|
Ромитан туман ҳокимлиги матбуот хизмати
📣 Диққат, ЭЪЛОН!
🏰 Жорий йилнинг 12 март шанба куни соат 08:00 да Ромитан туманининг қадимий археологик ёдгорлиги, илк ўрта асрлар тарихининг нодир дурдонаси ҳисобланган “Бўронтепа” қўрғони ҳудудида барпо этилган "Bukhara Desert Oasis & Spa" дам олиш масканида “Наврўз” умумхалқ байрами муносабати билан “ҚЎЧҚОР УРИШТИРИШ” кўнгилочар беллашуви ҳамда “УЛОҚ КЎПКАРИ миллий ўйини ташкил этилади.
⚡️Совринлари 2 та 🐫🐫 туя, 2 та 🐎🐎 от, 3 та 🐂🐂 қора мол, 20 тa 🐐🐏 қўй эчки, 50 та бошқа қимматбаҳо совринлар бор.
📍Беллашув жуда қизиқарли, шиддатли ва баҳсларга бой бўлиши аниқ!
☎️ Мурожаат учун тел: +99890-637-11-15
+99898-774-84-48
ИНСОН ҚАЛБИГА ЙЎЛ МЕҲР-МУРУВВАТ ВА САХОВАТДАН БОШЛАНАДИ
Барчага маълумки, йиқилганни суяш, кўмакка муҳтож инсонларга хайру саҳоват, меҳр-эътибор кўрсатиш каби чинакам инсоний фазилатлар халқимизнинг қон-қонига сингиб кетган азалий қадриятлардан биридир.
Ромитан туманида эҳтиёжманд, ижтимоий ҳимояга муҳтож, ногиронлиги бор бўлган фуқароларни моддий ва маънавий жиҳатдан қўллаб-қувватлаш борасида кўплаб эзгу саъй-ҳаракатлар амалга оширилиб келинмоқда.
Жумладан, бугун,18 март куни Ромитан туманидаги “Ибн Сино” МФЙда тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчиси Талат Шоев бошчилигидаги МФЙ ходимлари “Наврўз” умумхалқ байрами муносабати билан эҳтиёжманд, ижтимоий ҳимояга муҳтож, ногиронлиги бор бўлган фуқаролар хонадонига ташриф буюриб, ҳолидан хабар олинди.
Ташриф давомида ҳоким ёрдамчиси ташаббуси билан “Ибн Сино” МФЙ да истиқомат қилувчи фуқаро Назокат Бозоровага байрам совғаси ҳамда ногиронлик аравачаси хадя етилди. Шунингдек, “Янги ҳаёт” ва “Ғафур Ғулом” кўчаларида истиқомат қилувчи Самандар Солиев, Мехриноз Самандарова, Насилло ва Нарзилло Абдурахимовлар, Хамид Жумаев, Олима Тўқсанова , Ойнисо Жумаеваларга байрам совғаси ва озиқ-овқат маҳсулотлари етказиб берилди.
Do'stlaringiz bilan baham: |
