Tema : mb. Mbbs. Access programması haqqında

3. Microsoft Access te jaratılǵan kestelerge maǵlıwmatlardı kiritiw, soraw hám esabatlar jaratıw.

Usı formadan paydalanıp, jaratılıp atırǵan kestege maǵlıwmatlardı kiritiw múmkin. Bunıń ushın hár bir maydanǵa tiyisli mánisleri kiritiledi hám tómendegi Запис (jazıw) dep atalǵan qatardıń oń tárepke baǵıtlanǵan bir strelkalı túymesin basamız yamasa klaviaturadaǵı Таb túymesin basamız. Bul bizge keyingi jazıwǵa ótiw imkaniyatın beredi. Forma járdeminde barlıq maǵlıwmatlardı kestege kiritip bolǵannan soń, onı saqlaw kerek. Házir bizde kerekli maǵlıwmatlar tiykarında keste jaratıldı hám oǵan tiyisli maǵlıwmatlar kiritiw forması jaratıldı.
Endi Soraw (Запрос) hám Esabat (Отчет) qanday jaratılıwın kórip shıǵamız. Bunıń ushın tiykarǵı aynadan Запросы túymesin basamız, sońınan Создание запроса с помошью мастера imkaniyatın tańlap, Новая запрос aynasınan Простой запрос imkaniyatın tańlaǵannan keyin tómendegi aynaǵa iye bolamız:
-
Ápiwayı sorawlardı (запросы) jaratıw dialog aynası.
Usı aynadan qaysı keste tiykarında sorawlar jaratılıwın (Таблицы и запросы-Kesteler hám sorawlar) bóliminen hám qaysı maydanlar kerekligin ( Досьтупные поля) dan tańlap alamız. Maydanlardı tańlaw ushın hár bir maydan atı tańlanıp > belgili túymesin basıw arqalı oń táreptegi «Выбранные поля » (Tańlanǵan maydanlar) aynasına ótkiziledi hám onnan soń Далее túymesi basıladı. Bunnan keyin tómendegi kórinistegi aynaǵa iye bolamız:



Bul ayna bizden sorawdıń atın beriwdi talap etip atır. Eger atın berip, Открыть запрос для просмотра данных (Maǵlıwmatlardı kóriw ushın sorawdı ashıw) imkaniyatı tańlansa hám Готово túymesi basılsa, tómendegi aynaǵa iye bolamız:

Bul aynada biziń konkret sorawımızǵa sáykes bolǵan maǵlıwmatlar payda boldı. Biraq kestemizdiń maydanları tolıq tańlanbaǵanlıǵı hámde tiyisli maǵlıwmatlar kiritilmegenligi ushın soraw kestesinde hesh nárse joq.
Eger jaratılǵan kesteden qandayda bir kórsetkishler tiykarında sorawdı ózgertiwimiz kerek bolsa, Вид menyusınan Конструктор rejimin tańlaymız hám tómendegi aynaǵa iye bolamız:

Bul ayna aldın jaratılǵan kesteden usı ayna arqalı jaratılatuǵın sorawlardı payda etiwge imkan beredi. Bul jerde Поле qatarı kesteniń baǵanalarınıń atamalarınan ibarat. Máselen, usı halatta STIR, ST familiyasi, Faoliyat turi, Imtiezi hám Manzilgoxi maydanları sáwlelengen. Ekinshi Имя таблицы qatarında bolsa, maydanlardıń maǵlıwmatları alınıwı kerek bolǵan kesteler atı sáwlelengen. Kórilip atırǵan mısalda tekǵana Сотрудники kestesine tiyisli maydanlar isletilgeni ushın, tekǵana sol kesteniń atın kóriwimiz múmkin. Keyingi úshinshi qatarda baǵanadaǵı maǵlıwmatlardı tańlaw ushın úsh túrli tańlaw imkaniyatı berilgen:
По возрастанию– ósiw tártibinde, По убмванию – kemeyiw tártibinde, Отсутвует – tańlanbaǵan halda.
Máselen, eger qandayda bir maydandaǵı maǵlıwmatlardı ósiw tártibinde jaylastırıw kerek bolsa, sol jerge tıshqansha kórsetkishi alıp kelip shertilse, tómenge qaraǵan túyme kórinisi payda boladı hám sol túymeni basıp, kereklisin tańlawımız.
Keyingi tórtinshi qatarda maǵlıwmatlardıńt ekranda kóriniwi kerek bolǵan tiyisli jerine «галочка» belgisin qoyıw arqalı aldınnan anıqlap qoyıladı. Kórip atırǵan mısalımızda olardıń hámmesine belgi qoyılǵan, demek olardıń hámmesi ekranda kórinedi. Aqırǵı qatar tekǵana logikalıq túrdegi maydanlar ushın isletiledi. Joqarıdaǵı barlıq ámellerdi orınlap bolǵannan soń Вид menyusindegi Режим tablisti rejimin tańlap alamız hám sorawımızǵa tiykarlanıp hámde kórsetilgen shártler tiykarında jaratılǵan kesteni ekranda kóriwimiz múmkin.
Endi jaratılǵan kestelerden paydalanǵan halda esabatlar qalay tayarlanatuǵınlıǵın kórip shıǵamız. Bunıń ushın tiykarǵı aynadan Отчеты (Esabatlar) imkaniyatın tańlaymız hám tómendegi aynaǵa iye bolamız: