Таълим жараёнида инновацион технологиялардан фойдаланиш абдиева. Д.Қ. ҚМии катта ўқитувчиси

Биринчи блок – таълимда янгини ажратиш. Бунга таълим тизимида янги, янгиликнинг таснифи, янгини ажратиш шарт-шароити, янгиликнинг меъёрлари, уни ўзлаштириш ва фойдаланишга тайёрлиги, анъана ва билармонлик, янгиликни яратишлар киради.
Иккинчи блок – янгини идрок қилиш, ўзлаштириш ва баҳолаш. Бунга таълимий ҳамжамиятлик, янгини баҳолаш ва уни ўзлаштириш жараёнларининг турлилиги, педагогик ишбилармонлик, инновацион муҳит, педагогик жамиятларнинг янгини идрок этиш баҳолашга тайёрлиги киради.
Учинчи блок – янгидан фойдаланиш ва уни жорий этиш. Бунга янгини тадбиқ этиш, фойдаланиш ва кенг жорий этиш қонуниятлари ва турлари киради. Инновация жараёни, таркибий тузилмалар ва қонуниятларни қамраб олган тизимдан иборатдир.
Инновацион таълим жараёнининг муҳим томони шахснинг ўз-ўзини бошқариши ва ўзини-ўзи сафарбар қила олиши ҳисобланади. Унинг энг муҳим йўналишларидан бири талабаларнинг билиш фаолиятини ривожлантириш ҳисобланади.
Бундай йўналиш талабаларнинг ўқув ишларини фаоллаштириш, уларнинг касбий ихтисослашишини аниқлаб олиш фаоллигини ўз ичига олади.
Асосий мақсад – таълим, фан ва ишлаб чиқаришнинг интеграциялашуви, уларнинг ўзаро алоқаларида янги тамойилларга ўтиш ҳисобланади.
Ўқитувчининг инновацион фаолиятига яратувчанлик жараёни ва ижодий фаолият натижаси киради. Юксак профессионализмга эришишнинг омиллари эса қуйидагилар: истеъдод, уқувлилик, қобилият, оила тарбияси шароити, ўқув юрти, ўзининг ҳатти-ҳаракати. Инновацион фаолиятда энг асосий вазифани бажарувчи – ўқитувчи шахсидир.
Ўқитувчининг инновацион фаолиятини самарали амалга ошириш бир қатор шарт-шароитларга боғлиқ. Унга ўқитувчининг тайинли мулоқоти қарама-қарши фикрларга нисбатан беғараз муносабат, турли ҳолатларда рационал вазиятнинг тан олинишини уқтиришга тайёрлиги киради. Бунинг натижасида ўқитувчи ўз билим ва илмий фаолиятини таъминлайдиган кенг қамровли мавзу (мотив) га эга бўлади. Ўқитувчи фаолиятида ўз-ўзини фаоллаштириш, ўз ижодкорлиги, ўз-ўзини билиши ва яратувчилиги мавзу (мотив) лари муҳим аҳамият касб этади. Бу эса ўқитувчи шахсининг креативлигини шакллантириш имкониятини беради. Янгилик киритишнинг муҳим шарти мулоқотнинг янги вазиятини туғдиришдир.
Мулоқотнинг янги вазияти – бу ўқитувчининг ўз мустақиллик мавқеини, дунёга, педагогик фан, ўзига бўлган янги муносабатни ярата олиш қобилиятидир. Ўқитувчи ўз нуқтаи назарларига ўралашиб қолмайди, у педагогик тажрибаларнинг бой шакллари орқали очилиб, мукаммаллашиб боради. Бундай вазиятларда ўқитувчининг фикрлаш усуллари, ақлий маданияти ўзгариб боради, ҳиссий туйғулари ривожланади.
Кейинги шарти – бу ўқитувчининг маданият ва мулоқотга тайёргарлигидир. Ўқитувчининг инновацион фаолияти воқеликни ўзгартиришга унинг муаммолари ва усулларини ечишни аниқлашга қаратилгандир. Ўқитувчи ва талаба ўртасидаги мулоқот намунасининг ўзгариши инновацион фаолият шартларидан биридир. Янги муносабатлар анъаналарда бўлганидек, қистовлар, ҳукмга бўйсуниш кабилардан ҳоли бўлиши лозим. Улар ҳамкорлигининг, ўзаро бошқарилиши, ўзаро ёрдам шаклида кўрилган бўлиши лозим. Улар муносабатларидаги энг муҳим хусусияти бу ўқитувчи ва талабанинг ижоддаги ҳамкорлигидир. Инновацион фаолият қуйидаги шартларни бажаради.
а) касбий фаолиятнинг онгли таҳлили;
б) меъёрларга нисбатан танқидий ёндашув;
в) касбий янгиликларга нисбатан шайлик;
г) дунёга ижодий яратувчанлик муносабатда бўлиш;
д) ўз имкониятларини рўёбга чиқариш, ўз турмуш тарзи
ва интилишларини касбий фаолиятида мужассам қилиш.
Ўқитувчи инновацион фаолиятининг таҳлили янгилик киритишнинг самарадорлигини белгиловчи муайян меъёрлардан фойдаланишни талаб қилади. Бундай меъёрларга – янгилик, мақбуллик, юқори натижалилик, оммавий тажрибаларда инновацияни ижодий қўллаш имкониятлари киради. Янгилик, педагогик янгилик меъёри сифатида, ўзида таклиф қилинадиган янгини, янгилик даражаси моҳиятини акс эттиради.
Ўқитувчи ижодкор, сермаҳсул шахс бўлиши, креативликни, кенг қамровли ва машғулликни ички дунёси бой, педагогик янгиликка ўч бўлиши лозим.
Фойдаланилган адабиётлар рўйхати
1.Азизхўжаева Н.Н. Ўқитувчи мутахассислигига тайёрлаш технологияси– Т.: ТДПУ, 2003.
2.Азизхўжаева Н.Н. Педагогик технология ва педагогик маҳорат. – Т.:ТДПУ, 2003.
3.Ишмуҳамедов Р.Ж. Инновация технологиялари ёрдамида таълим самарадорлигини ошириш йўллари. – Т.: ТДПУ, 2004.
4. Очилов М. Педагогик технологиялар. - Қарши: Насаф, 2000.
5. Розиқов О., Оғаев С., Маҳмудов М., Адизов Б. Таълим технологияси.– Т.: Ўқитувчи, 1999.
6. Сайидаҳмедов Н.С. Педагогик технология: таҳлил, таъриф, мулоҳаза. – Т.: Маърифат, 1998.