Xulosa qilsak, xristianlik o`ziga xos diniy tashkilot edi. Xristianlarning o`z ichki tartiblari bo`lgan. Joylardagi xristian jamoalariga yepiskop-nozir rahbarlik qilgan. Yepiskop saylab qo`yilgan va u diniy ishlarga rahbarlik qilgan. Har bir viloyat va shaharning o`z yepiskopi bo`lgan. Yepiskoplar bir-birlari bilan aloqa qilib turganlar. Xristianlarning minglab jamoalarini birlashtirib turgan o`z tashkiloti ham bo`lgan. U xristianlar cherkovi deb atalgan. U butun saltanat aholisi o`rtasida g`oyat katta nufuzga ega bo`lgan. Barcha yepiskoplar unga itoat etganlar. Hozir ham Yevropa, Amerika aholisining katta qismi, osiyoliklarning bir qismi xristian diniga e'tiqod qiladilar.
Savol va topshiriqlar.
1. Qadimgi Rimda ilmiy bilimlar sohasidagi yutuqlarni ko’rsatib bering.
2. Qadimgi Rim san'atining qaysi turlari rivojlangan?
3. Qadimgi diniy e'tiqodlar to’g’risida gapirib bering.
4. Rimda xristianlikning tarqalishi omillarini sanab bering.
II. Seminar mashg’ulotlari
1-seminar mashg’uloti
Mavzu: Qadimgi Yunoniston tarixi
Reja:
1 . Yunonistonning geografik o’rni, tabiiy sharoitlari.
2. Qadimgi Yunonistonning tarixiy davrlari.
3. Qadimgi Yunoniston manbalari va tarixshunosligi.
4. Krit-Miken davrida Yunoniston.
5. Mil.avv. XI-IX asrlarda Yunoniston.
Maqsadi: Yunonistonning geografik o’rni, tabiiy sharoitlari, aholisi, tarixiy davrlari, manbalari va tarixshunosligi, Krit-Miken jamiyati va doriylar istilosidan keyingi davr tarixi to’g’risidagi bilimlarni mustahkamlash.
Asosiy adabiyotlar
1. Jahon tarixi (Qadimgi Sharq, Qadimgi Yunoniston va Rim tarixi). O’quv qo’llanma. T.: “NAVROZ”, 2018. –304 b
2. Rajabov R. Qadimgi dunyo tarixi. –T., 2009.
3. Qadimgi dunyo tarixi. Yu.S. Krushkol tahriri ostida. 2-jild. –T., 1975.
4. Суриков И.Е. Древняя Греция: история и культура. –М., 2005
5. Трухина Н.Н., Смышляев A.Л. Хрестоматия по истории Древней Греции для средней школы. –М., 2000.
Do'stlaringiz bilan baham: |
