«тасдиқлайман» Ўзбекистон Республикаси бандлик ва меҳнат муносабатлари вазирлиги ҳузуридаги Меҳнат бозори тадқиқотлари институти

Тадқиқотнинг мақсади Ўзбекистон Республикасида аҳоли даромадлари ва турмуш даражаси механизмини такомиллаштириш бўйича таклиф ва тавсиялар ишлаб чиқишдан иборат.
Тадқиқотнинг вазифалари қуйидагилардан иборат:
аҳоли даромадлари ва турмуш даражасининг ижтимоий иқтисодий мазмунини ёритиб беришга қаратилган ёндашувларни тадқиқ этиш;
аҳоли турмуш даражасини давлат томонидан тартибга солишнинг жаҳон тажрибасини ўрганиш ва умумлаштириш асосида унинг ижобий жиҳатларидан Ўзбекистонда фойдаланиш бўйича таклифлар тайёрлаш;
Ўзбекистонда аҳоли даромадлари ва турмуш даражаси таркибини шаклланиши хусусиятларини тахлил этиш;
мамлакатимизда аҳоли турмуш даражасини давлат томонидан тартибга солишда имтиёзлардан фойдаланиш амалиётини очиб бериш;
Ўзбекистон аҳолиси давромадлари ва турмуш даражасини Пирсон усули асосида таҳлил этиш ва корреляцион боғлиқликларни аниқлаш;
мамлакатимизда инсон капиталининг аҳоли турмуш даражасини оширишдаги ролига баҳо бериш;
аҳоли даромадлари ва турмуш даражасини рағбатлантиришда ижтимоий омиллардан самарали фойдаланиш имкониятларини очиб бериш;
аҳоли даромадлари ва турмуш даражасини оширишда «Вақф»дан фойдаланиш йўналишлари бўйича тавсиялар бериш.
Тадқиқотнинг объекти Ўзбекистонда аҳоли даромадлари ва турмуш даражаси механизми ҳисобланади.
Тадқиқотнинг илмий янгилиги қуйидагилардан иборат:
аҳолини ижтимоий ҳимоя қилиш бўйича ривожланган мамлакатлар тажрибаси ва миллий ривожланиш хусусиятларини инобатга олган ҳолда давлат трансферт дастурлари самарадорлигини ошириш, маблағлар тақсимоти-нинг манзиллилик хусусиятини кучайтиришда аҳолининг ижтимоий жиҳатдан муҳтожлиги чегарасини ишлаб чиқиш ва яшаш минимумининг ижтимоий стандартларини жорий қилиш назарий-услубий жиҳатдан асосланган;
аҳоли реал даромадлари ва инфляциянинг боғлиқлиги, истеъмол товарлари нархининг ўсишига кўра даромадларни индексациялаш орқали номинал даромадларни нархлар ўсишига боғлиқликда ошириб бориши назарий-услубий жиҳатдан асосланган;
аҳоли истеъмол харажатлари ва жамғармаларини ўзгариш тенденциясини аниқлаш даражасини оширишда истеъмолчиларнинг умумий иқтисодий ўзга-ришлар ва молиявий аҳволи бўйича кутишларни сўровномалар орқали аниқ-лашдан статистика тизимида фойдаланишнинг мақсадга мувофиқлиги назарий-услубий жиҳатдан асослаб берилган;
аҳолининг кам таъминланган қатламлари тадбиркорлигини қўллаб-қувват-лаш тизими олинган маблағлар бўйича фоизлар тўламаслик ва ижтимоий ҳимоя самарадорлигини оширишга асосланган ҳолда Вақф ислом молия институти механизмини қўллаш асосида такомиллаштирилган.