Tema : German qáwimleri hám Rim imperiyasi To'gerektin’ maqseti

Tariyx páni do’gerek konspekti

Sáne: ________________
Tema : German qáwimleri hám Rim imperiyasi
To'gerektin’ maqseti: Oqıwshılarǵa german qáwimleri, olardıń social, ekonomikalıq turmısı haqqında mag’liwmat beriw.
Eramizǵa shekemgi dáslepki ásirlerde Aziyadaǵı xunn, Evropadaǵı german qáwimlerinde múlkshilik qatlamlarǵa bóliniw kúsheyip, olar ha’lsirey baslaǵan Rim imperiyasina shabıwılların kúsheyittirgen.
Ullı kóshiw haqqında. IV - VI ásirler Evropa tariyxına xalıqlardıń ullı kóshiwi atı menen kirgen. Kóshiw nátiyjesinde xalıqlardıń jasaw aymaqları keskin ózgerip ketken. Bunday kóshiwge tómendegi faktorlar sebep bolǵan : birinshiden, kóplegen xalıqlarda óndiriwshi kúshler ósken. Bul hádiyse, ásirese, german qáwimlerinde kúshli bolǵan. Aqıbette germanlarda jańa-jańa jerlerge talap kúsheygen. Bul talaptı ózgeler jerin iyelep alıwsız qandirip bolmaǵan bolar edi. Sol dáwirlerde Batıs Rim imperiyasi hálsiregen edi. Bul hal germanlarg’a imperiya aymaqların az-azdan iyelep alıw, bara-bara pútkilley basip aliw ushın sha’rayat jaratqan. Ekinshiden, Shıǵısda jasawshı qúdiretli kóshpeli xun qáwimleriniń Batısqa jawingershilik júriwi baslanǵan. Kúshsiz qáwimler ózleri jasap atırǵan jaylardı tastap, basqa jurtlarǵa kóshiwge májbúr bolg’an. Úshinshiden, tábiyatdaǵı ıqlım ózgerisleri de ullı kóshiwge sebep bolǵan. Bul ózgerisler hawa rayınıń keskin suwıwı menen baylanıslı edi. Egin maydanları barǵan sayın kóbirek jaramsız halǵa kela baslaǵan. Túrli qáwimler jasaw ushın ıqlımı qolay jaylarǵa kóshiwge májbúr bolg’an.




Ullı kóshiw aqıbetleri. Ullı kóshiw dáwirinde german qáwimleri Batıs Rim imperiyasi aymaqların jawlap aldi. Zulimnan azap shekken qullar hám basqa ezilgen siyasiy gruppalar olarǵa járdem bergenler. Aqır-áqıbette Batıs Rim imperiyasi apatqa júz tutqan. Batıs Rim imperiyasinin’ qulawi jay g’ana bir mámlekettiń qulawi g’ana emes edi. Bul usı waqıtta, ásirler dawamında húkim su’rip kelgen qul iyelewshilik basqarıw princpısınıń Evropada tawsılıwıda edi. Endi Evropada jańa jámiyet (joqarıda siz atın úyrenip alǵan ) - feodal jámiyeti qarar taba basladı. Bunnan tısqarı, xalıqlardıń ullı kóshiwi áqibetinde túrli xalıqlardıń bir-biri menen aralasıwı júz berdi. Olardıń materiallıq túsi de keskin ózgerdi.