Reception 1-toifali mutaxassisi unga yuklatilgan vazifa va funktsiyalarni sifatli va o`z vaqtida bajarilishi bo`yicha O`zbekiston Respublikasining Mehnat kodeksi va amaldagi qonunchiligiga binoan javobgar hisoblanadi;
Reception 1-toifali mutaxassisi o`z faoliyatini amalga oshirish jarayonida O`zbekiston Respublikasining ma'muriy, jinoiy va fuqarolik qonunchiligi doirasida belgilangan qoidabuzarliklar uchun javobgar hisoblanadi;
Reception 1-toifali mutaxassisi ish beruvchiga yetkazilgan zarar uchun O`zbekiston Respublikasining mehnat va fuqarolik qonunchiligi doirasida belgilangan tartibda moddiy javobgar hisoblanadi;
Reception 1-toifali mutaxassisi ko`rib chiqilayotgan hujjatlarning amaldagi qonunchilikka muvofiqligi yuzasidan hamda o`z xizmat majburiyatlarini bajarish natijasida ma'lum bo`lgan ma'lumotlarning maxfiyligini, bank sirini tashkil qiluvchi hujjatlarni lozim darajada saqlanishini ta`minlash va O`zbekiston Respublikasining ”Bank siri to`g`risida”gi qonun talablariga qat'iy amal qilish yuzasidan javobgardir;
Reception 1-toifali mutaxassisi mexnat intizomiga rioya qilishi va bank mulkini
saqlanishi yuzasidan javobgarlikni olib boradi;
Reception 1-toifali mutaxassisi mehnat intizomini buzganligi uchun ish beruvchi unga nisbatan O`zbekiston Respublikasi Mexnat kodeksiga muvofiq intizomiy jazo choralarini qo`llashga haqli.
Reception 1-toifali mutaxassisi o`z xizmat vazifasini bajarish uchun olgan axborotlari yuzasidan sir saqlash xamda O`zbekiston Respublikasining «Bank siri to`g`risida»gi O`zbekiston Respublikasi Qonuni va bank Boshqaruvining 2016 yil 25 apreldagi 69-sonli Bayonnomasi bilan tasdiqlangan va 634-son bilan ro`yxatga olingan “Asakabank”da bank sirining muhofaza qilinishi tartibi to`g`risida Nizom” talablariga qat'iy rioya etish yuzasidan javobgar hisoblanadi.
Reception 1-toifali mutaxassisi O`zbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg`in qurollarini tarqatishni moliyalashtirishga qarshi kurashish to`g`risida”gi Qonuni hamda amaldagi ”Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg`in qurolini tarqatishni moliyalashtirishga qarshi kurashish bo`yicha ichki nazorat qoidalari”da va Bankning ichki me'yoriy xujjatlarida belgilangan tartibda shubhali va (yoki) gumonli alomatlari mavjud operatsiyalar to`g`risida bevosita o`z rahbariyatiga va Komplaens nazorat departamentiga yozma ravishda o`z vaqtida xabar berish yuzasidan O`zbekiston Respublikasining amaldagi qonun hujjatlariga muvofiq javobgarlikni olib boradi.
|
