Tema: Mektepke shekemgi jastaģi balalarģa aqliy tárbiya beriw usillari hám metodlari

b) suwrette sáwleleniwi mumkin bolgan belgilerdi sáwlelendiriwshi buyimlar haqqindagi uliwmalastirilgan sawleler;
v) jañadan payda bolip atirgan. hám tawsilgan suwretti qabil etiw hám oni baladagi bar sáwlelerge muwapiq ráwishte bahalaw;
g) tusiniklerden paydalaniw, dáslep toplangan tájiriybelerdi qollaw hám qiyal járdeminde oni ózgertiw uqipliligi;
d) oylawdiń rejelestiriw waziypalari.

Suwretlew iskerliginde balani aqiliy tárepten tárbiyalawdiń tiykargi pedagogikaliq shart-sharayatlari oni balalardin aynala-átiraptagi zat hám qublislardi jetilisken halda baqlawlari tiykarinda sholkemlestiriw, áne usi baqlawlar dawaminda buyimlardi tekseriwdiń uliwmalasqan usillarin uyretiwden ibarat. Balalardin miynet iskerliginde olardin aqiliy tarbiyasi ushin ülken imkaniyatlar bar. Mektepke shekemgi tárbiya jasindagi balaga beriletugin har bir miynet tapsirmasi, qanshelli ápiwayi bolmasin, dáslepki paytlarda belgili dárejede aqiliy waziypadan ibarat boladi.
Miynet háreketlerin orinlaw protsessinde, bala óziniń tásiri natiyjelerin qabil etiw hám oni juúmaqlawshi obraz kóz-qarasinan bahalawi kerek. Usi múnásibet penen onda oylawdin quramali analitikalik- sintetikaliq iskerlik, belgili sensor qábiletler, óz isin ápiwayi ráwishte rejelestiriw uqipliligi talap etiledi. Usi menen birge balada belgili bilim, kónlikpe hám uqipliliqlar boliwi hám talap etiledi. Balanin miynet iskerligi ham shaxstin miynet etiw menen baylanisli bolgan psixikaliq sipatlari tek gana bilim, kónlikpe hám uqipliliqlar birligi sebepli payda boladi. Miynet balalardiń biliwge bolgan qizigiwshiliqlari artip bariwina ülken tásir kórsetedi. Balalardiń aktiv biliw iskerligi hám jana bilimler menen baylanisli miynet biliwge qizigiwshilq oyatadi.
Hár qiyli miynet iskerliginde balalardi aqiliy rawajlandiriw tómendegi sharayatlarda ámelge asiriladi:
1) balalardi miynet iskerligine uyretiwge pedagog bilim, kónlikpe hám uqipliliqlardi duris qosip alip baradi. Miynet kólikpelerin bilim hám aqiliy uqipliliqlardan ajiralgan halda payda etiw miynettin rawajlandiriwshi ham tárbiyalawshi tásiri kemeyiwine alip keledi.