Тасдиқлайман” “Тошкент ИҚМ” филиали бошлиғи

“ТАСДИҚЛАЙМАН” “Тошкент ИҚМ” филиали бошлиғи ________ Б.К.Эшчанов

Электрда пўлат эритиш цехида юз берган окибати огир бахтсиз ҳодиса тўғрисида
БАЁННОМАСИ №-


09.02.2023й. Тошкент.ш.


Раислик қилувчи: - Б.К.Эшчанов “Тошкент ИҚМ” филиали бошлиғи


Қатнашдилар: - “Тошкент ИҚМ” филиали бош муҳандиси, ММ ва ТҲ муҳандиси, СХ
муҳандиси участка усталари, тайёрлов бўлими муҳандислари ва филиал
ходимлари.
КУН ТАРТИБИ:

“2022-йил 14-декабр куни ЭПЭЦнинг узлуксиз куйиш машинаси (иссиқ ишларда

банд бўлган газда кесиш) оператори Жумаев Джахонгир Бобожонович билан оқибати огир
бахтсиз ходиса юз берган.

Кун тартиби масала юзасидан филиал бошлиғи Б.К.Эшчанов сўзга чиқиб 2022-йил 14-декабрь куни соат 7:40 даги смена учрашув йиғилишида Электрда пўлат эритиш цехининг катта устаси Д. Расулов, куйиш оралиги смена устаси А.Шукуралиевлар 3-сонли бригада ишчиларига смена топшириқларини бўлиб беришган, шу жумладан печь ишламаётганлиги учун тановарларни узлуксиз куйиш машинасининг бригадири А.Турсунбаев, операторлар А.Рустамов И.Камолов, Б.Шодматов, М.Расуловларга ТУКМни ролганглари орасига ўрнатилган ҳимоя панжараларини ҳар-ҳил ишлаб чиқариш шлакларидан тозалашга топшириқ берилган ва бу ишларни техника хавфсизлиги талабларига риоя килган ҳолда бажариш таъкидланган. Шундан кейин улар соат 8:00да ушбу топшириқни бажариш учун смена кабул килиб олиб тушликгача 3-сонли ТУҚМнинг ролганглари орасидаги химоя панжарасини тозалашган. Тушликдан сўнг смена устаси А.Шукуралиев операторлар 3-сонли ТУКМ нинг ролганглари орасидаги ҳимоя панжарасини тозалаш ишларини бажарилишини назорат қилгандан сўнг 1-сонли ТУҚМнинг 7 тоннали тортувчи клетни алмаштириш учун кетган.

Дж. Жумаев 1- ва 2-ролганг оралиғидаги панжарани тозалашни, 3- ва 4- ролганг оралиғидаги панжараларни А.Рустамов тозалашни, 5- ва 6- ролганг оралиғидаги панжараларни М.Расулов тозалашни бошлашган. Дж. Жумаев ўзи босиб турган 1 ва 2 ролган оралиғидаги панжарани тозалаб бўлган. Шундан сўнг у ўзи босиб турган панжарани ўз жойидан чикиб кетиб ролгангларнинг устунига сал илиниб турганлигини
кўрган ва 2-3 ролганглар орасидаги панжарани темир лом ёрдамида тозалашни давом
эттирган. Дж. Жумаев панжаранинг четини босган вактида ҳимоя панжараси тахминан 4,5
метр пастликка тушиб кетган. Шу пайт Дж. Жумаев мувозанатини йўқотиб панжара пастига тушиб кетаётганида ўнг кўли билан транспорт ролгангини кучоклаб олиб панжара
пастга тушгандан сўнг у ҳам пастга йиқилиб оёғи билан бетонга тушган. Ушбу ҳолатни
кўрган атрофдагилар Дж. Жумаевга биринчи тиббий ёрдам кўрсатиб тез тиббий ёрдам машинасида Бекобод шахар "Металлург" номли шифохонага олиб боришган.
Шифокорлар Дж.Жумаевни 4,5 метр баландликдан йиқилиши натижасида куйидаги ташҳисли жароҳат олганлигини маълум қилган:
Чап оёк товон суягининг кирравий, ошик суягининг парчаланиб ва кубсимон суягининг ёпик синишлари.
Бахтсиз ҳодиса сабаблари:
1. ТУКМ оператори Дж. Жумаев мувозанатини йўқотиб 4,5 м чуқурликка тушиб
кетганлиги.
2. ТУҚМ оператори Дж. Жумаев ролганглар орасидаги ҳимоя панжарасининг ўз жойидан силжиб кетганлигини кўриб, иш жараёнида ҳаёти ва соғлигига бевосита хавф туғдирувчи вазият тўғрисида смена устасига хабар бермаганлиги.
3. Электрда пўлат эритиш цехи смена устаси томонидан кўл остидаги ходимлар ишларни бажараётганда назоратни сусайтирганлиги.
Комиссиянинг меҳнат қонунчилиги ва меҳнатни муҳофаза қилиш қоидалари
ва меъёрлари бузилишига йўл қўйган шахслар тўғрисидаги хулосасига асосан:
1. Жумаев Джахонгир Бобожонович, ЭПЭЦ ТУҚМ оператори, ролганглар орасидаги ҳимоя панжараси ўз жойидан силжиганлигини, сал илиниб турганлигини кўриб панжарани ўз жойига жойлаштириш чорасини кўрмаган ва бу билан у қуйидаги йўриқнома:
Электрда пўлат эритиш цехининг узлуксиз “Қуйиш машинаси оператори учун меҳнатни муҳофаза қилиш йўриқномасининг ММЙ 02.09-2021"нинг 33 банди (аниқланган носозликларни бартараф этиш чораларини кўради. Агар носозликларни ўз кучи билан бартараф этишни иложи бўлмаса бу хакида смена устаси (бошлиги)га хабар беради) талабларини бажармаган.
2. Шукуралиев Анвар Сувонкулович, ЭПЭЦ куйиш оралиги смена устаси, ЭПЭЦ
ТУҚМ оператори Жумаев Джахонгир Бобожоновични меҳнатни муҳофаза қилиш бўйича
йўриқномаларга риоя килиб ишлашини назорат қилишини сусайтирган, бу билан у "Иссиқ
участка ишларида банд бўлган қуйиш оралиги смена устаси" лавозим йўриқномаси LY-2-
70/01-24 нинг 2.2 банди (Кўл остидаги ходимларни хаёти соглиги устиворлигини таъминлаш, меҳнатни муҳофаза қилиш соҳасидаги давлат дастурларини амалга ошириш,
мехнатни муҳофаза қилиш соҳасидаги талабларни белгилаш, меҳнатни муҳофаза қилишга оид талабларга риоя этилиши устидан назорат ва текширувларни амалга ошириш) талабларини бажаришда сусткашликка йўл қўйган.

Юқорида баён қилинганларга асосан йиғили, қарор қилади

1. 
   “Ўзметкомбинат” АЖ 2023й. 02.02 №158-сонли буйруғи ижро учун қабул қилинсин.
   
2. 
   “Тошкент ИҚМ” филиалидаги Ангрен, Чирчиқ, Янгийўл, Сергели, РМЦ, ЭУ, Кислород, АТ участкаларидаги катта усталарга:
   

• 
  Мазкур буйруқни участка катта усталари кўл остидаги ходимлар билан мухокама қилиб, меҳнат муҳофазаси бўйича юритиладиган шахсий дафтарчаларига кайд килинсин, ва “Тошкент ИҚМ” филиалларининг барча участка ва цех ишчи ходимларини меҳнатни мухофаза қилиш ва техника хавфсизлик талабларига риоя этилиши устидан назорат кучайтирилсин;
  
• 
  “Тошкент ИҚМ” филиалида ишчи-ходимла иш бошлашдан олдин техника хавфсизлиги мавзусида тушинтириш ишлари олиб борилсин, иш жараёнида доимо махсус ҳимоя кийим-бошда бўлишини, меҳнат муҳофазаси ва техника хавфсизлик меъёрларига амал қилиб боришларини қаттиқ назорат қилиш юклатилсин;
  

3. 
   “Тошкент ИҚМ” филиалидаги Ангрен, Чирчиқ, Янгийўл, Сергели, РМЦ, ЭУ, Кислород, АТ участкаларидаги катта усталари(мастер):
   

хар-бир ишчи ходим учун жавобган шахс эканлигини инобатга олиб хамда участка худудига киритилган хар бир шахс учун хам жавобгар.
Участка худудига кирган ишчи-ходимлар устидан қаттиқ назорат ишлари олиб боришлари, худудга юк автомашинасида кириб келган металл парчаларини тўкишда уларни қайта ишлаб юклашда қаттиқ назоратга олиниши талаб этилади.

4. 
   Мазкур йиғилиш баён қарорларининг ижросини назорат қилиш филиал СХ муҳандиси А.А.Абдуалиев, ММ ва ТХ муҳандиси К.А.Мўминов зиммасига юклатилсин.
   

“Тошкент ИҚМ”
филиали СХ муҳандиси А.А.Абдуалиев