Таркибида терпеноидлар бўлган доривор ўсимликлар ва маҳсулотлар

Kimyoviy tarkibi. qubba tarkibida 0,5-2 % efir moyi, 40% qand, 9,5 % gacha 
smola va moddalar bo’ladi. 
XI DF ga ko’ra qubba tarkibidagi efir moyi 0,5 % dan kam bo’lmasligi kerak. 
Efir moyi tarkibida pinen, kamfen, sabinen, borneol, kadinen va boshqa terpenlar 
uchraydi. 
CH
3
Borneol
OH
Kamfеn
Ishlatilishi. Qubba mevasi siydik haydovchi, siydik yo’llarini dezinfeksiya 
qiluvchi, balg’am ko’chiruvchi hamda ovqat hazm qiluvchi dori sifatida ishlatiladi. 
Efir moyining spirtdagi eritmasi va surtmasi bod kasalliklarida teriga surtiladi. 
qubba oziq-ovqat sanoatida ham ishlatiladi. 
Dorivor preparatlari. Damlama, efir moyining spirtdagi eritmasi va 
surtmasi. Qubba siydik haydovchi choy-yig’malar tarkibiga kiradi. 
Valeriana ildizpoyasi bilan ildizi - Rhizomata cum radicibus Valerianae 
O’simlikning nomi. Dorivor valeriana (kadi o’t ) - Valeriana officinalis L. 
Oilasi. Valerianadoshlar - Valerianaceae. 
Valeriana ko’p yillik, bo’yi 2 m ga yetadigan o’t o’simlik. Ildizpoyasi qisqa 
va ko’pgina mayda ildizchalar bilan qoplangai bo’lib, yer ostida tik joylashgan. 
Ildizpoyadan birinchi yili ildizoldi to’pbarglar, ikkinchi yildan boshlab poya o’sib 
chiqadi. Poyasi tik o’suvchi, silindrsimon, mayda qirrali, shoxlanmagan (ba’zan 
yuqori qismi shoxlangan), ichi kovak, yuqori qismi tuksiz, pastki qismi esa tuklar 
bilan qoplangan. Bargi oddiy, toq patli ajralgan, 4-11 juft segmentlar 
(bo’lakchalardan) iborat. Ildizoldi barglari uzun bandli, poyadagi barglar bandi esa 

---

24 
payaning yuqori qismiga yetgan sari qisqara boradi. Barglari poyada qarama-qarshi 
joylashgan. Gullari mayda, hidli, poya uchida qalqonsimon yirik ro’vakka 
to’plangan. Kosacha barglari gul ichiga qarab qayrilgani sababli aniq bilinmaydi. 
Gultojisi voronkasimon, besh bo’lakli, uchi ichkariga qayrilgan, oq yoki pushti 
rangli, otaligi 3 ta, onalik tuguni 3 xonali, pastga joylashgan. Mevasi – cho’ziq 
tuxumsimon och qo’ng’ir pista. 
May oyining oxiridan boshlab avgust oyigacha gullaydi.