Tasdiqlandi” O`quv ishlari bo`yicha prorektori

O`quv fani o`qitilishi bo`yicha uslubiy ko`rsatmalar
Hisoblash usullari predmetining o`qitilishidan maqsad talabalarda matematik masalalarni sonli yechish bo`yicha, turli algoritmlarni sifatini va ishlatish imkoniyatlarini tahlil qila bilish, yangi algoritmlarni yarata bilish ko`nikmalarini hosil qilishdan iborat.
Masalalarni yechishda hisoblash usullarini qo`llash davomida quyidagi asosiy bosqichlar ketma-ketligini bajarishga to`g’ri keladi: masalalarning turini aniqlay olish va ma’lum algoritmlarni to`g’ri qo`llay bilish va ma’lum usullarning turg’unligini aniqlay bilish. Dasturlash tillarini qo`llagan holda shaxsiy EHMlarda masalalarni yecha olish. Sonli sisoblash natijalarini malakali ravishda tahlil qila bilish.
Kurs mobaynida funksiyalarni yaqinlashtirish, taqribiy diferensiallash va integrallash,algebraning sonli usullari, oddiy va xususiy hosilali differensial tenglamalarni taqribiy yechish usullari o`rganiladi.
Hisoblash usullari o`quv fanini o`zlashtirish jarayonida amalga oshiriladigan masalalar doirasida bakalavr, xatoliklar va ularni manbaii; chiziqli algebraik tenglamalarni yechishni aniq usullari; chiziqli tenglamalar sistemasini yechishni iteratsion usullari; chiziqsiz tenglamalar va tenglamalar sistemasini yechishni taqribiy usullari; matrisani xos son va xos vektorini topishni taqribiy usullari; integrallarni taqribiy hisoblash formulalarini keltirib chiqarish; oddiy differensial tenglamalarga qo`yiladigan masalalarni sonli yechish usullari; xususiy hosilali differensial tenglamalarni sonli yechish usullari; usul xatoligini baholashni; xatoliklarni hisoblashni; matrisa normalarini hisoblashni; chiziqli tenglamalar sistemasini iteratsiya usuli bilan yechishni; funksiyani yaqinlashtirish usullarini; integrallarni taqribiy hisoblash formulalarini; oddiy differensial tenglamalarga qo`yiladigan masalalarni taqribiy yechish usullari xatoliklari bahosini; xususiy hosilali differensial tenglamalarga qo`yiladigan masalalarni taqribiy yechish usullari xatoliklari bahosini; masalani taqribiy yechish uchun biror dasturlash tilidan foydalanish ko`nikmalariga ega bo`lishi kerak.