Talim V vazirligi berdaq nomidagi qoraqlapoq davlat universiteti

Maqsetlerdiń túrleri

Basqarıw maqsetleri júdá hár qıylı boladı. Bul bolsa olardı belgili formada klassifikaciyalawdı talap etedi.

Maqset túrleri

Ulıwma jámiyet arasındaǵı qat-naslardı sáwlelendiriwine qarap.	• siyasiy maqsetler • ekonomikalıq maqsetler • social maqsetler • ruwxıy—aǵartıwshılıq maqsetleri • xalıq aralıq qatnaslar salasındaǵı maqsetler hám t.b.
Basqarıw basqıshları(dárejeleri)ne qarap.	• Aymaqlıq basqarıw maqsetleri: — mámleket maqsetleri; — wálayat maqsetleri; — rayon maqsetleri; — awıl maqsetleri; — óndirislik maqsetleri; — xalıq xojalıǵı maqsetleri; — taraw (sektor) maqsetleri; — kárxana (firma) maqsetleri; — jeke xızmetker maqseti.
Ámelge asırıw múddetine qarap.	• Kúndelikli (házirgi waqıttaǵı) maqsetler; • keleshektegi(perspektiv) maqset-ler;
Basqarıwdiń júz beriwine qarap.	— úziliksiz maqsetler; — pursatlıq maqsetler; — bir mártelik maqsetler;
Kútiletuǵın nátiyjelerine qarap.	• Keleshektegi maqsetler; • Aralıq maqsetler;
Quramalılıq dárejesine qarap	— ápiwayı, ádettegi maqsetler; — mashqalalı maqsetler; — innovaciyalıq maqsetler.

Bul klassifikaciyalawdan kórinip turǵanınday, maqsetler ózara baylanıslı bolıp, belgili bir ierarxiyaǵa, yaǵnıy joqarı hám tómengi maqsetlerge iye bolıwı, bir maqset bolsa basqa bir maqsetke boysınıwı múmkin.

Kúndelikli (házirgi waqıttaǵı) maqsetler degende bir jıl ishinde, sherek, bir ay dawamında hám onnan da kemirek múddet ishinde ámelge asırılatuǵın maqsetler túsiniledi. Mısalı, kárxana bólimleri aldında bir jıl ishinde tómendegi funkcional hárekettegi maqsetler qoyılǵan bolıwı múmkin.