Tema : mb. Mbbs. Access programması haqqında

1-Másele

Maǵlıwmatlar bazasın jaratıw.
1. Jańa maǵlıwmatlar bazasın jaratıń.
2. Maǵlıwmatlar bazasınıń kestesin jaratıń
3. Tómendegi kesteden paydalanǵan halda maǵlıwmatlar bazası kestesiniń maydanların jaratıń
4. Jaratılǵan kesteni saqlań.
Oqıtıwshılar atamasındaǵı maǵlıwmatlar kestesi:

Maydan atı	Maǵlıwmatlar túri	Maydan ólshemi yamasa túri
Oqıtıwshı kodi	Schetchik
Familiyası	Tekstli	15
Ismi	Tekstli	15
Atasınıń ismi	Tekstli	15
Tuwılǵan sánesi	Sáne/waqıt	Qısqasha
Lawazımı	Tekstli	9
Oqıtatuǵın páni	Tekstli	11
Telefonı	Tekstli	9
Aylıǵı	Pul birligi

Máseleni orınlaw tártibi::
1. Jańa maǵlıwmatlar bazasın jaratıw ushın:
-Access ti iske qosıń hám onıń tiykarǵı aynasında Jańa maǵlıwmatlar bazası (Новая база данных) punktin tańlań.
-Jańa maǵlıwmatlar bazası (Файл новая база данных) oynasında jaratıp atırǵan bazańızdıń atın (Имя файл) kiritiń hám jaratıp atırǵan bazańızdıń jaylasatuǵın papkasın tańlań (Папка punkti). Access programması jaratılıp atırǵan maǵlıwmatlar bazasına avtomatik rawishte db1 atamasın beredi, fayldıń túrin bolsa Access maǵlıwmatlar bazası (База данных Access) dep usınadı. Baza atamasın oqıtıwshılar dep tańlań, fayldıń túrin bolsa sol halında ózgerissiz qaldırıń, sebebi arnawlı atamadaǵı fayllar házirshe kerek emes. Bul ámellerdi orınlap bolǵannan soń, Создать (Jaratılsın) túymesin basıń

2. Maǵlıwmatlar bazasınıń baslanǵısh kestesin jaratıw ushın:
-Maǵlıwmatlar bazası tiykarǵı aynasındaǵı Таблицы (Keste)  imkaniyatın tańlań hám onnan soń Создать túymesin shertiń.
- Новая таблица (Jańa keste) aynasında Конструктор punktin tańlań hám onnan soń OK túymesin basıń. Usı ámeller nátiyjesinde kesteniń konstruktor rejimindegi aynası ashıladı. Onda úsh maydan bar bolıp: Имя поля (Maydan atı), Тип данных (Maǵlıwmatlar túri) hám Описание (Maydan tavsifi). Bul aynadan paydalanǵan halda keste maydanların anıqlaw kerek boladı. Keste maydanları ataması probellardı (bos orınlardı)da esapqa alǵan halda 64 simvoldan ibarat bolıwı múmkinligin esten shıǵarmań.
3. Kesteniń maydanların anıqlaw ushın:
-: Имя поля (Maydan atı) baǵanasınıń birinshi qatarına birinshi maydannıń atamasın kiritiń: oqıtıwshı kodı
- Тип данных (Maǵlıwmatlar túri) baǵanasınıń qatarında onı tıshqansha kórsetkishi menen shertkende payda bolatuǵın tómengi tárepke baǵıtlanǵan strelkalı túymeni shertkende ashılatuǵın dizimnen maǵlıwmatlardıń Счетчик dep atalǵan túrin tańlap alıń. Обшие (Ulıwma) dep atalǵan maydan kórsetkishlerin programma usınǵan kórinisinde qaldırǵanıńız maqul.
-Tap sonday tártipte joqarıda kórsetilgen kesteden paydalanǵan halda barlıq maydanlardı maǵlıwmatlar bazasına kiritiń.
Usı konstruktor aynasınıń Описание dep atalǵan baǵanası qatarlarına maǵlıwmat kiritiw shárt emes, sebebi ol usı maydan haqqındaǵı qosımsha maǵlıwmatlardı kiritiw ushın xızmet qıladı.


4.Jaratılǵan kesteni saqlaw ushın:
-Файл menyusınan Сохранить (Saqlansın) punktin tańlań.
- Сохрание dep atalǵan baylanıs aynasında kesteniń atın kiritiń: oqıtıwshılar
-Onnan soń OK túymesin basıń.
OK túymesi basılǵanda ACCESS maǵlıwmatlar bazasın basqarıw sisteması Sizge gilt maydandı (baslanǵısh gilt maydanın) anıqlawdı talap etiwi múmkin. Bul maydan programma tárepinen avtomatik ráwishte kesteniń hár bir jazıwın anıq kórsetiwge (anıqlawǵa) imkan beredi. Kóp kestelerden ibarat bolǵan maǵlıwmatlar bazaları ushın bul úlken áhmiyetke iye boladı. Eger maǵlıwmatlar bazańız usı máseledegi sıyaqlı tek ǵana bir kesteden ibarat bolsa, onda bul is onsha áhmiyetke iye emes, sonıń ushın bunday halatta Нет (Yaq) túymesin shertiń.
Kesteniń konstruktor rejimindegi aynasınıń tómengi bólimindegi Обшие (Ulıwma) túymesi basılǵanda kiritilgen maydannıń bir qansha kórsetkishleri ekranda payda boladı. Olardıń hámmesin ózgertiw mumkin. Biraq biziń másláhátimizge ámel qılsańız Размер поля (Maydan ólshemi) punktin ǵana ózgertiń, basqaların bolsa házirshe ózgerissiz qaldırıń. Máselen, ACCESS maǵlıwmatlar bazasın basqarıw sisteması tekstli maǵlıwmatlar ushın 50 simvollı ólshemdi usınadı. Biraq Фамиля, Исми, Атасының исми hám sol sıyaqlı maydanlar ólshemi 15 simvoldan úlken bolıwı múmkin emes. Egerde olarda bunnan úlkeni ushırap qalsa, keyinirek ańsatlıq penen ózgertiw múmkin. Sanlı maydan túrleri ushın ACCESS programması Длинное целое (Uzın pútin san) túrin usınadı. Biraq egerde egerde Siziń sanlı maǵlıwmatlarıńız pútin sanlar (-32768 den + 32767 ge shekem) bolsa целое (Putin) imkaniyatın tańlaw kerek, eger olar bólshek sanlar bolsa onda С плаваюшей точкой (Juziwshi tochkalı sanlar–Bólshek sanlar) imkaniyatın tańlaw kerek boladı. Kerekli imkaniyattı yamasa kórsetkishti tańlaw ushın tıshqansha kórsetkishin maydanǵa aparıp onı bir márte shertiw kerek boladı. Onnan keyin bolsa payda bolǵan tómenge baǵıtlanǵan strelka formasındaǵı dizimdi ashıw túymesi basılsa, tiyisli dizim payda boladı hám siz onnan kerekli imkaniyattı tańlap alıwıńız múmkin. Usı ámellerdi orınlaw nátiyjesinde jaratıp atırǵan kesteńiz jıynaqlı hám ápiwayı halǵa keltiriledi, maǵlıwmatlar bazasınıń kólemi bolsa ádewir kemeyedi.