Tarbiyaviy ishlar rejasi 5-sinflar uchun Tushuntirish xati

O’tiladigan mavzular	Soati
O’tish vaqti
1	Mustaqillik – muqaddas ne'mat.	1
2	Ozodalik - sog’lik garovi	1
3	Tabiat – umumiy uyimiz	1
4	Yo’ l harakati qoidalariga oid bilimlarni tekshirish (Yo’l harakati qoidalari)	1
5	Ustozga ehtirom (1 oktabr – O’qituvchilar va murabbiylar kuni munosabati)	1
6	Tilga e’tibor, elga e’tibor ( Filologiya fanlari oyligi doirasida)	1
7	Til-dil kaliti (O’z.Res. “Davlat tili haqida”gi Qonun qabul qilingan kun munosabati bilan).	1
8	Transport vositalarining harakati. (yo‘l harakati qoidalari)	1
9	Mening kelajak orzuim.	1
10	Til bilgan – el biladi. (Rus tili fani oyligi doirasida).	1
11	Ramziy timsollar (18 noyabr - O‘z.Res. Davlat bayrog‘i qabul qilingan kun munosabati bilan).	1
12	Haydovchining ogohlantiruvchi ishoralari. (yo‘l harakati qoidalari)	1
13	O‘z huquqingizni bilasizmi? (8 dekabr – Konstitutsiya kuni munosabati bilan).	1
14	O‘zbekiston Respublikasi madhiyasi (10 dekabr - O‘z.Res. Davlat madhiyasi qabul qilingan kun munosabati bilan).	1
15	Tartibga soluvchining ishoralari. (yo‘l harakati qoidalari)	1
16	Assalom yangi yil! (Yangi yil bayrami yaqinlashishi munosabati bilan).	1
17	Ona yurtim - oltin beshigim! (14 yanvar – Vatan himoyachilari kuni munosabati bilan).	1
18	Tarixni bilish – o‘zlikni anglash (Tarix fani oyligi doirasida).	1
19	Haydovchining mehnati (yo‘l harakati qoidalari)	1
20	G‘azal mulkining sultoni. Madaniyat va jamoat arbobi (Navoiy va Bobur tavallud kunlari oldidan).	2
21	Qalbda shoir bo‘lmagan odam matematik bo‘la olmaydi (matematika, informatika fanlari oyligi doirasida).	1
22	Oilada tejamkorlik	1
23	Har doim bo‘lsin onam! (8 mart – Xotin-qizlar kuni munosabati bilan).	1
24	Tabiat va inson (kimyo, biologiya fanlari oyligi doirasida).	1
25	Milliy urf-odatlarimiz va an'analarimiz (21 mart – Navro‘z bayrami munosabati bilan).	1
26	Sohibqiron Amir Temur (Amir Temur tavalludining 676 yilligi munosabati bilan).	1
27	Eng baxtli odam kim? (Tasviriy san'at, musiqa, mehnat fan oyliklari doirasida).	1
28	Maxsus avtomobil va mototsikllar haqida suhbat (yo‘l harakati qoidalari)	1
29	Yurt tinch- ko‘ngil tinch (Xotira va qadrlash kuni oldidan).	1
30	Birinchi tibbiy yordam ko‘rsatish. (yo‘l harakati qoidalari)	1
31	Ko‘p til o‘rganishning foydasi (Xorijiy tillar fanlari oyligi doirasida).	1
32	Buyuruvchi belgilar. (yo‘l harakati qoidalari)	1
33	Yozda qanday dam olamiz?	1
	Jami:	34 soat

1-mavzu: Mustaqillik- muqaddas ne’mat
Kun shiori:
Ozod bo’lsang, ozod bo’l!
Erkin bo’lsang, erkin bo’l!
Mustaqil bo’lsang, mustaqil bo’l!
Islom Karimov
Maqsad: O’quvchilarga mustaqillik o’zbek xalqi uchun eng ulug’ ne’mat ekanligini, mustaqillik so’zining ma’nosini ilmiy va xalqona tarzda tushuntirish, qadimgi ajdodlarimiz va ota-bobolarimizning mustaqillik uchun olib borgan kurashlarini ongiga singdirish.
Natija: O’quvchilarning erkin fikrlashi, tassurotlari va olgan xulosasi.
Foydalanadigan ko’rgazmali qurollar: O’zbekiston Respublikasi Prezidenti Islom Karimovning: “Yuksak ma’naviyat-yengilmas kuch”, “O’zbekiston mustaqillikka erishish ostonasida” kitoblari, Mustaqillikni ifodalovchi rasmlar, “O’zbеkiston –kеlajagi buyuk davlat”, “Mustaqillik –bu avvalo huquqdir”, “Yangi uy qurmasdan turib, eskisini buzmang”, “Islohot – islohot uchun emas, avvalo inson uchun”, “O’zbеk xalqi hеch qachon hеch kimga qaram bo’lmaydi”, “Bizdan ozod va obod Vatan qolsin” kabi mashhur iboralar, shiorlar, plakatlar, devoriy gazetalar, slaydlar.
Doskada: “Mustaqillik biz uchun - davlatchiligimizni mustahkamlash, buyuk kelajagimizning poydevorini qurish,milliy ongimiz va faxrimizni yuksaltirish, jahon hamjamiyatida munosib o’rnimizni egallashdir.”
Islom Karimov
Mashg’ulot: “Vatanni madh etuvchi” she’r bilan boshlanadi. Shoir aytganidek,
Ey Vatanim, osmon bo’lsang,
Men bir yulduz erurman.
Yoki ulkan ummon bo’lsang,
Men bir tomchi suvdirman.
Quyosh bo’lsang bir zarrangman
Daraxt bo’lsang bir mevang
Ona bo’lsang men bolangman,
Bajargum sen ne desang.
O’qituvchi:

• 
  Prezidentimiz Islom Karimov ta’kidlaganidek: “O’zbekiston- mustaqil davlat. Bu o’z taqdiri va istiqbolini o’zi hal qilishdir, bu millatni ma’naviy, axloqiy, ma’rifiy inqirozdan qutqarishdir: bu o’z yeriga, o’z yer osti boyliklariga egalik qilishdir, bu tenglararo teng bo’lish, keng dunyoga dallollar va vositachilarsiz chiqish, xalqaro munosabatlar o’rnatish, millatlar hamdo’stligiga qo’shilishdir:
  
• 
  O’zbekiston mustaqilligining asoslari, qoidalari, shartlari va talablari 1991-yil 31-avgustda qabul qilingan.
  
• 
  “Davlat mustaqilligi haqida” gi qonunda ifoda qilingan. Prezidentimiz Islom Karimovning bu so’zlarida mustaqil davlat bo’lish bizga, yurtimizga, Vatanimizga, xalqimizga inom etgan boyliklar, qulayliklar, huquqlar, imkoniyatlar nechog’lik salmoqli, mazmunli ekanini va bizning xalq, millat, davlat, hudud sifatida ko’tarilishimiz, xalqaro miqyosga chiqishimiz, ajdodlarimizning ulug’ligini munosib ravishda davom ettirish uchun o’zimizning bor imkoniyatlarimizni sarflashimiz kerak. Ongimizdagi sho’ro tuzumi qoldirgan sarqitlarni umuman yo’q qilishimiz kerak, shunda haqiqiy mustaqillikka katta hissa qo’shamiz.
  

O’quvchilarga “Aqliy hujum” usuli qo’llaniladi.
Bunda har bir oquvchi o’zining mustaqil fikri bilan o’rtoqlashadi.
Savol: “Mustaqillik biz uchun…” so’zini izohlash.
O’qituvchi eng ta’sirchan va mazmunli fikrlarni bildirgan o’quvchilarni rag’batlantirib boradi.

Izoh:(Har yili mustaqilligimizning necha yilligi va qanday shior bilan atalganligiga ham bog’lab o’tiladi. Masalan, 2013 yil mustaqilligimizning 22 yilligi, “Qadr-qimmatim, tayanchim va iftixorimsan, mustaqil O’zbekiston!”) O’qituvchi jarayonni kuzatishda samimiylikka, o’quvchilarning o’zlarini odob-axloq me’yorlariga e’tiborli bo’lishlikka, faollikka va jonkuyarlikka undab boradi.

2-mavzu: Ozodalik - sog`lik garovi

• 
  Kun shiori: “Sog`liq – oltindan qimmat”
  

Vil’yam Shekpir
Maqsad: O`quvchilarga sog`liq, ozodalik inson uchun eng ulug` ne’mat ekanligini, ozodalikka e’tiborni kuchaytirish, ajdodlarimiz va ota-bobolarimizning pandu nasihatlarini ongiga singdirish.
Natija: O`quvchilarning erkin fikrlashi, tassurotlari va olgan xulosasi.
Foydalanadigan ko`rgazmali qurollar: O`zbekiston Respublikasi Prezidenti Islom Karimovning: “Yuksak ma`naviyat-yengilmas kuch”, “O`zbekiston mustaqillikka erishish ostonasida” kitoblari,Sog`lom avlod-bizning kelajagimiz, shiorlar, plakatlar, devoriy gazetalar, slaydlar.
Doskada: “Sog`lom avlod deganda, shaxsan men, eng avvalo, sog`lom naslni, nafaqat jismonan baquvvat, shu bilan birga, ruhi, fikri sog`lom, imon – e’tiqodi butun, bilimli, ma’naviyati yuksak, mard va jasur, vatanparvar avlodni tushunaman. Buyuk davlatni faqat sog`lom millat, sog`lom avlodgina qura oladi”.
Islom Karimov

O`qituvchi: Oilaning sog`lomligini undagi muhit, ota-onaning totuvligi, bir-birini tushunishi, qo`llab-quvvatlashi, o`zaro izzat-hurmati belgilaydi.

Atrof – muhitdagi turli omillarning (havo, tuproq , iqlim) va ishlab chiqarish faoliyatining kishi sog`lig`iga ta’siri hamda aholining hayot va mehnat sharoitlariga bo`lgan talabini ilmiy – amaliy jihatdan o`rganadi va zarur tibbiy choralarni ishlab chiqadi. Zero, atrof – muhit sog`lom bo`lmasa, insonlarning salomat yashashlari mumkin emas. Odam organizmi bilan tashqi muhit o`rtasidagi muvozanatning buzilishi aksariyat xastaliklarga sabab bo`ladi.