Таълим вазирлиги бухоро муҳандислик – технология институти

Kolonnali qurilmalarni sinash. 
YAngi va qayta ta`mirlangan kolonnali qurilmalar albatta gidravlik 
sinovdan o`tkaziladi. Sinov bosimi ishchi bosimdan katta bo`ladi va u
qurilmaning pasportida yoki texnologik xaritada ko`rsatilgan bo`ladi. Gidravlik 
sinov o`tkazishdan maqsad, qurilmaning mustahkamligi va ajraluvchan
birikmalarning 
zichlanishini
tekshirishdir. 
Gidravlik
sinov

quyidagicha

o`tkaziladi: kolonna eng tepa qismida joylashgan havo chiqarish shtutseri ochiq 
qoldirilib, kolonna ichiga suv to`ldiriladi. Havo chiqarish shtutseridan suv chiqa
boshlashi, kolonna suvga to`lganidan dalolat beradi. So`ng, ushbu shtutser 
yopiladi va asta - sekin kolonnada bosim oshirib boriladi va sinov bosimiga
etganda to`xtatiladi. Ushbu holatda qurilma 5 minut davomida ushlab turiladi, 
so`ng esa bosim sekin ishchi bosim qiymatigacha tushuriladi. Bir vaqtning o`zida
qurilma tashqi kuzatuvdan o`tkaziladi va payvand choklari massasi 1-1,5kg 
bo`lgan bolg’acha bilan urib chiqiladi.
Kolonnali qurilmalarni gidravlik sinashda uning ichidagi suyuqlikning 
gidrostatik bosimini ham inobatga olish shart. SHuning uchun, gidravlik
sinashdan avval qurilmaning pasporti yoki hisoblash usuli bilan ishchi holatda 
gidravlik sinov o`tkazish mumkinligi ruhsat etiladimi yoki mumkin emasligi
tekshiriladi. Agarda, sinov temperaturasida qurilmaning pastki qismi devoridagi 
yuklama suyuqlik ustuni bosimi va sinov bosimlarning yig’indisi qobiq
metallning oquvchanlik chegarasini 0,8 qiymatidan katta bo`lmasa gidravlik 
sinash mumkin.
Agarda, yuqorida keltirilgan shartlar bajarilmasa, qurilma poydevoriga 
katta yuklama tushish havfi tug’iladi. Bunday hollarda, Davlat texnik nazorat

---

---

agentligi inspektorining ruhsati bilan kolonnani havo yoki birorta inert gaz

yordamida pnevmatik sinovdan o`tkazish mumkin. Pnevmatik sinashda, 
kolonnada suvning bo`lishi texnologik jarayon shartlariga ko`ra ishchi rejimlarda
halokat holatini vujudga keltirishi mumkin bo`lgan hollarda ham foydalanish 
mumkin.Pnekmatik sinash alohida ehtiyotkorlikni talab qiladi. CHunonchi,
pnevmatik sinashdan avval, qurilmada portlash va yongin xavfi bor suyuqlik, gaz 
va bug’lar yo`qligiga to`liq ishonch hosil qilish kerak. Buning uchun, dastavval
qurilma inert gaz yoki suv bug’i bilan puflab tozalanadi. Pnevmatik bosim 
ostidagi qurilmani bolg’acha bilan payvand choklarini urib tekshirish mumkin
emas. Payvand choklarni pnevmatik sinovdan avval, bolg’acha bilan urib ko`rish 
mumkin. Bosim ortishi jarayonida kolonna yaqinida turish man etiladi.Vakuum
ostida ishlaydigan kolonnalar 0,2 MPa sinov bosimda gidravlik sinaladi yoki 0,11 
MPa pnevmatik bosimda tekshiriladi. Bosim ostida ishlaydigan kolonnalar, oddiy
suv to`ldirib gidravlik sinaladi. Payvand choklarini tekshirish uchun uning bir 
tomoniga bo`r suriladi, ikkinchi tomoniga esa kerosin surtiladi. So`ng, 20-40
minut davomida bo`r surtilgan tomonida kerosin dog’lari paydo bo`lishi orqali 
tekshiriladi.

---

---