Tema: Baslawısh klass sabaqlıqlarında m

Tema: Baslawısh klass sabaqlıqlarında máselelerdi analizlew jolların úyretiw


Jobası:
Kirisiw

1. Matematika sabaqlıqlarındaǵı máseleler haqqında túsinik

2. Matematika sabaqlıqlarındaǵı Matematikanı oqıtıw sistemasında máseleler sheshiw


3. Matematika sabaqlıqlarındaǵı tekstli máseleler túsinigi hám olardı analizlewdiń geybir jolları
Juwmaqlaw


Paydalanılǵan ádebiyatlar dizimi


Kirisiw
Mámleketimizde milliy qánigelerdi tayarlawǵa ayrıqsha kewil bólinip atırǵan házirgi dáwirde ulıwma orta bilim beriw mazmunına, sonıń ishinde baslawısh bilimberiw mazmunına da ózgeris kirgiziledi. Baslawısh bilim beriw kontseptsiyasınıń bas baǵdarı pedagogika ilimi menen baslawısh bilim beriwdiń baylanısın támiyinlew tiykarında baslawısh bilim beriwdiń nátiyjelerin arttırıw bolıp tabıladı. Demek, baslawısh bilim beriw kontseptsiyası bilim beriwdi jańasha shólkemlestiriwge, onıń nátiyjeligin arttırıwǵa hám bul protsessti rawajlandırıwǵa járdem beretuǵın pikirler menen pedagogikalıq jetiskenliklerdi, ilimiy boljawlardı esapqa aladı.
Olay bolatuǵın bolsa baslawısh bilim beriwdiń bárshe pánleri boyınsha oqıtıw metodikasın jetilistirip barıw - házirgi kúnniń aktual máseleleriniń biri bolıp qalatuǵınlıǵı sózsiz. A1, házirgi kúndegi baslawısh klass sabaqlıqlarındaǵı máselelerdi analizlewdiń eń tiyimli jolların tabıw matematikanı oqıtıw metodikasında orın alǵan aktual máselelerdiń biri bolıp otır.
Baslawısh bilim beriw - oqıwshılarǵa ulıwma orta bilim beriw menen bir qatarda, olarda logikalıq oylawdı ózbetinshe pikirlerdi úyretiw oraylıq máselelerdiń birin iyeleydi.
Zamanagóy baslawısh bilim beriw barısı balalardı rawajlandırıwshı xarakterge iye bolǵan bilim beriw sistemasın usınadı.
Bunda kishi mektep jasındaǵı balalar óziniń jas ózgesheligine say keletuǵın hám olardı ózlestiriw múmkinshiligin beretuǵın bilim alıw xızmetin atqaradı. Bul xızmetlerdi atqarıw oqıwshılar ushın eń tiykarǵı jetekshi wazıypalar bolıp esaplanadı. Kishi mektep jasındaǵı balalarǵa arifmetikalıq ámellerdi úyretiw menen bir qatarda, ápiwayı másellerdi sheshiwdi úyretiw arqalı matematika páni boyınsha teoriyalıq bilimlerdi iyelewine erisiw jumıstıń tiykarǵı maqseti menen wazıypalarına kiredi.
Bul kurs jumısı tiykarınan alǵanda tikkeley baqlaw metodlarına súyengen bolıp, onda oqıwshılardıń sabaqlıqlarındaǵı máselelerdi analizlew kónlikpelerin jetilistirip barıwǵa qaratılǵan.