Чандиқ тушиб келади.
Чандиқ- Сенми ўша Малика.
Малика- Қизлар қани.
Йигитлар қизларни олиб чиқишади. Малика эса қизларни кўрганидан кейин жамадонни қўлига олиб улар томон боради. Ва қўлидан қўйиб
Малика- Олдимга келишсин. (чунтагидан чақмоқ чиқариб ёқади) акс ҳолда ёниб кетади. Жамадонга бензин сепилган.
Чандиқнинг буйруғи билан , Нилуфар ва Зарина Маликанининг ортига ўтади.
Малика- (қизларга ) Сизлар кетинг.
Қизлар бироз иккиланади.
Малика – кетинг деяпман.
Қизлар кетишади.
Малика сумкасидан бутилкадаги бензинни чиқазиб тўкиб жамадондан узоқлашаверади. Чандиқнинг имоси билан бир йигит сездирмасдан Маликанинг ортига ўтади ва уни ушлаб, қўлидаги чақмоқни олиб отиб юборади.
Чандиқ- Қизалоқ ўзинг кино қаҳрамонлардек хис қилдингми дейман.
Йигитлар иккала қизни ҳам ушлаб келишади.
Чандиқ- Ҳаёт бу кино эмас. Ўзинг айтганингдек шафқатсиз.
(йигитларга) жамадонни текшир.
Йигитлардан бири- ( очиб кўриб) Пуллар қалбаки экан?
Чандиқ ғазабга тўлб, қони қайнаган бир пайтда аксириб юборади. Бу аксиришини сабабини ўзи билган Чандиқ оёғи остига суйкалаётган мушукка кўзи тушиб, ундан қочишга уринади. Ҳамма ҳайрон унга қараб қолади. Чандиқ эса тинимсиз аксирганича ўзини мушукдан олиб қочади.
Бу вазиятдан унумли фойдаланган Ички ишлар ҳодимлари ҳар томондан чиқиб, уларни атрофдан ўраб олишади.
70- ЭПИЗОД
НАТ. ТУН.. ШАХАР ЧЕТИ.
Қизларга биринчи ёрдам кўрсатилаяпти. Орқада эса барча жиноятчиларни қўлга олиб кетишаяпти. Машинада эса Чандиқ алергия тошиб, аксирганича кетиб бораяпти. Ички ишлар ходими ва қизлар Чандиқни кузатганича кулиб туришибди. Шу пайт Ҳолиқ машинада келади ва машинадан жамадонни олиб келиб Маликага узатади.
Ҳолиқ- Кечикмадимми. Машинани роса секин ҳайдар экан. Ундан кўра кўчадан такси тутиб келсам бўларкан.
Малика- Раҳмат , айни вақтида келдингиз.
Ҳолиқ- (атрофни кузатиб) Эй кинолар шунақа олинадими? Ростакамга ўхшар экан плошадкалариз. Оператор билан режисёр қаерда ўтирибди. Мениям олсин киносига.
Do'stlaringiz bilan baham: |
