Таълим кредити бериш тугрисидаги кредит шартномаси №

5. БАНК ХУҚУҚЛАРИ
5.1. Кредитдан фойдаланганлик учун тўланадиган фоиз тўловлар 30 кундан ортиқ даврда тўланмасдан муддати ўтказиб юборганлик ҳоллари содир этилган ҳолатда кредитнинг қолган қисмини фоиз тўловдан қарз тўлиқ тўлаб берилгунга қадар ажратишни тўхтатиб қўйиш.
5.2. Кредитдан фойдаланганлик учун тўланадиган фоиз тўловлари ўз вақтида қайтарилмай банкка муаммо пайдо қилган ҳолларда, тўлов контрактнинг навбатдаги қисми бўйича ёки ўқишнинг кейинги йиллари учун кредит ҳисобидан тўловларни амалга оширишни тўхтатиш.
5.3. Кредит олувчи томонидан кредит муддатида қайтарилмаган тақдирда қайтарилмаган асосий қарз суммаси бўйича фоиз тўлов даражасини ошириш:
• кредит суммаси муддати ўтган қарздорликка чиқарилгандан сўнг кредит шартномасида кўрсатилган фоиз тўлови даражасидан 1,5 баравар кўп миқдорда ҳисобланиб борилади.
5.4. Кредитнинг асосий қарзи ёки фоиз тўловлар бўйича 90 кундан ортиқ қарздорлик юзага келганда, “Гаров тўғрисида”ги Ўзбекистон Республикаси қонуни ва бошқа меъёрий-ҳуқуқий ҳужжатларга асосан Шерик қаздорнинг, кафилнинг доимий даромадлари ва мол-мулкига, шунингдек гаровга олинган мулк ҳисобидан ундириш бўйича суд тартибида ёки қонунчиликда белгиланган бошқа усуллар муддати ўтган кредит қарздорлигини қайтарилишига қаратади.
5.5. Кредитлаш жараёнида:
• ушбу кредит шартномасига тааллуқли таъминот товар моддий бойликларининг бутлигини текшириш;
• кафил ташкилотнинг молиявий фаолияти бўйича бирламчи бухгалтерлик ҳужжатлари ва ҳисоботларини, кафил жисмоний шахснинг даромадлари етарлилиги, кредит тарихи ва қарз юки кўрсаткичларини ўрганиш.
5.6. Таълим кредитлари кредит шартномасида белгиланган тартибда кредитни таъминлаш объектини тасарруф этиш йўли билан кредит бўйича қарз суммасини ундириб олиш. Агар кредитнинг қайтарилишини таъминлаш сифатида таъминлашнинг бошқа шакллари такдим этилган бўлса, банк белгиланган муддатда қайтарилмаган таълим кредитини улар ҳисобига ўз вактида қайтарилиш чораларини кўриш.
5.7. Кредит ажратилишидан олдин “Кредит олувчи” ва “Шерик қарздор” ва “Кафил”ни мазкур шартнома бўйича муддати ўтган қарздорлик бўйича СМС хабарнома хизматига ва кредитлар авто тўлов тизимига улаш.
5.8. “Банк”, “Кредит олувчи” ва “Шерик қарздор”га ажратилган кредит бўйича муддати ўтган кредит қарздорлиги, график бўйича қарздорлиги, асосий қарз ва унга ҳисобланган барча фоиз тўловлари, шунингдек оширилган фоизи ва муддати ўтган фоизга ҳисобланган пеня қарздорликлари ўз вақтида қайтарилмаган тақдирда, мазкур қарздорликлар ҳамда тўловларни кредит олувчи ва шерик қарздорнинг Ўзбекистон Республикаси ҳудудидаги барча банк муассасаларида ҳар қандай валютада иш ҳақи (пенсия) ва бошқа мақсадлар бўйича очилган пластик карта(лар)сидан ҳамда омонат ҳисобварақларидаги пул маблағларидан акцептсиз автоматик равишда ечиб олади.
Агарда акцептсиз ундириб олиш “Кредит олувчи” ва “Шерик қарздор”га тегишли бўлган хорижий валютада очилган банк пластик карта(лар)си ва омонат ҳисобварақларига нисбатан қўлланилса, банк кредит бўйича барча қарздорликлар ва тўловлар юзасидан зарур маблағларни ечиб олинадиган санада Марказий банкнинг валютани сотиш курси бўйича конвертация қилинган ҳолда акцептсиз тартибда ечиб олади.