Тадбиркорлик асослари

Ўзбекистон савдо-саноат палатаси
31 
ТАДБИРКОРЛИК АСОСЛАРИГА ЎҚИТИШ БЎЙИЧА ҚЎЛЛАНМА 
 
3-БОБ. 
ЭНГ ЯХШИ БИЗНЕС ҒОЯНИ ИЗЛАШ. 
ТАДБИРКОРЛИК ФАОЛИЯТИНИ БОШЛАШ 
ИМКОНИЯТЛАРИНИ АНИҚЛАШ ВА ТАҲЛИЛ ҚИЛИШ
 
 
 
3.1. Ишни ғоядан бошланг 
3.2. Бизнес ғоянгиз - бизнесингизнинг асоси 
3.3. Бизнес ғояларни излаш ва танлаш манбалари 
 
3.1. Ишни ғоядан бошланг 
Ҳар бир ишнинг асосида ғоя ётади. Яхши тадбиркорлик ғояси 
муваффақиятли бизнес тузиш ва кейинги рақобатбардошликда жуда 
муҳим ҳисобланади. Яхши ғояларни излаш-тадбиркорнинг орзулари ва 
ижодий салоҳиятини реал гуллаб- яшнайдиган бизнесга татбиқ этиш 
йўлидаги дастлабки қадам.
Тадбиркорлик ғоясининг кўплаб потенциал манбалари мавжуд. 
Бунга миллионлаб тадбиркорлар ва уларнинг гуллаб яшнаётган 
компаниялари мисол бўла олади. Масалан:
Шахсий қизиқишлар – яъни бўш вақтингизда сиз шуғулланишни 
ёқтирадиган нарсалар. Кўплаб тадбиркорлар ўзининг севимли иши 
билан шуғулланишни ва бундан пул топишни ёқтирадилар. Масалан, сиз 
компьютерларни 
таъмирлашни 
ёқтирасиз, 
дўстларингизга 
компьютерлар билан боғлиқ муаммоларда ёрдам берасиз. Сиз техник 
таъмирлаш хизматини кўрсатиш бўйича фирма ташкил этишингиз 
мумкин.
Шахсий кўникма ва тажриба – бизнес ғояларининг жуда кўп 
қисми иш жойида тажриба тўплаш ёки ўқув юртида ўқиш жараёнида 
яратилган. Масалан, маиший хизмат кўрсатиш ва сервис касб-ҳунар 
коллежини тамомлагач, маиший хизмат кўрсатиш бўйича фирма тузиш 

---

Ўзбекистон савдо-саноат палатаси
32 
ТАДБИРКОРЛИК АСОСЛАРИГА ЎҚИТИШ БЎЙИЧА ҚЎЛЛАНМА 
мумкин. Бўлажак авточилангар етарли даражада тажриба тўплаб 
хусусий автосервис очиш мумкин.