Tabiiyot-geografiya fakulteti

Bitiruv malakaviy ishi quyidagi metodlar asosida amalga oshirildi:

• 
  tadqiqot mavzusiga oid ilmiy-falsafiy, psixologik-pedagogik adabiyotlar, o`quv-metodik qo`llanmalarni ilmiy-pedagogik jihatdan tahlil etish;
  
• 
  pedagogik kuzatuv;
  
• 
  pedagogik tajribalarni o`rganish va umumlashtirish;
  
• 
  mavzu bo`yicha suhbatlar, anketalar, testlar, savol-javoblar tashkil etish;
  
• 
  tadqiqot natijalarini umumlashtirish.
  

Bitiruv malakaviy ishining metodologik asoslari: O`zbekiston Respublikasi Konstitutsiyasi, O`zbekiston Respublikasining “Ta`lim to`g`risida”gi Qonuni, O`zbekiston Respublikasining “Kadrlar tayyorlash milliy dasturi”, ta`limni modernizatsiyalash, innovatsion texnologiyalarni keng jalb etish xususidagi qarorlar.

Bitiruv malakaviy ishining amaliy ahamiyati. Tadqiqot jarayonida ilgari surilgan fikrlardan, yondashuvlardan hamda samaradorligini ta`minlovchi tadqiqot natijalaridan biologiya fanlari bo`yicha ma`ruzalar tayyorlash, qo`llanmalar yaratish, shuningdek metodik tavsiyanomalar yaratishda, ish tajribalarini ommalashtirishda samarali foydalanishga xizmat qiladi. Umumta`lim maktablarda biologiya fanini o`qitishda interfaol texnologiyalarni qo`llash, darslarni tashkilashda “zigzag”, “qor uyumi”, “shajara”, “zanjir”, “qora quti”... kabi usullarni tadbiq etish asosida o`quvchilarda darsga bo`lgan qiziqishning ortishi, bilim darajasini ko`tarilishi kuzatildi.