Tema: İnformatsiyalıq sistemalar ha’m texnologiyalar arasında baylanıs. Berilgenler bazası ha’m onın’ basqarıw sistemaları. Berilgenler bazasının’ modelleri. Relyatsiyalıq berilgenler bazası
Download 441.15 Kb. Pdf ko'rish
|
1-tema
- Bu sahifa navigatsiya:
- Mag’lıwmatlar bazası
|
Mag’lıwmatlar bazasın ha’m onın’ basqarıw sistemaları. Informatsiyalıq texnologiyalardın’ rawajlanıwı ha’m informatsiya ag’ımlarının’ ju’da’ ken’ tu’rde artıp barıwı, mag’lıwmatlardın’ tez o’zgeriwi sıyaqlı jag’daylar insaniyattı bul mag’lıwmatlardı o’z waqtında qayta islew ilajların izlep tabıwg’a bag’darlaydı. Mag’lıwmatlardı saqlaw, jetkerip beriw ha’m qayta islew ushın mag’lıwmatlar bazasın (MB) jaratıw, son’ onnan ken’ paydalanıw bu’gingi ku’nde za’ru’rlikke aylanbaqta. Sebebi, ja’miyet rawajlanıwın qaysı tarawına na’zer salmayıq o’zimizge kerekli mag’lıwmatlardı alıw ushın mag’lıwmatlar bazasın paydalanıwg’a ma’jbu’r bolamız. Demek, mag’lıwmatlar bazasın du’ziw informatsiyanı almasıw texnologiyasının’ en’ tezirek sheshiletug’ın mashqalalardın’ birine aynalıp baratırg’annın’ o’zi da’wir talabı bolıp tabıladı. İnformatsiyanı saqlaw kompyuterdin’ en’ a’hmiyetli funktsiyalarının’ biri. Usınday saqlawdın’ en’ ko’p taralg’an qurallarının’ biri mag’lıwmatlar bazası boladı. Mag’lıwmatlar bazası bul ayrıqsha formattag’ı, berilgen tu’rdegi strukturalasqan informatsiyadan turıwshı fayl bolıp tabıladı. Mag’lıwmatlar bazası bul o’zara baylanısqan ha’m ta’rtiplengen mag’lıwmatlar jıynag’ı bolıp, ol qaralıp atırg’an obektlerdin’ qa’siyetlerin, jag’dayların ha’m obektler ortasındag’ı qatnaslardı belgili bir tarawda xarakterleydi. Kompyuter yadında ha’r bir fayl, jazıw dep atalatug’ın birdey tiptegi bo’limlerden ibarat boladı. Jazıw-o’zara baylanısqan mag’lıwmatlardın’ bir bo’legi bolıp tabıladı. Fayldag’ı jazıwlar sanı, qaralıp atırg’an mag’lıwmattın’ o’lshemine baylanıslı boladı. Ha’r bir jazıw bolsa maydan dep atalatug’ın bo’leklerden turadı. Maydan mag’lıwmatlardın’ ilajı barınsha qısqa ko’pliginen ibarat bolıwı kerek. Ha’r bir maydan, o’zi an’latatug’ın mag’lıwmatlarg’a qarap, bazı bir atqa iye boladı. Mag’lıwmatlar bazasın jaratıw, olarg’a qosımsha mag’lıwmatlardı kiritiw ha’m bar bolg’an mag’lıwmatlar bazasınan paydalanıw ushın arnawlı mag’lıwmatlar bazası menen isleytug’ın programmalar kerek boladı. Bunday programmalar jıynag’ı mag’lıwmatlar bazasın basqarıw sisteması (MBBS) dep ju’ritiledi. Download 441.15 Kb. Do'stlaringiz bilan baham: 
|