Mavzuning o`rganilish darajasi. Biologiya fanini o`qitishda interfaol texnologiyalardan foydalanish to`g`risida juda ko`p ma`lumotlar mavjud. Respublikamiz olimlari K.Turg`unboyev, A.Rizayev, M.X.To`xtaxadjayeva, R.Mavlonova, N.Vohidova, G.Niyozova, O.Xasanboyeva, M.Usmonboyeva, H.Arifboyev, N.S.Saydaxmatov, A.T.G`ofurov, J.O.Tolipova kabi olimlar va tadqiqotchilar, chet el olimlaridan esa V.V.Guzayev, G.M.Chernobelskaya, E.S.Polotin, S.K.Selevko va boshqalar ta`lim jarayonida interfaol usullardan foydalanish va ularning biologiya fanida qo`llanilishi yuzasidan taklif va tavsiyalar berishgan. Lekin tabiiy fanlarni o`qitishda xususan biologiya fanini o`ziga xosligi unda biologik kuzatuv va tajribalar olib borilishi o`quvchilarni amaliy ko`nikma, malakalarni rivojlantirishda nazariy bilimlarning rolini hisobga olgan holda interfaol va boshqa bir qancha zamonaviy pedagogik texnologiyalardan o`zaro unumli foydalanish masalalari talab darajasida yoritilmagan. Shuning uchun, o`quvchilarning ta`lim olish samaradorligini oshirishda interfaol texnologiyalardan unumli foydalanish qanday samara berishini aniqlash malakaviy ishning asosiy maqsadi etib belgilandi.
Do'stlaringiz bilan baham: |