- РЕЖА:
- 1. Фаннинг мақсади ва вазифалари.
- 2. Фаннинг предмети ва ўрганиш усуллари.
- 3. Бозор ва унинг вазифаси. Чекланган ресурсларни тақсимлашнинг бозор механизми. Кичик доиравий айланиш модели.
- 4. Иқтисодий эҳтиёжлар ва иқтисодий неъматлар, уларнинг мазмуни ва моҳияти.
- 5. Иқтисодиётнинг бош муаммоси: моддий эҳтиёжларнинг чексизлиги ва иқтисодий ресурсларнинг чекланганлиги.
- 6. Иқтисодиёт ва самарадорлик: тўла бандлик ва ишлаб чиқаришнинг тўлиқ ҳажми.
- Тавсия этиладиган адабиётлар:
- Campbell R. McConnell. Microeconomics. - Copyright 2015, Macmillan Publishing Company, a division of Macmillan, Inc.
- Pindyck, Robert S. Microeconomics. – Copyright 2013, Macmillan Publishing Company, a division of Macmillan, Inc.
- N. Gregory Mankiw. Macroeconomics. Paperback, 2010.
- Salimov B.T., Muxitdinova U.S., Mustafakulov Sh.I., Salimov B.B. Mikroiqtisodiyot: Darslik -T.: TDIU, 2014. - 230 b.
- N.Xolmatov. N.lmomova. «Makro va mikroiqtisodiyot» fanidan o'quv qo'llanma. — Т.: «Tafakkur avlodi», 2020. - 268-b
- Иқтисодиёт – бу чекланган ва тақчил ресурслар шароитида жамият нимани, қандай қилиб ва ким учун ишлаб чиқаришни ўрганадиган фандир (С.Фишер).
- Иқтисодиёт – бу инсониятнинг нормал ҳаёт фаолияти тўғрисидаги фандир (Альфред Маршалл).
- Иқтисодиёт – бу ресурслар чекланган шароитда моддий неъматларни ишлаб чиқариш, тақсимлаш ва истеъмол қилиш жараёнида инсонларнинг ҳатти-ҳаракатини ўрганадиган фандир. Иқтисодиёт инсонларнинг эҳтиёжларини максимал даражада қондириш мақсадида чекланган ресурслардан самарали фойдаланиш муаммоларини тадқиқ этади (Кемпбелл Макконнел, Стенли Брю).
- Иқтисодиёт йирик иккита қисмга – микроиқтисодиёт ва макроиқтисодиётга бўлинади.
- “Микроиқтисодиёт” аниқ индувидуал иқтисодий субъектларнинг ҳатти-ҳаракатини ўрганиш билан шуғулланади. Индувидуал иқтисодий субъектлар деганда фирмалар, уй хўжаликлари, тармоқлар ва бозорларни тушунамиз.
- “Микроиқтисодиёт” фанининг асосий мақсади талабаларга бозор муносабатлари шароитида иқтисодиётда амал қиладиган қонуниятларни, жамиятдаги ресурслар тақчиллиги шароитида кишилар эҳтиёжини максимал қондириш йўллари тўғрисида иқтисодий билимларни ва уларни амалда тадбиқ этиш йўлларини ўргатишдан иборат.
Do'stlaringiz bilan baham: |
