Talabalar ligasi 7-tur o'yini savollar paketi

Talabalar ligasi 7-tur o'yini savollar paketi.

mad_max93June 06, 2022
Assalomu alaykum hurmatli jamoalar. Bugun 3-iyun sanasida sizni talabalar ligasi o'yinlari doirasida 24 savol kutib turmoqda. Bugungi savollarni tayyorlashda Azim Mirzaboyev, Farrux Yoqubjonov, Zuhriddin Ochilov Abdulvohid Abdullayev, Erkin Shonazarov, Muhammad Ali Valixonov va Ravshan Baxronov ishtirok etishgan.
Jamoalarga eslatma. Boshlovchi savol tartib raqamini e’lon qilganidan so‘ng aytilgan yoki aytilmagan barcha jumlalar bevosita savolga aloqador. Boshlovchi tomonidan aytilgan jumlalar savolga aloqasi bo‘lmasa bu haqida alohida ta’kidlab o‘tiladi. Savollar izohlarini diqqat qilib tinglashni unutmang.
Shuningdek aniq qilib yozib bering, 2 so‘z yoki 1 so‘zdan iborat javob degan holatlarga diqqat qiling. Savol formasiga mos kelmaydigan javob noto‘g‘ri hisoblanadi. Savol formasida bir harfdan boshlanuvchi, juft undoshlar bilan boshlanuvchi, alifboda ketma-ket keluvchi harflar bilan boshlanuvchi so‘zlar so‘ralganda va shu kabi boshqa holatlarda O‘ZBEK TILINING LOTIN ALIFBOSI nazarda tutiladi.
Demak hamma tayyor bo‘lsa,
1-tur
1.Tarqatma material:
“ – Ha, tishing toʻkilgur, shumtuyoq, kasofat! – deya Oʻtagan buva bisotidagi [TUSHIRIB QOLDIRILDI] qargʻishlarni ipga tizilgan marjondek birma-bir qalashtirib tashladi”
[Oʻylaymizki bugungi savollarni hech qayerda ESHITMAGANSIZ va KOʻRMAGANSIZ.]
Qarshingizda Gʻafur Shermuhammadning “Barakasini bersin” hikoyasidan parcha. Biz tarqatma materialda ikki soʻzni tushurib qoldirdik.
Savol: ikki soʻzni bir xil harf bilan boshlanuvchi so‘zlar bilan yozib bering.
Javob: Tesha tegmagan.
Qabul: Aniq javob.
Izoh: Odatda “Tesha tegmagan” iborasi hech kim koʻrmagan va eshitmagan yangiliklar va soʻzlarga nisbatan ishlatilinadi. Bugun bizning navbatchilik jamoasi ham sizlarga oʻzining “tesha tegmagan” savollarimi taqdim etadi.
2. “Bandy” (“Toʻpli xokkey”) boʻyicha 2016-yil Ulyanovskda boʻlib oʻtgan jahon chempionatiga talisman tanlash jarayonida, shahar aholisi talisman uchun IKSdan boshqa narsa mos kelmasligini ta’kidlashadi. Abdurayim Abduvahobovning eslashicha, Ergash Karimov uni boshqalardan farqli ravishda IKS deb chaqirgan ekan.