Тасдиқлайман” Шароф Рашидов номидаги Самарқанд давлат университети Илмий ишлар ва инновациялар

Тадқиқотнинг республика фан ва технологиялари ривожланиши нинг устувор йўналишларига мослиги. Диссертация тадқиқоти республика фан ва технологиялар ривожланишининг I.«Демократик ва ҳуқуқий жамиятни маънавий-ахлоқий ва маданий ривожлантириш, инновацион иқтисодиётни шакллантириш» устувор йўналишига мувофиқ бажарилган.
Тадқиқотнинг мақсади экологик туризмни ривожлантиришнинг ташкилий-иқтисодий жиҳатларини такомиллаштириш билан боғлиқ илмий ва амалий таклиф ҳамда тавсиялар ишлаб чиқишдан иборат.
Тадқиқотнинг вазифалари:
экологик туризм захираларидан оқилона фойдаланишнинг назарий асослари ва тамойилларининг назарий ва методологик асосларини тадқиқ этиш орқали муаллифлик ёндашувини шакллантириш;
мамлакатимиз ҳудудларида экологик туризм захираларидан оқилона фойдаланиш муаммоларини аниқлаш;
экологик туризмни ривожлантириш мақсадида муҳофаза қилинадиган ҳудудларни бошқариш усулларини такомиллаштириш;
туризм соҳасини барқарор ривожлантиришда ҳудудларда экологик туризмни ривожлантириш имкониятларини тадқиқ этиш;
экотуризм дестинациялар самарадорлигини баҳолаш усулларини такомиллаштириш;
экотуризмни ривожлантириш устуворлиги бўйича ҳудудларининг фаолият самарадорлигини баҳолашнинг услубий ёндашувини тадқиқ этиш;
Бухоро вилоятида экологик туризмни ривожлантириш имкониятларининг таҳлилини асослаш;
инновацион усуллардан фойдаланиш орқали экологик туризмни самарали ривожлантиришга доир илмий-амалий таклифлар ишлаб чиқиш;
ҳудудларда экотуризмни ривожлантиришнинг ижтимоий самарадорлигини баҳолашга услубий ёндашувни такомиллаштириш;
экологик туризмни ҳудудий ривожлантиришнинг истиқбол параметрларини ишлаб чиқиш.
Тадқиқотнинг объекти мамлакатимиз ҳудудларининг туризм соҳаси ва унинг экотуризм йўналиши билан боғлиқ туристик корхоналар фаолиятидир.
Тадқиқотнинг предмети экологик туризмни ривожлантиришнинг ташкилий-иқтисодий жиҳатларини такомиллаштириш жараёнидаги иқтисодий муносабатлар ҳисобланади.