Tashqi rezba kesish

Klupp vositasida rezba kesish

1.Kluppni yig’ish.	1.Kluppning plashkalari va yo’naltiruvchi ramkalari artiladi hamda yupqa moy qatlami bilan moylanadi. Klupp ramkasiga 1,2-raqamli plashkalar birin- ketin shunday qilib qo’yiladiki, plashkalardagi tamg’alar klupp korpusidagi tamg’alar tomonida bo’ladi (rasmga qarang).
2.Boltda (shpilkada ) rezba kesish.	2. Rezbalar jadvalidan foydalanib, bolt diametrining o’yilayotgan rezbaga mosligi tekshiriladi. Bolt (shpilka) girada tik holatda (bolt kallagidan, shpilka - rezba kesilmaydigan o’rta qismidan) mahkamlanadi. Kluppning taranglovchi murvati salgina bo’shatilganida, plashka sterjenni 3/4 qalinligicha qamrab olish kerak, so’ngra taranglovchi murvat yana mahkamlab buriladi. Plashka va sterjen uchi obdan moylanadi va sterjenda klupp dastasi soat mili yo’nalishida bir – ikki va teskari yo’nalishda yarim aylantirilib, kerakli uzunlikda rezba kesiladi. Klupp soat mili yo’nalishiga teskari aylantirilib, dastlabki holatga o’rnatiladi, taranglovchi murvat yarim aylanishga buraladi va sterjenda yana rezba kesiladi.
3. Rezba sifatini tekshirish.	3. Rezba sifati tashqi tomondan qarab tekshiriladi (yuluq joylari, o’rami uzilgan rezbalar bo’lishiga yo’l qo’yilmaydi). Rezba gayka vositasida tekshiriladi (bunda gayka osongina, lekin liqillamasdan buralib borishi kerak). Rezba kalibr – halqa bilan tekshiriladi (o’tadigan halqa buralishi, o’tmaydigani esa buralmasligi kerak). Rezba toza latta bilan yaxshilab artilgandan keyin uning sifati rezbali halqa bilan nazorat qilinadi.

Tashqi rezbalar kesishda xavfsizlik qoidalari

Rezba kesishda ishlab turgan stanokni moylash mumkin emas.

Elektr yuritmali rezba keskich bilan ishlashda quyidagilar taqiqlanadi:
a) nuqsonli elektr kabellari va shtepsel birikmalari bilan ishlash;
b) elektr asbobini qisman bo’laklarga ajratish va ta’mirlash;
v) elektr asboblari bilan zax xonalarda va ochiq joyda yomg’ir
ostida ishlash, elektr asbobnning ichiga nam tushishiga yo’l qo’yish
(chunki korpus kuchlanish ta’sirida bo’ladi);
g) tarmoqqa ulangan elektrlashtirilgan asosning elektr
yuritmasidan, kesuvchi asbobidan ushlash, korpusga gavdani bosib
turish, uni tizzaga olish.
Pnevmatik yuritmali rezba keskich bilan ishlashda quyidagilar man qilinadi:
a) qo’lqopsiz ishlash;
b) pnevmatik asbob shlangidan yoki ish asbobidan ushlash va ular
bilan tiralma narvonlarda ishlash;
v) qismlarga ajratish yoki qisman remont qilish;
g) ish vaqtida kesuvchi asbobni qo’yish yoki chiqarib olish
(sterjen diametri rezbaning tashqi diametridan bir oz kichik
bo’lishi kerak).
d) havo quvurining jumragi ochiq turganda pnevmatik asbobga
rezina shlangni ulash;
s) siqilgan havoni quvurdan shlangga uzatadigan jumrakni berkitmasdan turib, pnevmatik asbobdan shlangni olish.