 
murabbiylar uchun tanlov imkoniyatini kengaytirish; 
• futbol muxlislarining hordiq chiqarishlarini tashkil etish, ular uchun 
raqobatbardosh chempionat tashkil etib berish; 
• O‘zbekiston futbolini targ‘ib etish va shu yo‘l orqali o‘zbekistonlik futbolchilarning 
chet el klublari nazariga tushishiga erishish kabi maqsadlarni ifoda etadi.