Tema : mb. Mbbs. Access programması haqqında

Tema :MB. MBBS. Access programması haqqında

Joba:

1. Microsoft Access te islew tiykarları

2. Microsoft Access te maǵlıwmatlar bazasın jaratıw.

3. Microsoft Access te jaratılǵan kestelerge maǵlıwmatlardı kiritiw, soraw hám esabatlar jaratıw.

1. Microsoft Access te islew tiykarları

Házirgi kúnde jámiyetimizde maǵlıwmatlar bazasında kerekli maǵlıwmatlardı saqlaw hám onnan durıs paydalanıw úlken rol oynaydı. Sebebi, jámiyetimizdegi qaysı tarawdı alıp qaramayıq ózimizge kerekli maǵlıwmatlardı alıw ushın, álbette maǵlıwmatlar bazasınan paydalanamız. Demek, házirgi kúndegi xabar almasıw texnologiyasındaǵı dáwir talaplarınan biri, bul barlıq tarawlarda maǵlıwmatlar bazasın jaratıw hám olardı basqarıw sistemasınan paydalanıwdı úyreniw bolıp tabıladı. Biz tómende Microsoft Access maǵlıwmatlar bazasın basqarıw sisteması hám onda islew usılları haqqında sóz etemiz.

Microsoft Access maǵlıwmatlar bazasın basqarıw sistemasınıń islewi ushın tómendegiler talap etiledi
-Pentium-II yáki onnan joqarı klassdaǵı prostessor menen támiyinlengen kompyuter.
-Diskli operastion sistemanıń zamanagóy versiyalarınan bolǵan programmalıq táminat.
-Microsoft Windows den joqarı versiyası.
-Keminde yr megabayttan kem bolmaǵan operativ yad
- 1,5 Gigabayttan artıq sırtqı yad
-Tıshqansha yaki manipulyator
Access dástúrin de basqa dástúrler sıyaqlı jumıs stolınıń «PUSK» túymesi járdeminde iske túsiriw múmkin. Access dástúri tiykarǵı aynasındaǵı kórinisler hám túymeler Word tekst redaktorındaǵı túymelerge uqsap ketedi. Olar Word tekst redaktorındaǵı ámellerdi hám funkstiyalardı orınlaw imkaniyatın beredi. Máselen, fayl ashıw, orfografiyanı tekseriw, baspadan shıǵarıw, qayshı hám taǵı basqalar. Basqa túymeler bolsa maǵlıwmatlar bazasın dúziw hám onda islew boyınsha arnawlı máselelerdi sheshiw ushın xızmet etedi.
ACCESS maǵlıwmatlar bazası bir-biri menen baylanıslı bir neshe kestelerden ibarat bolıp (relyastion kesteler), olarda qandayda bir túrdegi, formattaǵı hám kórinistegi maǵlıwmatlar toplamı saqlanadı. Ondaǵı hár bir maǵlıwmatlar bazası bólek faylda saqlanadı. Usı fayl maǵlıwmatlar bazasınıń barlıq obekti hám elementlerin óz ishine aladı. (máselen, sorawlar, esabatlar, formalar, indeks hám gilt maydanları haqqındaǵı maǵlıwmatlar hám taǵı basqalar).
ACCESS te maǵlıwmatlardıń tómendegishe túrlerin isletiwińiz múmkin: