“тасдиқлайман” фвпкқтмои ректори б. Л

«Иқтисодий билимлар асослари» предметининг мактаб ўқув 
режасидаги ўрни. 
«Иқтисодий билимлар асослари» предмети мактабда ўқитиладиган 
барча фанларни иқтисодий билимлар билан умумий комплексда 
интеграциялашга таянади. Иқтисодий тафаккур жуғърофия, тарих, 
информатика, математика ва бошқа умумтаълим фанлари аосида ҳам 
шаклланади. Мактаб ўқув фанлари дастурларига айрим иқтисодий 
тушунчаларнинг киритилиши, бозор иқтисодиёти шароитида ўқувчиларнинг 

---

ҳаётга ва меҳнатга тайёрлашга ҳамда иқтисодий фанларни ўрганиш 
жараёнини чуқурлаштиришга ёрдам беради.
Хусусан бунда, масалан, математика предмети таркибида иқисодий 
тушунчаларнинг киритилиши мақсадга мувофиқ бўлади; эҳтиёжлар, 
ресурслар, айирбошлаш, товар, пул, чиқим, даромад, фойда, зарар, 
унумдорлик ва хосилдорлик, валюта айирбошлаш, доромад ва исътемол 
функцияси, ишлаб чиқаришнинг мувозанат ҳажми, талаб ва таклиф, 
мувозанат нарх, солиқлар, нарх монополлашган бозор, аммортизатция, банк, 
кредит ва ҳоказо. 
Бу тушунчаларни турли иқтисодий характердаги масалалар ва 
мисоллар таркибида бериб бориш мақсадга мувофиқ бўлади. 
Тарих ва бошқа ижтимоий фанлар орқали қуйидаги иқтисодий 
тушунчалар киритилса бўлади: асосий моддий эҳтиёжлар, иқтисодий 
муносабатлар, таклиф қонуни, меҳнат тақсимоти, мулк шакллари, корхона 
турларининг кўп қирралилиги, иқтисодий давр, иқтисодий тизимлар, 
иқтисодиётнинг давлат томонидан бошқарилиши, бозор иқтисодиёти, 
иқтисодий интеграция, иқтисодий маданият ва ҳакозо. 
«Жоғърофия» предмети қуйидаги иқтисодий масалаларни ёритувчи 
мазмуний йўналишларни очиб беради: жоғърофик меҳнат тақсимоти, 
иқтисодиётнинг худудий жойлашуви ва ривожланиши, хўжаликнинг хозирги 
замон тузилмасини шакллантириш, ижтимоий-иқтисодий объектлар, 
хўжалик юритиш фаолиятининг асосий турлари ва уларнинг жоғърофик 
турланишлари, хозирги замон хўжалик юритиш маданияти.